கிராமத்தானின் கிறுக்கல்கள்

5 இடங்களில் ஐவகை மரபணு பூங்கா

2010-10-05T11:06:00.000-07:00

வெள்ளிக்கிழமை, 01 அக்டோபர் 2010 11:20

கோவை உலகத் தமிழ்ச் செம்மொழி மாநாட்டில் அறிவித்ததற்கு ஏற்ப சேலம் மாவட்டத்தில் குறிஞ்சி, தஞ்சை மாவட்டத்தில் மருதம், திண்டுக்கல் மாவட்டத்தில் முல்லை, நாகை மாவட்டத்தில் நெய்தல், ராமநாதபுரம் மாவட்டத்தில் பாலை என ஐவகை மரபணுப் பூங்காக்கள் அமைக்கப்படும் என்று முதலமைச்சர் கருணாநிதி அறிவித்துள்ளார்.

முதல்வர் கருணாநிதி விடுத்துள்ள வன உயிரின விழாச் செய்தி வருமாறு:அண்ணல் காந்தியடிகள் பிறந்த அக்டோபர் திங்கள் 2 ஆம் நாள் முதல் நாடு முழுவதும் ஒரு வார காலம் வன உயிரின வார விழா கடைப்பிடிக்கப்படுகிறது. பழந்தமிழரின் ஐவகை நிலப்பாகுபாடுகளில் காடுகளும், காடுகள் சார்ந்த நிலப்பகுதிகளும் முல்லை நிலம் என அழைக்கப்பட்டு வனவளமும் வனம் வாழ் உயிரினங்களும் போற்றப்பட்டுள்ளன.

அதனையொட்டி அண்மையில் கோவை மாநகரில் நடைபெற்ற உலகத் தமிழ்ச் செம்மொழி மாநாட்டில் ஐவகை நிலங்களிலும் பாரம்பரிய மரபணுப் பூங்காக்கள் அமைக்கப்படும் என அறிவிக்கப்பட்டதற்கேற்ப சேலம் மாவட்டத்தில் குறிஞ்சி மரபணுப் பூங்கா திண்டுக்கல் மாவட்டத்தில் முல்லை மரபணுப் பூங்கா, தஞ்சை மாவட்டத்தில் மருதம் மரபணுப் பூங்கா, நாகை மாவட்டத்தில் நெய்தல் மரபணுப் பூங்கா, ராமநாதபுரம் மாவட்டத்தில் பாலை மரபணுப் பூங்கா ஆகியவை அமைக்கப்படுகின்றன. இவற்றின் வாயிலாக அந்தந்த நிலப் பகுதிகளுக்குரிய அரிய வகை உயிரினங்களைக் காக்கும் புதிய முயற்சி மேற்கொள்ளப்படுகிறது.

தமிழகத்தில் உள்ள 22,877 சதுர கிலோ மீட்டர் வனப்பரபில் 4,578 சதுர கிலோ மீட்டர் அதாவது 20 விழுக்காடு வனப்பரப்பு பாதுகாப்புப் பகுதியாகும். இதில் 5 தேசிய பூங்காக்கள், 9 வன உயிரின சரணாலயங்கள், 12 பறவைகள் சரணாலயங்கள், 4 யானைகள் காப்பகங்கள், 3 உயிரிசூழல் காப்பகங்கள் ஆகியவை ஏற்படுத்தப்பட்டு வன உயிரினங்கள் பாதுகாக்கப்படுகின்றன.

வண்டலூர் அறிஞர் அண்ணா உயிரியல் பூங்காவில் பிறந்துள்ள ஆசியாவிலேயே அரிய வகை வெள்ளைப் புலிக்குட்டிகள் மூன்றில் ஆண் புலிக்குட்டிக்கு செம்பியன் என்றும் பெண் வெள்ளைப் புலிக்குட்டிகளுக்கு இந்திரா வள்ளி என்றும் பெயர்கள் சூட்டப்பட்டுச் சிறப்பிக்கப்பட்டுள்ளன.

இந்நிலையில் மரத்தை நாம் வளர்த்தால் மரம் நம்மை வளர்க்கும் எனும் உணர்வுடன் மரம் வளர்ப்போம், வனப் பகுதிகளைப் பெருக்குவோம் வன உயிரினங்களைக் காப்போம் எனும் சிந்தனைகளை மக்களிடையே உருவாக்கிட இந்த ஆண்டின் வன உயிரின வார விழா எங்கும் எழுச்சியுடன் நடைபெற எனது உளமார்ந்த நல்வாழ்த்துக்கள் உரித்தாகுக.

வறுமை: ஆப்பிரிக்காவை விஞ்சிய இந்தியாவின் 8 மாநிலங்கள்

2010-07-13T02:46:00.000-07:00

செவ்வாய்க்கிழமை, ஜூலை 13, 2010, டெல்லி: ஆப்பிரிக்காவின் 26 மிக ஏழ்மையான நாடுகளை விட மிக அதிகமான மக்கள் பிகார், சட்டீஸ்கர், ஜார்க்கண்ட், மத்தியப் பிரதேசம், ஒரிஸ்ஸா, ராஜஸ்தான், உத்தரப் பிரதேசம், மேற்கு வங்கம் ஆகிய இந்தியாவின் 8 மாநிலங்களி்ல் கடும் வறுமையின் பிடியில் சிக்கி உழன்று வருவதாக சர்வதேச ஆய்வறிக்கையொன்றில் கூறப்பட்டு்ள்ளது.

2020ம் ஆண்டில், அதாவது இன்னும் 10 ஆண்டுகளில் இந்தியா உலகின் மாபெரும் வல்லரசு நாடுகளில் ஒன்றாகிவிடும் என்று நம் நாட்டு அரசியல் கட்சிகளும் (இடதுசாரிகள் தவிர்த்து) அமெரிக்கா உள்ளிட்ட சில நாடுகளும் பிரச்சாரம் செய்து வருகின்றன.

இது எவ்வளவு பெரிய பொய் பிரச்சாரம் என்பதை இந்த ஆய்வு முடிவுகள் பொட்டில் அடிப்பது போல தெளிவாக எடுத்துக் காட்டியுள்ளன.

படிப்பறிவிலும் சமூகராதியிலும் மிகவும் பிற்பட்ட பிகார், சட்டீஸ்கர், ஜார்க்கண்ட், மத்தியப் பிரதேசம், ஒரிஸ்ஸா, ராஜஸ்தான், உத்தரப் பிரதேசம், மேற்கு வங்கம் ஆகிய எட்டு மாநிலங்களில் மட்டும் 42.1 கோடி மிகக் கொடுமையான வறுமையின் பிடியில் சிக்கியுள்ளனர்.

இந்த எண்ணிக்கை உலகின் மிக ஏழ்மையான கண்டமான ஆப்பிரிக்காவில் உள்ள மிக மிக ஏழ்மையான 26 நாடுகளில் வசிக்கும் மிக ஏழ்மையான மக்களின் ஒட்டுமொத்த கூட்டுத் தொகையை விட அதிகமாகும். இந்த நாடுகளில் மிகக் கடுமையான ஏழ்மையில் உள்ளோர் எண்ணிக்கை 41 கோடியாகும்.

ஐ.நா. சபையின் மனிதவள மேம்பாட்டுத்துறையும் ஆக்ஸ்போர்ட் மனிதவளத்துறையும் இணைந்து வெளியிட்டுள்ள ஆய்வறிக்கையில் இந்தத் தகவல்கள் தெரிவிக்கப்பட்டுள்ளன.

இதன் மூலம் ஆப்பிரிக்க நாடுகளை விட இந்தியாவில் தான் வறுமை அதிகமாக இருப்பது உறுதிப்படுத்தப்பட்டுள்ளது. குறிப்பாக இந்தியப் பெண்களில் பாதிபேர் வறுமைக் கோட்டுக்கு கீழ் வாழ்வதாகவும் அந்த ஆய்வு கூறுகிறது.

உலகின் ஒட்டுமொத்த மக்கள் தொகையில் பாதிப்பேர், அதாவது 48.4 கோடி பேர் தெற்காசிய நாடுகளிலும் 25 சதவீதம் பேர் ஆப்பிரிக்க நாடுகளிலும் வாழ்கின்றனர்.

இதில் தண்ணீர், மின்சாரம், கழிப்பிட வசதி இல்லாத உலக மக்களில் 51 சதவீதம் பேர், அதாவது 84.4 கோடி பேர் தெற்காசியாவிலும், 28 சதவீதம் பேர் அதாவது 45.8 கோடி பேர் ஆப்பிரிக்காவிலும் உள்ளனர்.

உலகிலேயே நைஜர் நாட்டில் தான் மிக அதிகபட்சமாக மொத்த மக்கள் தொகையில் 93 சதவீதம் பேரும் வறுமையில் வாழ்கின்றனர்.

5.2 பில்லியன் மக்கள் வசிக்கும் 104 நாடுகளில் நடத்தப்படப்பட்ட ஆய்வில் 1.7 பில்லியன் மக்கள் வறுமையில் தான் உள்ளனர்

Source: Thats tamil.com

பனைத்தொழிலை பாதுகாத்தல்: பூமி சூடாதலை தடுத்திட, காலநிலை மாற்றத்தை எதிர்கொள்ளவதற்கான மக்களை மையப்படுத்திய மாற்று செயல்திட்டம்

2010-07-07T10:55:00.000-07:00

இன்று இப்பூவுலகின் இருப்பினை, மனித நாகரீகத்தின் இன்றைய நிலையை கேள்விக்குள்ளாக்ககூடிய ஒரு சுற்றுச்சூழல்பிரச்சனை. ஏனெனில் நாம் வாழும் இக்காலகட்டம் பிரச்சனையின் தீவிரத்தன்மை வெளிப்படுத்திக்கொண்டிருக்கும் ஒரு நெருக்கடியான காலகட்டம். மனித சமூகம் ஒரு அசாதரணமான காலகட்டத்தை நோக்கி வெகுவேகமாக போய்க்கொண்டிருக்கிறது. இந்த அசாதரணமான காலகட்டத்தை வெகுசீக்கிரத்தில், 15 முதல் 20 வருடகாலகட்டத்திலேயே அடைந்துவிடக்கூட சாத்தியக்கூறுகள் கண்ணுக்கெட்டிய தூரத்தில் தெரிகின்றன. அவ்வாறு அடையக்கூடிய நிலை இதுவரை உலகம் சந்தித்திராத பேரழிவாகத்தான் இருக்கும்.

ஏன் இந்த பேரழிவை நோக்கிய பயணம்:

வளிமண்டலத்தில் பசுமை இல்ல வாயுக்களின் அடர்த்தி குறிப்பாக கார்பன்டைஆக்சைடின் பல்லாயிரம் ஆன்டுகளுக்கு பின் மனித செயல்பாடுகளின் விளைவுகளால் தற்போது வெகுவாகமாக கூடி வருகிறது. கார்பன்டை ஆக்சைடு மட்டுமல்லாமல் ஏனைய பசுமையில்ல வாயுக்களின் அடர்த்தியும் கணிசமாக கூடி வருகின்றது. அதிலும் குறிப்பாக தொழிற்புரட்சி காலகட்டத்தில் இருந்து பசுமை இல்ல வாயுக்களின் அடர்த்தி கூட ஆரம்பித்தாலும், கடந்த 50 ஆண்டுகளில் பன்மடங்கு கூடியுள்ளது. இதன்விளைவாக கார்பன் சுழற்சியினை இயல்பான சமநிலையில் வைக்கும் தன்மை அடியோடு தகர்க்கப்பட்டு கார்பன்டை ஆக்சைடின் அளவு கூடிக்கொண்டே செல்கிறது. இருநூறு ஆண்டுகளுக்கு முன்பு (1800ல்) 281 பி.பி.எம் ஆக இருந்த கார்பன்டை ஆக்சைடு 1970ல் 327 பி.பி.எம் ஆக அடர்த்தி அதிகரித்துவிட்டது. 2003ல் 376 பி.பி.எம் ஆக கூடியிருக்கிறது. ஆண்டுக்கு 2பி.பி.எம்க்கு குறையாமல் அடர்த்தி கூடிக்கொண்டே வருகிறது. மொத்தத்தில் 1750லிருந்து தற்போதுவரை கார்பன்டை ஆக்சைடு 31 விழுக்காடும், மீத்தேன் 51விழுக்காடும், நைட்ரஸ் ஆக்சைடு 17விழுக்காடும் கூடியுள்ளது. உலகின் வளர்ச்சியடைந்த நாடுகள் 83 விழுக்காடு கார்பன்டை ஆக்சைடை வெளியிடுகின்றன.

இதில் கார்பன்டை ஆக்சைடு பல ஆண்டுகாலம் செயலாற்றும் தன்மையுடையது. கிட்டத்தட்ட 100 ஆண்டுகளில் இருந்து 1000 ஆண்டுகள் வரை செயலாற்றூம் தன்மையுடையது. அதனுடைய செயலாற்றும் தன்மை (பூமிசூட்டினை அதிகரித்தல்) ஆரம்பவருடங்களில் வெகுதீவிரமான போக்குடன் இருக்கும். அதேநேரத்தில் மற்ற வாயுக்கள் குறைந்த ஆயுட்கால வளிமண்டலத்தில் தங்கியிருக்கும்.

காலநிலை மாற்ற பன்னாட்டு அரசு குழு (Intergovernmental Panal on Climate Change – IPCC) வின் நான்காவது அறிக்கையின் படி பூமியின் சரசாரி வெப்பநிலையான 13டிகிரியில் இருந்து 0.73 டிகிரி செல்ஜியஸ் கூடியுள்ளதாக கூறுயுள்ளது. இந்த சிறியளவிலான வெப்ப அதிகரிப்பே இன்று பூமியில் பெரும் மாற்றங்களை ஏற்படுத்தியுள்ளது. பனிக்கட்டி உருகுதல், கடல் மட்டம் உயர்தல், விவசாய உற்பத்தி குறைதல், வனங்களில் காட்டுத்தீ,கடலில் உள்ள பவளப்பாறைகள் வெளிறிப்போதல், நீண்ட கோடைகாலம், பருவமழை பொய்த்துப்போதல், வறட்டி, தொடர் மழை, புதுப்புது வியாதிகள் என கணிக்க முடியாத பேரிடர் நிகழ்வுகள் தொடர்ச்சியாய் நடந்து வருகின்றன.

இப்பூமியின் சூடு கூடும் போக்கு 2 டிகிரி செல்ஜியஸ்ற்கு மேல் போகும்போது பூமி தன்னைத்தானே தகவமைத்துக்கொள்வதற்கான தன்மையை அல்லது வாய்ப்பு இல்லாமல் போகும் என அறிவியலாளர்கள் ஏற்கெனவே எச்சரித்துள்ளனர். இதையே புரியும்படியாக சொல்வதென்றால் பூமி பேரழிவை சந்திக்ககூடிய நிகழ்வு 2 டிகிரி செல்ஜியஸ்யை (Tiping Point) கடப்பதையே குறிக்கும். அதன் பின் இவ்வுலகு இன்றைக்கு இருப்பதுபோல் இருக்குமா என்பது ஆய்வுக்குறிய விசயம்.

பூமியின் வெப்பம் 0.73 டிகிரி ஜெல்சியஸ் கூடியுள்ளது. இந்த கூடுதல் வெப்பம் 25 ஆண்டுகளுக்கு முன்பு வெளியிடப்பட்ட பசுங்குடில் வாயுக்களின் விளைவாகும். அதற்கு பின்னரும் தொடர்ச்சியாக அதிகளவு பசுங்குடில் வாயுக்களை வெளியிட்டு வருகிறோம். இவைகளின் விளைவு இனிமேல்தான் தெரியும். எனவே 0.8 டிகிரி ஜெல்ஜியஸ் கூடுவது தவிர்க்கமுடியாதது. கட்டாயம் வெளிவிடப்படும். ஆகமொத்தம் 1.5 டிகிரி ஜெல்ஜியஸ்ற்கான விளைவுகளை இப்பூமி சந்த்தித்தே தீரவேண்டும். வேறு வழியே கிடையாது. பூமிதன்னை தகவமைத்துக்கொள்வதற்கான கடைசி வாய்ப்பினை இழப்பதற்கு இன்னமும் 0.5டிகிரி ஜெல்சியஸ் மட்டுமே உள்ளது. இன்றைய உலகம் போகும் போக்கில் அதிலும் குறிப்பாக இந்தியா, சீனாவும் வளர்ச்சியை அடைந்தே தீருவோம் என்ற தீவிர போக்கினால் விரைவிலேயே 0.5டிகிரி செல்ஜியஸ்யை அடைந்து விடுவோம். உலகத்தின் பேரழிவு எட்டக்கூடிய தூரத்தில் மட்டுமே உள்ளது.

புவிவெப்படைதலுக்கு காரணமான பசுமை குடில் வாயுக்களின் அதிகரிப்பிற்கு அடிப்படை காரணமான தொல்படிம எரிபொருள்களின் பயன்பாட்டை குறைப்பது குறித்தான சிந்தனை இன்று மேலோங்கிவருகிறது. அதிலும் குறிப்பாக வளிமண்டலத்தில் உள்ள பசுங்குடில் வாயுக்களின் அடர்த்தியை குறைப்பதன் தேவை வலியுறுத்தப்படுகிறது. இன்று உலகெங்கும் பூமிசூடாதல் குறித்த பேசப்படுகிறது. இதிலிருந்து பூமியை, மனிதகுலத்தை, ஏனைய பிற உயிரினங்களை காப்பாற்றும் வழிமுறை குறித்து விவாதிக்கப்படுகிறது. பூமிசூடாதால் ஒர் உலகளாவிய பிரச்சனை என்பதால் உலகம் முழுமைக்கும் பாதிப்பினை ஏற்படுத்துகிறது என்ற அடிப்படையில் உலகமக்கள் இணைந்து இப்பிரச்சனைகளை தீர்க்க பலமட்டங்களில் தனித்தனியாகவும், கூட்டாகவும் முயற்சி எடுக்கவேண்டிய வரலாற்று தேவை ஏற்பட்டுள்ளது. ஆனால் கடந்த 15 வருடங்களாய் உலகத்தலைவர்கள் எடுத்துள்ள முயற்சிகள் உண்மையிலேயே பிரச்சனையை தீர்ப்பதற்கு பதிலாய் பிரச்சனையின் தீவிரத்தன்மையை கூட்டவே செய்துள்ளன. கியாட்டோ ஒப்பந்தம் அதன் ஆரம்ப வடிவில் செயல்படுத்தப்படாமல் நெகிழ்வு தொழில்நுட்பங்கள என்ற பெயரில் கரிம வர்த்தகத்தை விற்கும் வியாபாரமாக மாற்றப்பட்டது. எல்லாவற்றிற்கும் முத்தாய்ப்பாய் 15 வது காலநிலை மாற்ற தடுப்பிற்கான ஹோபன்ஹெகன் உச்சிமாநாடு தோல்வி என்ற முட்டுச்சந்தில் இன்று உலகம் செய்வதறியாது திகைத்துபோய் உள்ளது.

உலகமய பொருளாதார போக்கில் பூமிசூடாதலை தடுக்கமுடியுமா?:

காலனி ஆதிக்க காலத்தில் வடிவெடுத்த மேற்கத்திய பாணியிலான பொருளாதாரம், இன்று உலகமயபோக்கினால் உலகம் முழுவதும் ஆதிக்கம் செலுத்துகிறது. தனியார்மயம், தாராளமயம், உலகமயம் என்ற கோட்பாடுகளின் அடிப்படையில், பன்னாட்டு கம்பெனிகளின் பிடியில், இலாபத்தை மட்டுமே குறிக்கோளாக கொண்டு அறநெறியற்ற இன்றைய பொருளாதார போக்கு கட்டமைக்கப்பட்டுள்ளது. இதன்விளைவாக இன்று உலகில் வரலாறு காணாத அளவிற்கு வறுமை, ஏற்றத்தாழ்வு, கிராமப்புற மக்களிடம் இருந்து வாழ்வாதாரங்கள் சுரண்டப்படல் போன்றவை தொடர்கதையாய் மாறியுள்ளன. இன்று உலகெங்கும் இப்பொருளாதார போக்கினால் உருவான இடப்பெயர்வின் மூலம் புதிதாய் உருவாக்கப்பட்டுள்ள சூழல் அகதிகளின் எண்ணிக்கை அதிகம். உலகின் பல்லுயிர் தன்மை பெரும் கேள்விக்குள்ளாகி வருகின்றது. இப்பொருளாதார போக்கிற்கெதிரான மக்கள் அமைப்புகளின் குரல்களை ஒடுக்கும் விதமாய் உலகெங்கும் ராணுவமயமாகும் போக்கும் அதிகரிக்கப்பட்டு வருகிறது. இப்பொருளாதார போக்கில் ராணுவமும், யுத்தங்களும் கார்பன்டை ஆக்சைடை அதிகரிப்பதில் பெரும்பங்கு வகிக்கின்றன.

மூன்றாம் உலக நாடுகளின் வளங்களை கொள்ளையடிக்கும் இந்த நாசகர பொருளாதார போக்கு "வளர்ச்சி" என்ற போதைக்குள் மூழ்கிக்கிடக்கிறது. இது உண்மையில் வளர்ச்சியோ அல்லது முன்னேற்றமோ அல்லது மேம்பாடோ கிடையாது. மாறாக இது வீக்கம் தான். இது இயற்கைக்கும், பெருவாரியான மக்களுக்கும், மனித நேயத்திற்கும் விரோதமான பொருளாதார போக்காகும். இப்பொருளாதார போக்கினை தாங்கி பிடிக்கும் உலகவங்கி, சர்வதேச நிதி நிறுவனம், உலக வர்த்தக கழகம், மற்றும் பன்னாட்டு நிறுவனங்களும் ஆகும். இப்பொருளாதார போக்கினை தாங்கிப்பிடிக்கின்ற மேற்சொன்ன நிறுவனங்கள், இவர்களுக்கு வால்பிடிக்கும் மூன்றாம் உலக நாடுகளின் தேசிய அரசுகளின் அரசியல், கலாச்சார போக்குகளே நமது அன்னை பூமி பேரழிவை நோக்கி பயணம் செய்ய காரணம் உள்ளன. இப்பொருளாதார போக்கின் அடியாட்களான உலகத்தலைவர்கள் பூமிசூடாதல், காலநிலை மாற்ற பிரச்சனைகளை தீர்ப்பார்கள் என நினைத்தால் அது நம்முடைய முட்டாள்தனம் தான். அதற்கு சிறந்த உதாரணம் ஹோபன்ஹெகன் உச்சிமாநாடு. மாறாக தீப்பற்றி எரியும் வீட்டில் கொள்ளி திருடுபவனை போல பேரழிவை நோக்கி போய்க்கொண்டிருக்கும் உலகின் பிரச்சனைகளை காசாக்குவது, ஏழைநாடுகளின் வளங்களை கரிமவர்த்தகம், வனங்களை கையகப்படுத்தும் ரெட் திட்டங்கள் போன்ற புதுப்புது பெயர்களில் சாதாரண மக்களை மொட்டை அடிக்கமட்டுமே முயல்கின்றனர். தங்களுடைய ஆட்சிக்காலத்தில் எதயும் செய்ய தயாராக இல்லாத இத்தலைவர்கள் 2040 எவ்வாறு குறைப்பது என்பது பற்றி திட்டமிடுகின்றனர்.

பூமி சூடாதல், காலநிலை மாற்ற பிரச்சனையை ஒரு சுற்றுச்சூழல் பிரச்சனையாக அணுகாத, மொத்த அரசியல், பொருளாதார, கலாச்சார பிரச்சனைகளோடு தொடர்படுத்தி பார்க்ககூடிய, இன்றைய புதைபடிம எரிபொருள்களை சார்ந்த நவீன நாகரிகத்தை கேள்விக்குள்ளாக்கி மாற்றியமைக்ககூடிய ஒரு மாற்றுப்போக்குகளை அமைத்தால் மட்டுமே இவ்வுலகை பேரழிவில் இருந்து காக்கமுடியும்.

மாற்றுவழிதான் என்ன?:

இன்றைய உலகம் போகும் போக்கு பூமியின் இருப்பையும், மனித நாகரீகத்தை கேள்விக்குள்ளாக்ககூடியதாய் உள்ளது. இதற்கு பூமி சூடாதல், காலநிலை மாற்ற பிரச்சனைகள் ஒரு பெரும் காரணியாய் உள்ளன. அதுமட்டுமல்லாமல் இன்றைய உயிர்ப்புத்தன்மையுடன் கூடிய உலகு இனிமேல் பயன்படுத்துவதற்கு வளங்கள் இல்லை என்ற திவால் நிலையை அடைந்து விட்டது. இன்றைய உலக செளகரியங்களை அப்படியே கொண்டுசெல்லவேண்டும் என்றால் இன்னமும் புதிதாக ஒன்றறை உலக வளங்கள் தேவை என்கின்றனர். வளர்ந்த நாடுகளை போல மூன்றாம் உலக நாடுகள் வளர கிட்டத்தட்ட 7 மடங்கு உலக வளங்கள் தேவைப்படும் என கணிப்புகள் கூறுகின்றன.

சிந்துசமவெளி நாகரிகம், எகிப்திய நாகரீகம், ரோம் நாகரீகம் போன்ற கடந்த கால நாகரீகங்கள் மற்றும் இன்றைய நவீன நாகரிகம் போன்ற நாகரீகங்களுக்கு நிலைத்த தன்மை கிடையாது. ஏனெனில் கடந்தகால நாகரீகங்கள் அடிமைகளின் உடல் உழைப்பைகொண்டுதான் வளர்ச்சியடைந்தன. அங்கு சமத்துவம், சகோதரத்துவம் போன்ற உயிர்ம நேய கோட்பாடுகளுக்கு இடமில்லை. அதனால் குறிப்பிட்ட காலகட்டத்திற்கு பின் இந்நாகரிகங்கள் நிலைக்கவில்லை. அதே நிலை தான் இன்றைய தொழிற்புரட்சிக்கு பிந்தைய நவீன நாகரீகத்திற்கும். இன்றைய நவீன நாகரீகம் காலனி ஆதிக்கம், உலக மயம் என்ற பெயர்களில் ஏழைநாடுகளின் வளங்களை கொள்ளையடித்து, அறநெறி கோட்பாடுகளுக்கு மாறாக கட்டப்பட்டுள்ளது. அதனால் இன்றைய நவீன நாகரீகம் அதனுடைய அழிவினை நோக்கி சென்றுகொண்டிருக்கிறது என உறுதியாக நம்பலாம். உலக வெப்பநிலை 2.0 டிகிரி செல்ஜியசை தொடும்போது அது இன்றைய நாகரீகத்திற்கான அது இன்றைய நவீன நாகரீக அழிவின் தொடக்கமாக இருக்கும். அன்று பூமியை காக்கவேண்டி மக்கள் எழுப்பும் குரல் இன்றைய நாசகர பொருளாதார போக்கிற்கெதிரான மக்கள் பெருந்திரள் போராட்டமாக இருக்கமுடியும் என்பது திண்ணம்.

உலகை பேரழிவில் இருந்து எவ்வாறு காப்பது:

இன்றைய நவீன நாகரீகத்தின் அழிவில் இருந்து தான் புதிய மனித நேய, உயிர்ம நேய நாகரீகத்தை உருவாக்கமுடியும். இதைத்தான் மார்க்ஸ்சும் ஏற்கெனவே சொல்லியுள்ளார். இந்த புதிய மாற்று வளர்ச்சிப்போக்கிற்கான நாகரீகத்தில் மனித மற்றும் விலங்குகளின் உழைப்பிற்கு முக்கிய பங்குண்டு. கட்டாயமாக இன்றைய பாணியிலான ஏற்றத்தாழ்வுகளுக்கு புதிய நாகரீகத்தில் இடமில்லை. புதிய நாகரீகத்தில் கட்டாயம் ஏழைமக்களின் நுகர்வு பழக்கம் உயர்வதற்கு தேவையான ஆக்கபூர்வமான பணிகள் செய்யப்படவேண்டும், அதன் வாயிலாய் நிறைய பேருக்கு வேலை வாய்ப்பினை உருவாக்கமுடியும். நடுத்தர மக்களின் நுகர்வு கலாச்சாரம் நிலைநிறுத்தப்படவேண்டும். உயர்மட்ட வகிப்பினரின் நுகர்வு கலாச்சாரம் பெரிய அளவில் குறைக்கப்படவும் வேண்டும். ஒட்டுமொத்தமாய் மக்கள் நேரடியாய் உற்பத்தியில் ஈடுபடக்கூடிய தொழில் ஊக்குவிக்கப்படவேண்டும். இதற்கு தேவையான உள்ளூர், மாநில, தேசிய, உலகளாவிய மாற்று செயல்திட்டங்கள் தற்போதிருந்தே முன்னெடுக்கப்படவேண்டும். எல்லாத்தரப்பு மக்களின் பங்களிப்பும் இதற்கு அவசியம்.

இதற்கு தேவையான செயல்திட்டங்கள் கீழ்மட்ட அளவில் இருந்து துவங்க வேண்டியுள்ளது. அதற்கு தேவையான திட்டமிடல் பஞ்சாயத்து அளவில் செய்ய வேண்டியுள்ளது. அதில் தானே முன்வந்து பங்கேற்க வேண்டிய பொதுமக்களின் கடமையாகும்.

செயல்திட்டம்தான் என்ன;

இன்றைக்குள்ள தொழில் வளர்ச்சியுடன் உலகம் இனி செயல்பட முடியாது. எல்லாவற்றிற்கும் ஓர் எல்லை உண்டு. இன்றைக்கு உள்ள சில தொழில்களை அப்படியே முழுமையாக கைவிடவேண்டும். சில தொழில்களை வளர்த்தெடுக்கவேண்டும். இன்னும் சிலதொழில்களை பரவலாக்கவேண்டும். ஒட்டுமொத்தமாய் சுற்றுச்சூழலுக்குகந்த, ஒத்திசைவான, எல்லோரும் ஈடுபடக்கூடிய தொழில்களை வழர்த்தெடுக்கவும், கம்பெனிகளை மையப்படுத்திய தொழில்களின் முக்கியத்துவம் குறைக்கப்படவும் வேண்டும். இந்த அடிப்படையில் தமிழர்களின் வாழ்வில் முக்கிய இடம் வகித்த பாரம்பரிய தொழில்கள் பல உண்டு. அவற்றில் முக்கியமானதும் இன்றைய காலநிலை மாற்ற கண்ணோட்டத்தின் அடிப்படையில் முக்கியத்துவம் வாய்ந்த தொழிலுமான பனைத்தொழில் கட்டாயம் முக்கியத்துவம் கொடுக்கவேண்டிய தொழில்.

பனை மரம்:

நம்நாட்டின் இயற்கைச் செல்வங்களுள் சிறப்பானது பனைச்செல்வம். இதை வற்றாத புதையல் என்றே கூறலாம். பனைமரத்தின் ஒவ்வொரு பாகமும் ஆதிகாலம் தொட்டே பயன்பட்டு வருவதால் பழங்கால மக்கள் பனையை கற்பத்தரு என போற்றினர். மகாராஷ்டிரா பல்கலை கழகத்தை சேர்ந்த பேராசிரியர், டாக்டர். மகாபல் என்பவர் பனைமர பாறைகளை (Fossiles) ஆராய்ந்து பனைமரங்கள் எத்தனையோ மில்லியன் ஆண்டுகளுக்கு முன்பு தோன்றியிருக்க வேண்டும் என்று நிருபிக்கிறார். பனை, ஒரு மரம் என்று பொதுவாக தமிழில் வழங்கப்படினும், தொல்காப்பியத்தில் குறித்துள்ளபடியும், இன்றைய தாவரவியல் அடிப்படையில் குறித்துள்ளபடியும் புல்லினத்தைச் சேர்ந்த ஒரு தாவரமாகும். இதன் தாவரவியற் பெயர் பொராசஸ் பிலபெலிபேரா (Borassus flabellifera) என்பதாகும்.

பனைகள் பொதுவாகப் பயிரிடப்படுவதில்லை, இயற்கையிலே தானாகவே வளர்ந்து பெருகுகின்றன. இளம் பனைகள் வடலி என்று அழைக்கப்படுகின்றன. பனை வளர்ந்து முதிர்ச்சியடைவதற்கு 15 ஆண்டுகள் வரை எடுக்கும் எனக் கூறப்படுகிறது. அதன் வயது மனிதனின் சராசரி வயதிலும் கூடியது என்பது குறிப்பிடக்கூடியது. பனைகள் குறிப்பிடத்தக்க வளைவுகள் ஏதுமின்றிச் சுமார் 30 மீட்டர் உயரம் வரை வளரக்கூடியவை. கிளைகளும் கிடையா. இதன் உச்சியில், கிட்டத்தட்ட 30 - 40 வரையான விசிறி வடிவ ஓலைகள் வட்டமாக அமைந்திருக்கும். இது எவ்விடத்தில் தோன்றியது என்பது சரியாகத் தெரியவில்லை.

பனை மரங்கள் 45டிகிரி வட அச்சரேகையிலிருந்து 45டிகிரி தென் அச்சரேகை வரையிலுள்ள வெப்பமண்டல பிரதேசங்களில் வளர்கிறது. இப்பிரதேசத்தை பனை வட்டம் (Palm Belt) என அழைக்கப்படுகிறது. இப்பிரதேசத்தில் அடங்கிய இந்தியா: 60 மில்லியன், மேற்கு ஆபிரிக்கா - 50 மில்லியன், இலங்கை - 11.1 மில்லியன், இந்தோனெசியா - 10 மில்லியன், மடகஸ்கார் - 10 மில்லியன், மியன்மார் - 2.3 மில்லியன், கம்பூச்சியா - 2 மில்லியன், தாய்லாந்து - 2 மில்லியன் என உலக அளவில் மொத்தளவாக 140 மில்லியன் பனைமரங்கள் இருப்பதாக அறியப்பட்டுள்ளது.

தற்போது இந்தியாவில் மொத்தம் 8.59 கோடி பனைகள் இருப்பதாகக் கணக்கிடப்பட்டுள்ளது. இவற்றில் 5.10 கோடி பனைகள் தமிழ்நாட்டிலேயே உள்ளது குறிப்பிடத்தக்கது. தமிழ் நாட்டில், கன்னியாகுமரி தொடக்கம், திருநெல்வேலி, மதுரை போன்ற இடங்கள் உட்படச் சென்னை வரை பனைகள் காணப்படுகின்றன. மேலும் பனை மரம் தமிழ் நாட்டின் மாநில மரமும் ஆகும்,

பனை மரத்தின் பயன்கள்

"திணைத்துணை நன்றி செயினும் பனைத் துணையாக்

கொள்வார் பயன்தெரி வார்" - திருக்குறள்

என்ற நன்றியின் பயனோடு பனையின் பயனை ஒப்பிட்டு வள்ளூவர் கூறியதிலிருந்தே பனையின் மேம்பட்ட சிறப்பு தன்மை விளங்குகிறது.

இது முறையாகப் பயிரிடப்பட்டு வளர்க்கப்படும் ஒரு தாவரமாக இல்லாதிருப்பினும், இதிலிருந்து மக்கள் ஏராளமான பயன்களைப் பெறுகிறார்கள். இதன் நுனியிலிருந்து நிலத்தின் கீழுள்ள வேர் வரையிலும், முளைவிட ஆரம்பித்ததிலிருந்து, வெட்டி வீழ்த்தப்பட்டபின்னரும் நெடுங்காலத்துக்குப், பனைகளுக்குப் பயன் உண்டு. இதனால்தான் இதனைப் பூலோக கற்பகதரு எனக் குறிப்பிடுகிறார்கள். கற்பகத்தரு என்பது வேண்டுபவர்களுக்கு வேண்டியனவெல்லாம் கொடுக்கின்ற, இந்துப் புராணக்கதைகளில் குறிப்பிடப்படும் ஒரு தேவலோகத்து மரமாகும்.பனை மரத்தில் இருந்து ஆண்டொன்றுக்கு கிடைக்கும் பொருட்களின் அளவு: பதனீர் - 180 லிட்டர், பனை வெல்லம் - 25 கி, பனஞ்சீனி - 16 கி, தும்பு - 11.4 கி, ஈக்கு - 2.25 கி, விறகு - 10 கி, ஓலை - 10 கி, நார் - 20 கி.

பனையிலிருந்து பலவகையான உணவுப் பொருள்களும், உணவல்லாத வேறு முக்கியமான பொருட்களும் பெறப்படுகின்றன. முற்காலத்தில் பனையோலைகளே எழுதப்பயன்பட்டு வந்தன. இன்றும் பல பழைய நூல்களைப் பனையோலைச் சுவடிகள் வடிவிலே காணலாம். இவற்றைவிடக் கட்டிடங்களுக்கு வேண்டிய பல கட்டிடப்பொருட்கள், கைப்பணிப் பொருட்கள், மற்றும் தும்பு, நார் முதலியவற்றிலிருந்து செய்யப்படும் பல்வேறு பயன்படு பொருட்கள் என்பனவற்றையும் பனையிலிருந்து பெற முடியும். பொதுவாக, இது வளரும் இடங்களிலெல்லாம், வசதியற்ற ஏழை மக்களின் பொருளாதார நிலையுயர, அடித்தளமாக விளங்குகிறது.

பனைத்தொழில் அன்றும் இன்றும்:

இந்தியாவில் இனிப்பின் தேவை மிகவும் அவசியமானது. பல பண்டிகைகளிலும் இனிப்பு வழக்கப்ப்டுவது வாடிக்கை. முன்பு கரும்பு வெள்ளம், தென்னை, பனை கருப்பட்டி, முதலியவை இனிப்பிற்காக உபயோகபடுதப்பட்டது. தென்னிந்தியாவில் பெரும்பாமையான மக்கள் பனை வெல்லத்தையெ பயன்படுத்தினார். அக்காலகட்டத்தில் பனையேறிகளின் வாழ்க்கை மிக செழிப்பாக இருந்தது. குறிப்பாக சொல்வதென்றால் 200 வருடங்களுக்கு முன்பு பனையேறிகள் செல்வந்தர்களாய், நாகரீகம் மிக்க சமுதாயங்களாய், சமுதாய அந்தாஸ்த்துடையவர்களாய் இருந்தனர். கிட்டத்தட்ட 843 மேற்பட்ட பனைசார்ந்த பொருட்கள் பயன்படுத்தப்பட்டு வந்துள்ளன. ஆனால் கடந்த 150 வருடங்களாய் பனைத்தொழில் நசிவடைந்து வருகிறது.

ஆங்கிலேயர் காலத்தில் முதன் முதலாய் பனை ஏறுபவர்களை கட்டுப்படுத்தும் விதமாக லைசென்ஸ் முறை அறிமுகப்படுத்தப்பட்டது. ஏனெனில் கிழக்கிந்திய கம்பெனியில் பியறுக்கு முக்கியத்துவம் ஏற்படுத்தவேண்டும் என்ற அடிப்படையில் லைசென்ஸ் முறை நடைமுறையில் இருந்தது.

அதேநேரம் ஆங்கிலேர்கள் வந்த பின் கரும்பிலிருந்து வெள்ளை சர்க்கரையை சுக்ரோஸ் சை பிரிதெடுத்து தேநீர், கேக், முதலியவற்றிற்கு பயன்படுத்தும் பழக்கத்தை ஆரம்பித்து வைத்தனர். அத்துடன் வெள்ளை சர்க்கரை வாடை இல்லாமலும் இருந்தது. அதற்கென கரும்பிளிருக்கும் இரும்பு, செம்பு, முதலிய பல தாதுக்கைளை அகற்றப்பட்டது.

நாடு சுதந்திரமடைந்தபின், அரசின் தவறான கண்ணோட்டத்தின் விளைவாக கரும்பு உற்பத்தி, கரும்பு ஆலைகளின் நிர்மாணத்திற்கு முக்கியத்துவம் கொடுக்கப்பட்டது. இதனை தொடர்ந்து மிகப்பெரிய பணப்பயிராக உருவெடுத்தது. இதனை காந்திய பொருளாதார மேதை ஜே.சி.குமரப்பா கடுமையாக எதிர்த்தார். மிகவும் வடிவமைக்கப்பட்ட தொழிச்சாளைகளாக உருவெடுத்தது கரும்பு - சர்க்கரை உற்பத்தி. கடந்த ஐம்பத்து வருடங்களில் இந்தியாவில் கரும்பின் பரப்பு இரண்டு மடங்காகவும், உற்பத்தி ஆறு மடங்காகவும் உயர்ந்துள்ளது. உலகில் பிரசிலுக்கு அடுத்து அதிகம் கரும்பு இந்தியாவில் உற்பத்தியாகிறது . இந்தியாவில் உத்திர பிரதேசம், மகாராஷ்டிராவிற்கு பிறகு தமிழகத்தில் அதிகம் கரும்பு உற்பத்தியாகிறது.

கரும்பு நீர் தேவை அதிகம் கொண்ட நீண்ட நாள் பயிர். கரும்பிற்கு வணிக வரவேற்ப்பு இருப்பதால் விவசாயிகள் அனைவரும் நீரிலாதவர்கள் கூட ஆள் துளை கிணறுகள் தோண்டி கரும்பு உற்பத்தி செய்கின்றனர். தென்னிந்தியாவில் கட்டுபாடட்ட்ற கரும்பு சாகுபடி நிலத்தடி நீரிணை கேள்விக்குறியாக்கியுள்ளது. கரும்பிலிருந்து பிரேசில் எரிபொருள் தயாரிப்பதால் நாமும் தயாரிக்க வேண்டும் கரும்பிற்கு விலையை கூட்ட வேண்டும் என்று போராடும் விவசாயிகளை காண்டால் அச்சமாக இருக்கிறது. நிலவும் ஆள் பற்றாக்குறையை சமாளிக்க பலர் கரும்பை விரும்புவதால் நிலத்தடி நீரின் நிலை , நிலத்தின் தன்மை இன்னும் மோசமாகும் சூழல் நிலவுகிறது. கடந்த 2007ம் ஆண்டு தமிழக பொதுப்பணித்துறையினால் நிலத்தடி நீர் இல்லாத கருப்பு ஒன்றியங்களாக வரையறை செய்யப்பட்ட பெரும்பாலான ஒன்றியங்களின் அந்தநிலைக்கு பின்னால் கரும்பு உற்பத்தி என்ற வணிக நோக்கம் அரசு அறியாதது அல்ல.

பிரேசிலில் 16 % எரிபொருள் கரும்பின் "எத்தனால்" கொண்டு பெறப்படுகிறது. பிரேசிலில் நீருக்கு பஞ்சமில்லை. அமேசான் காடுகளில் பெய்யும் மழையே போதும் கரும்பு வளர. இங்கு அப்படியா? நிலத்தடி நீரை இரையாக்கினால் கரும்பு வளரும் கரும்பு வளர்ந்தால் எரிபொருள் தயாரிக்கலாம். எரிபொருள் தேவை என்பது பூர்த்தி செய்ய முடியாத ஒன்று. அதற்காக நாம் கரும்பை பயிரிட்டு வாழ்வாதாரங்களை காவு கொடுக்க வேண்டுமா? என்று சற்றே யோசிக்க வேண்டும். இன்றைய சந்தப்பவாத காசுக்காக, நிலையான செல்வங்களான நீர் நில வளங்களை, இழந்து விடக்கூடாது.

இன்று வெல்லத்தில் செய்யும் அதிரசம், எள்ளுருண்டை, கொழுக்கட்டை, போன்ற சமாச்சாரங்கள் மாறி வெள்ளை சர்க்கரையில் செய்த இனிப்புகள் சமூகத்தில் மேலோங்கின. இத்துடன் பால் உற்பத்தி தேசியமயமான பின் இந்தியாவில் பால் இனிப்பு வகைகள் பல்கி பெருகின. இன்று கரும்பின் வெள்ளை சர்க்கரையை உபயோகப்படுத்துவோர் 99 % ஆகும்.அதனால் தான் இன்று இந்தியாவே நீரிழிவு என்னும் சர்க்கரை வியாதியில் உலகில் முதலிடம் வகிக்கிறது. .

போதாகுறைக்கு கரும்பு ஆலைகள் மொலாசசிலிருந்து சாராயம் காய்ச்சி மக்களின் கெடுக்கும் அவலமும் இந்த கரும்பினால் ஏற்படுகிறது. அதுவும் குறிப்பாக தமிழகத்தில் கரும்பு சாராய வியாபாரம் அரசாங்கமே எடுத்து நடுத்தும் அவலம் கொடி கட்டி பறக்கிறது.

பனையேறிகள் வாழ்வும், தென்னை விவசாயமும் நலிந்து கரும்பினை கொண்டு வளர்க்கும் இந்த கலாச்சாரம் பல குடியினரது வாழ்வாதாரத்தை கெடுப்பதுடன், ஒட்டு மொத்த மனிதனின் வாழ்வாதாரத்தை கெடுக்கிறது என்பது ஐயமின்றி தெளிவாகிறது. பனைத்தொழிலை மிகவும் மோசமான நிலைக்கு தள்ளியதில் அரசின் தவறான வெள்ளை சர்க்கரைக்காதரவான கொள்கையே என்றால் மிகையில்லை.

தமிழகத்தில் பனைத்தொழில்:

தமிழுக்கும், தமிழர்களுக்கும் பனை மரங்கள் செய்த தொண்டு ஏராளம். ஆனால் தமிழைப் பாதுகாத்த பனை மரத்தை தமிழகமும், தமிழர்களும் பொருள்படுத்தாமல் இருப்பது நன்றி மறந்த செயலாகும். தமிழகத்தில் பெரும்பாலான இடங்களில் (குறிப்பாக தென்மாவட்டங்களில்) பனை மரங்கள் களைச்செடியாகப் பரிதாபமாகக் காட்சி அளிப்பதைக் காண முடியும். தமிழ்நாட்டில் மாநில மரமாக போற்றப்படும் பனை மரங்கள் தமிழ்நாடு முழுவதும் 10 லட்சம் மரங்கள் இருந்தன. தற் போது 30 சதவீத மரங்கள் அழிக்கப்பட்டு விட்டன. பனை மரங்கள் விறகு உள்ளிட்ட தேவைகளுக்காக வெட்டப்படுவது தவிர்க்கப் பட வேண்டும்.

பனையேறும் தொழிலாளர்களின் இன்றைய நிலை:

கிராமப்புற தொழில்களில் மிக முக்கியமான தொழிலாய் உள்ள பனைத்தொழிலை ஊக்குவிக்க, பனைத்தொழிலாளர்களை பாதுகாக்க அரசு தகுந்த முயற்சியை எடுக்கவில்லை என்ற கருத்து பரவலாய் உள்ளது. தமிழகத்தில் உள்ள பனைகளில் 14% பனைகள் மட்டுமே தொழிலுக்கு பயன்படுத்தப்படுகிறது. உடல் உழைப்பையே நம்பியிருந்த 20-ம் நூற்றாண்டு மற்றும் அதற்கு முற்பட்ட காலங்களில் பனை ஏறுவதற்கு மனிதர்கள் பயன்படுத்தப்பட்டனர். பின்னர் ஏற்பட்ட இயந்திரப் புரட்சி காரணமாக அனைத்துத்துறைகளிலும் உடல் உழைப்பு குறைந்ததால், பனை ஏறும் தொழிலாளர்களின் எண்ணிக்கை கணிசமாகக் குறைந்துவிட்டது. பனைத்தொழிலில் ஈடுபடுவோரின் உழைப்பு அதிகம். ஆனால் அதற்கேற்ற ஊதியம் கிடைப்பதில்லை. இதனால் தொழிலாளர்களின் வாழ்க்கை நிலை கீழ் நோக்கியே போய்க்கொண்டிருக்கிறது. இத்தொழிலை அரசு ஊக்குவிக்கும் பட்சத்தில் கிட்டத்தட்ட 10இலட்சத்திற்கும் மேற்பட்ட மக்கள் வேலைவாய்ப்பை பெறுவர்.

நவீன கண்டுபிடிப்புகளோ, இயந்திர கருவிகளோ பனைத்தொழிலில் புகுத்தப்படவில்லை. மாறாக 17ம் நூற்றாண்டில் பனைத்தொழில் நடைபெற்றதோ அவ்வாறுதான் இன்றும் நடைபெறுகிறது. அரசுத்துறை மற்றும் விஞ்ஞானிகளால் கண்டுபிடிக்கப்பட்ட சில இயந்திரங்களும் பனை ஏறும் தொழிலுக்கு உகந்ததாக இல்லை.

பனைத்தொழிலில் ஈடுபட்டுள்ளவர்களை இரண்டு வகையினராய் பிரிக்கலாம். முதல்வகையினர் சொந்தமாய் பனைகளை வைத்துக்கொண்டு, சொந்த நிலத்தில் விவசாயம் செய்பவர்களை போல பனைத்தொழிலை செய்பவர்கள். இரண்டாம் வகையினர் பனைகளை குத்தகைக்கு எடுத்தோ, வார முறையிலோ பனைத்தொழிலை செய்து கொண்டிருப்பவர்கள். மொத்தத்தில் இரண்டாம் தரப்பினரே தொழிலில் அதிகம். அவர்களின் தினசரி சிக்கலே இன்றும் பனைத்தொழிலின் சிக்கலாய் உள்ளது. இவர்கள் நிலம் வைத்துள்ளவர்களிடம் கூடுதல் வட்டிக்கு வாங்கி பணத்தை கொண்டுதான் குத்தகைக்கு எடுக்கின்றனர். தொழில் நேரத்தில் கருப்பட்டியை பொருளாதார நெருக்கடி காரணமாக குறைந்த விலைக்கு விற்க வேண்டிய சூழலே நிலவுகிறது.

பனைத்தொழிலை மீட்டெடுக்க:

எனவே, பண்டைய தமிழ் இலக்கியங்களைப் பாதுகாத்து நம் தலைமுறைக்கு வழங்கிய பனை மரங்களை, வாழையடி வாழையாக வரும் நமது அடுத்த தலைமுறைகளும் பயன்படுத்தும் வகையில் பாதுகாப்பாக வளர்ப்பதுதான் பனை மரங்களுக்கு நாம் செய்யும் கைமாறு. மாநில மரம் என்ற வகையிலும், தமிழின் வளர்ச்சிக்கு ஓலைச்சுவடியாக உதவியது என்ற வகையிலும் பனை மரங்களைப் பாதுகாப்பது தமிழக அரசின் முக்கிய கடமை.உலகத் தமிழ்ச் செம்மொழி மாநாடு நெருங்கிவரும் நேரத்தில் பனை மரங்களைப் பாதுகாக்க தமிழக அரசு உறுதியான நடவடிக்கைகளை முடுக்கிவிடுவது அவசியம். பனை மரங்களில் எளிதில் ஏறி இறங்கும் வகையில் காலத்துக்கு உகந்த கருவிகளைக் கண்டுபிடிக்க வேளாண் விஞ்ஞானிகளை அறிவுறுத்துவது, பனையில் இருந்து கிடைக்கும் பொருள்களின் பயன்பாட்டை அதிகரிக்க தீவிர நடவடிக்கை எடுப்பதும் மிக மிக அவசியம். பனைப் பொருள்களை ஆர்வமாக வாங்கி அதைப் பயன்படுத்துவது ஒவ்வொரு தமிழனின் தலையாய கடமை.

தென்னையை விதைத்தவன் தின்றுவிட்டுச் சாவான். பனையை விதைத்தவன் பார்த்துவிட்டுச் சாவான். இந்தப் பழமொழியைக் கூறியே, நம் மக்கள் பனை விதைப்பதைக் கைவிட்டு விட்டனர். ஆனால் உண்மை என்னவெனில் தென்னையை விதைப்பவன் நிறைய தேங்காய் கலந்த உணவுப் பொருட்களைத் தின்றுவிட்டு உடலில் கொழுப்புச் சத்து அதிகமாகிச் சாவான். பனையை விதைப்பவனோ, அதனுடைய நற்பலனால் தன்னுடைய சந்ததியர் வளமாக வாழ்வதை பார்த்துவிட்டு சாவான் என்பதே உண்மை.

ஒட்டுமொத்தத்தில் பனை, பனைத்தொழில், பனைதொழிலாளர்கள், பனைப்பொருள் நுகர்வு கலாச்சாரம் என சகல அம்சங்களும் அடங்கிய தமிழகத்தின் பனைப்பொருளாதாரம் எல்லாத்தரப்பு மக்களின் ஈடுபாட்டோடு மீட்டெடுக்க வேண்டிய பெரும்பனி நம்முன் உள்ளது. பலலட்சம் மக்களுக்கு வேலைவாய்ப்பளிக்ககூடிய பணைப்பொருளாதாரம் மீட்டெடுக்கப்படும் பட்சத்தில் தமிழகத்தின் நிலத்தடி நீரை சுரண்டும், அதிகமான நோயாளிகளை உண்டாக்கும் கரும்பு கலாச்சாரம் மட்டுப்படுத்தப்படும். இது கிராமப்புறங்களில் பணப்புழக்கத்தை உண்டு பண்ணும். இடபெயர்வினை பெறுமளவு கட்டுப்படுத்தும். காலநிலை மாற்றத்தை எதிர்கொண்டு வளரக்கூடிய இயற்கை தன்மை கொண்ட கற்பக விருட்சமான பனை தமிழகத்தின் காலநிலை மாற்றத்தை எதிர்கொல்வதற்கான மாநில செய்ல்திட்டத்தில் முக்கிய இடம் பெறும் என்பது நிச்சயம்.

குறிப்பு:இக்கட்டுரை நிலைத்த வாழ்வாதாரத்திற்கான கூட்டுசெயல்பாடு - தமிழ்நாடு அமைப்பின் மாநில அமைப்பாளர் திரு. ஒய்.டேவிட் அவர்கள் ஜனவரி 16, 17களில் நடைபெற்ற ஜாசூல் மாநில குழு கூட்டத்தில் ஹோபன்ஹெகன் மாநாட்டின் தோல்விக்கு பின்னரான வெற்றிடத்தை நிரப்புவதில் மக்கள் அமைப்புகளின் பங்கு என்ற தன்னுடைய கருத்து பகிர்வில் ஆற்றிய உரையின் சுருக்கம். இது தொடர்பான கருத்துக்கள் வரவேற்க்கப்படுகின்றன. தொடர்புக்கு - tmarirajan@gmail.com

ஆக்கம்:

மாரிராஜன். தி, மாநில ஒருங்கிணைப்பாளர், ஜாசுல் தமிழ்நாடு

தமிழகத்தில் தனிநபர் கடன் ரூ.14,353

2010-04-09T19:32:00.000-07:00

சென்னை, ஏப். 9:
தமிழகத்தில் ஒவ்வொரு தனி நபருக்கும் ரூ.14,353 கடன் இருப்பதாக நிதியமைச்சர் க. அன்பழகன் தெரிவித்தார்.சட்டப் பேரவையில் வெள்ளிக்கிழமை நடைபெற்ற பட்ஜெட் மீதான விவாத்ததுக்கு பதிலளித்து அவர் பேசியது:"தமிழக அரசு கடனில் மூழ்குவதாக எதிர்க்கட்சியினர் குற்றம் சாட்டினர். அரசு கடனில் மூழ்காது. கடனை வைத்து வேறு சிலரை மூழ்கடிப்போம். மக்களுக்கான அடிப்படை வசதிகளை செயல்படுத்த பணம் வேண்டும். அரசின் பணத்தில் இருந்துதான் அந்தத் திட்டங்களைச் செயல்படுத்த முடியும் என்றால் அதற்கு காலம் ஆகும். அதற்குள் அந்தத் திட்டங்களுக்கான செலவு அதிகரிக்கும். எனவே, திட்டங்களைச் செயல்படுத்தவும், நிதிப் பற்றாக்குறையை ஈடு செய்யவும் கடன் திரட்டுவதில் தவறில்லை.
கடன் பொறுப்பு:
தமிழகத்தில் தனிநபர் கடன் பொறுப்பு மற்ற மாநிலங்களுடன் ஒப்பிடும் போது குறைவாகவே உள்ளது.மாநிலங்களின் கடன் பொறுப்பைப் பொருத்தவரை, மகாராஷ்டிரத்துக்கு ரூ.1 லட்சத்து 79 ஆயிரத்து 727 கோடியும், ஆந்திரத்துக்கு ரூ.1 லட்சத்து 9 ஆயிரத்து 757 கோடியும், கர்நாடகத்துக்கு ரூ.79 ஆயிரத்து 644 கோடியும், கேரளத்துக்கு ரூ.70 ஆயிரத்து 117 கோடியும், தமிழகத்துக்கு ரூ.89 ஆயிரத்து 149 கோடியும் உள்ளன.தனிநபர் கடனைப் பொருத்தவரை, மகாராஷ்டிரத்தில் ரூ.18 ஆயிரத்து 575, ஆந்திரத்தில் ரூ.16 ஆயிரத்து 494, கர்நாடகத்துக்கு ரூ.15 ஆயிரத்து 107, கேரளத்தில் ரூ.21,991, தமிழகத்தில் ரூ.14 ஆயிரத்து 353-ம் உள்ளன.இந்தியாவின் கடன் அளவு ரூ.35 லட்சத்து 15 ஆயிரத்து 606 கோடியும், தனிநபர் கடன் ரூ.34,231-ம் உள்ளன.
தமிழகத்தில் கடனைத் தீர்க்க முடியாத அளவுக்கு இல்லை. கடனைத் திருப்பிச் செலுத்துவோம். கடன் சுமை கட்டுக்குள் உள்ளது.பற்றாக்குறையை நிவர்த்தி செய்வதற்கு, மூலதனப் பணம் (திட்டங்களுக்கு ஒதுக்கப்படும் பணம்) திருப்பி விடப்படுவதாகக் கூறுகிறார்கள். பற்றாக்குறை முழுவதும் கடனைத் திரட்டுவதன் மூலம் பூர்த்தி செய்யப்படுகிறது'' என்றார் நிதியமைச்சர் க.அன்பழகன்.

பாலைவனமாகும் சோலை வனங்கள்! எம்.கார்த்திக்

2010-03-20T17:40:00.000-07:00

தமிழகத்தில் கன்னியாகுமரியில் இருந்து உதகை வரை இந்த மலைத் தொடரில் மனிதர்களின் புழக்கத்திற்கு வராத குன்றுகளின் உச்சியில் இருக்கும் புல்வெளிகள், பெய்யும் ஒவ்வொரு சொட்டு தண்ணீரையும் தேக்கி வைக்கும் நீர்த் தொட்டிகளாக இயற்கையாகவே அமைந்துள்ளன. மலைச் சிகரங்களில் நடக்கும் மகத்தான இயற்கை நிகழ்வைப் புரிந்து கொண்டால் அடுத்த தலைமுறைக்கும் தண்ணீர் சிக்கல் வராமல் செய்ய முடியும்.சமவெளியைவிட மலை உச்சிகளில் மழைப்பொழிவு அதிகம். அறிவியல் படி தண்ணீர் உயரமான இடத்தில் இருந்து பள்ளத்தை நோக்கி ஓடிவரும் இயல்பு கொண்டது. ஆனால், இந்தப் புல்வெளிகள் இருக்கும் குன்றுகளில் மழை பெய்தால் அவற்றைத் தம் வேர்க் கால்களால் தேக்கி வைக்கும் இயல்பை புல்வெளிகள் கொண்டுள்ளன.இக் குன்றுகளின் சரிவுகளில் இருக்கும் சோலைக் காடுகள் நம் மலைக்கே உரித்தான தனித்தன்மை கொண்டவை. வள்ளுவன் சொன்ன "அணிநிழற்காடு' இந்த சோலைகள்தான். கதிரவனின் ஒளிக்கீற்றுக்குள் புகமுடியாத, ஈரப்பதம் நிறைந்த சோலைகளில் மண் உருவாகும் விதமே சிறப்புக்குரியது.தமிழகத்தின் ஆண்டுதோறும் சராசரி மழையளவு 900 மி.மீ. ஆனால், நமக்கு ஆண்டுக்கு 50 நாட்களுக்கும் குறைவாகவே மழை கிடைக்கிறது. இவற்றை ஆண்டு முழுவதும் பயன்படுத்த இயற்கை கொடுத்த கொடைதான் மலைக்காடுகள். இதைத்தான் நம் முன்னோர்கள் குறிஞ்சி நிலம் என வரையறுத்து வைத்தனர்.காடாய் இருந்த முல்லை நிலங்களை அழித்து மருத நில வயல்களாய் மாற்றிய தமிழர்கள், குறிஞ்சி நிலத்தை எந்த சேதாரமுமின்றி வைத்திருந்ததாக வரலாறு சொல்கிறது. எந்த நதியும் சமவெளிகளில் உற்பத்தியாவதில்லை. மலைகளில்தான் உற்பத்தியாகிறது. பசுஞ்சோலைகளே ஆறுகளின் தாய்மடி.வெள்ளையர்கள் காலத்தில் நமது மலை வளம் கொள்ளை போனது. இயற்கைச் சோலைகள் அழிக்கப்பட்டு இறக்குமதி செய்யப்பட்ட யூகலிப்டஸ், வேட்டல், பைன், தேயிலை, காபி என பசுமைப் பாலைவனங்கள் உருவாக்கப்பட்டன. ஓடைகள் மடிந்து நதிகள் சுருங்கின. இன்னும் மிச்சமிருக்கும் மிகக் குறைந்த மலைக்காடுகளே தண்ணீரின் ஆதாரம். அவற்றைக் காப்பது நம் தலைமுறைக்கு சேர்த்து வைக்கும் மிகப்பெரிய சொத்து.உலகம் இன்று ஒரு பேராபத்தை நோக்கி பயணித்துக் கொண்டிருக்கிறது. அதுதான் "புவி வெப்பம்'. இதுபற்றி அறிவியல் உலகம் ஆழ்ந்த கவலையில் உள்ளது. மனிதர்கள் தோன்றிய நாள் முதல் சென்ற நூற்றாண்டின் துவக்கம் வரை பூமியின் வெப்பநிலை சீராக இருந்தது.ஆனால், கடந்த 50 ஆண்டுகளாக பூமியின் வெப்பநிலை உயரத் தொடங்கி உள்ளது. விழும் கதிரவனின் ஒளிக்கீற்றுகளில் பெரும் பகுதியை பூமி திருப்பி அனுப்பி விடுகிறது. அந்த அளவோடு நின்றுவிட்டால் பூமி முழுவதும் துருவப் பகுதியை போல் உறைந்து போயிருக்கும். ஆனால், திருப்பி அனுப்பப்படும் வெப்பத்தை, புவியைச் சூழ்ந்துள்ள சில வாயுக்கள் உள்வாங்கி இங்கு ஓர் இதமான வெப்பம் நிலவ காரணமாய் உள்ளன.இந்த விளைவு பசுமைக்குடில் விளைவு என்றும், அந்த வாயுக்கள் பசுமைக்குடில் வாயுக்கள் என்றும் அழைக்கப்படுகின்றன. கார்பன்-டை-ஆக்ûஸடு, மீத்தேன், நைட்ரஸ் ஆக்ûஸடு, ஆகியவை முக்கியமான பசுமைக்குடில் வாயுக்கள்.கடந்த ஒரு நூற்றாண்டுக்கும் மேலாக தொழிற்சாலைகளும், வாகனங்களும் வெளியேற்றிய கார்பன்-டை-ஆக்ûஸடு புவி வெப்பம் உயர்ந்ததற்கு முக்கியக் காரணம். உலகின் துருவப் பகுதிகளில் பனிமலைகள் உருக ஆரம்பித்துவிட்டன. இதன் விளைவாக கடல் மட்டம் உயர்வதோடு பருவநிலையிலும் பெரிய மாற்றம் ஏற்பட்டுள்ளது.ஐரோப்பாவில் உள்ள குளிர்நாடுகளில்கூட அனல் காற்று வீசுகிறது. பெரும் வறட்சி, வெள்ளம் ஆகியவை பல நாடுகளை அச்சுறுத்துகிறது. விவசாயம் கேள்விக் குறியாகி உள்ளது. புதிய நுண் கிருமிகளின் தோற்றத்தால் புதுப்புது நோய்களுக்கு மனிதகுலம் உள்ளாக்கிறது. துருவக் கரடிகள் உள்ளிட்ட உயிரினங்கள் வாழ்விடங்களை இழந்துள்ளன. இமயமலையில் பனி உருகுவது தொடர்ந்தால் வடஇந்திய நதிகள் அனைத்தும் வறண்டு போய்விடும்.சுனாமியால் பாதித்த பல கடலோர கிராமங்கள் உள்பட மும்பை, சென்னை போன்ற நகரங்களும் கடலில் மூழ்கிவிடும். இந்த பேராபத்தில் இருந்து நம் தேசத்தையும், மக்களையும் காப்பாற்ற நாம் என்ன செய்யப் போகிறோம்? இந்தத் தருணத்திலும் விழித்துக் கொள்ளாவிட்டால் மணலும், கற்களும்தான் மிஞ்சும்.ஜப்பானின் கியாட்டோ நகரில் கூடிய உலக ஆய்வாளர்கள், உற்பத்தியாகும் கார்பன்-டை-ஆக்ûஸடின் அளவைக் குறைக்க வலியுறுத்தினார்கள். ஆனால், இவற்றை பெருமளவு உற்பத்தி செய்யும் அமெரிக்கா போன்ற நாடுகள் கையெழுத்திட மறுக்கின்றன. கடந்த டிசம்பரில் கோபன்ஹெகனில் நடந்த உலக மாநாட்டிலும் இது பற்றி பேசப்பட்டது. ஆனால், செயல்பாடுகள் தொடர்பாக இன்றும் ஆயத்தமாகவில்லை.கார்பன்-டை-ஆக்ûஸடு உற்பத்தியைக் குறைக்க நடவடிக்கை எடுப்பதோடு உலகை வற்புறுத்தும் கடமை யும் நமக்கிருக்கிறது. மறுபுறம் இந்த பூமியின் பசுமைப் பரப்பை அதிகரிப்பதன்மூலம் உற்பத்தியான கார்பன்-டை-ஆக்ûஸடை குறைக்கச் செய்யலாம். குறிப்பாக, இந்த பூமியில்தான் தண்ணீரும், உயிர்க்காற்றும் உள்ளது. அதனால்தான் பூமியை உயிர்க்கோளம் என்று அழைக்கிறோம்.இந்த உயிர்க் கோளத்திற்குத் தேவையான ஆக்ஸிஜனை உற்பத்தி செய்வது உலகின் 13 நாடுகளில் உள்ள காடுகள்தான். அவற்றில் இந்தியாவும் ஒன்று. மேற்குத் தொடர்ச்சி மலை, கிழக்குத் தொடர்ச்சி மலை, இமயமலைக் காடுகள் உலகில் உயிர்க்காற்றை உற்பத்தி செய்வதில் பெரும் பங்கு வகிக்கின்றன. இந்தக் காடுகளே, வெளியேறிய கார்பன்-டை-ஆக்ûஸடை உறிஞ்சிக் குடிக்கின்றன. காடுகளைக் காப்பாற்றுவதன் மூலம் உலகை அச்சுறுத்தும் புவி வெப்பத்தில் இருந்து எல்லா உயிர்களையும் காப்பாற்ற முடியும்.

தேங்க்ஸ்> Dinamani

இடம்பெயரும் துயரம்

2010-03-02T03:59:00.000-08:00

இடமாறுதல் ஆணை பெற்று வேறு ஊருக்குச் செல்லும் அரசு ஊழியர்களுக்கும், பெரிய தனியார் நிறுவனங்களில் பல ஆயிரம் ரூபாய் மாதச் சம்பளம் கிடைப்பதால் இடம் பெயர்வோருக்கும் ஏற்படக்கூடிய பிரச்னைகள் புதிய இடம், புதிய மனிதர்கள், கலாசாரம், மொழி சார்ந்ததாக மட்டுமே இருக்கும். ஆனால், என்ன தொழில் செய்வோம் என்பதே தெரியாமல், தங்கள் உடலுழைப்பை மட்டுமே மூலதனமாகக் கொண்டு, மூட்டை முடிச்சுகளுடனும் குழந்தைகளுடனும் வெளியேறும் சாதாரண ஏழைகளின் நிலைமை எண்ணிப் பார்க்க முடியாத துயரமாகத்தான் இருக்கிறது.
2001-ம் ஆண்டு மக்கள்தொகை கணக்கெடுப்பின் புள்ளிவிவரங்களின்படி, 102 கோடி மக்கள்தொகையில் 30 கோடி பேர் இடம் பெயர்ந்துள்ளனர். இவர்களில் 24 கோடி பேர் (84.2 சதவீதம்) மாநிலத்துக்குள்ளாகவே மாவட்டத்தைவிட்டு வெளியேறியும் அல்லது மாவட்டங்களுக்கு உள்ளேயும் இடம் பெயர்ந்துள்ளனர். சுமார் 4.5 கோடி பேர் (13.8 சதவீதம்) வெளிமாநிலங்களுக்கு இடம் பெயர்ந்துள்ளனர்.
1981-ம் ஆண்டு 10 லட்சத்துக்கும் அதிகமான மக்கள் வாழும் நகரங்களின் எண்ணிக்கை 12-ஆக இருந்தது. 1991-ம் ஆண்டு மக்கள்தொகை கணக்கெடுப்பின்போது இந்த எண்ணிக்கை 23 நகரங்களாக மாறியது. 2001-ம் ஆண்டு 35 நகரங்களாக உயர்ந்தது. ஆனால் 2011-ம் ஆண்டு கணக்கெடுப்பின்போது, 10 லட்சத்துக்கு அதிகமான மக்கள்தொகை கொண்ட நகரங்களின் எண்ணிக்கை 100-க்கும் அதிகமாக இருக்கும் என்று கணிக்கப்படுகிறது.
இவ்வாறு பிழைப்பைத் தேடி வெளியேறும் சாதாரண ஏழைகளின் எண்ணிக்கை நாளுக்கு நாள் அதிகரித்துக் கொண்டே வருகிறது. வாழ்க்கையின் நெருக்கடி, குடும்ப வறுமை, பொய்த்துப்போன விவசாயம், உள்ளூரில் வேலை கிடைக்காத நிலை என்று பல்வேறு காரணங்களும் கடந்த பத்து ஆண்டுகளில் கூடியிருக்கிறதே தவிர குறையவில்லை. சமூகவியல் ஆய்வாளர்கள் கருத்தின்படி, இந்த எண்ணிக்கை ஏறக்குறைய இரு மடங்காக உயர்ந்திருக்கும். 2011-ம் ஆண்டு மக்கள் தொகை கணக்கெடுப்பின்போது இதுபற்றிய உண்மைகள் அப்பட்டமாகத் தெரியவரும்.
பெருந்தொழில்களும் நெடுஞ்சாலைகளும் கிராமங்களைக் கிழித்துப்போடும்போது, இவர்கள் வாழ்க்கையையும் சேர்த்தே கிழித்துவிடுகிறது. விவசாய நிலங்களுக்காக இவர்களுக்குத் தரப்படும் இழப்பீடுகள் ஓராண்டுக்குமேல் கையில் இருப்பதில்லை. உடலுழைப்பைத்தவிர வேறு தொழில் தெரியாத நிலைமையும், குடிப்பழக்கமும், படிப்பறிவின்மையும் இவர்களின் பணத்தைக் கரைத்துவிடுகிறது. விவசாய நிலவுடைமைக்காரரும் வயலில் வேலை செய்யும் விவசாயக்கூலியும் - இரு குடும்பங்களுமே வெளியேறும் கட்டாயத்துக்கு ஆளாகின்றன. பென்னாகரம் தொகுதியில் 25 ஆயிரம் வாக்காளர்களின் பெயர் வாக்காளர் பட்டியலிலிருந்து நீக்கப்பட்டது, அரசியல் கட்சிகளால் பிரச்னையாக்கப்பட்டது. மீண்டும் 13 ஆயிரம் வாக்காளர்கள் பெயர்கள் சேர்க்கப்பட்டன. இதன் உண்மைத் தன்மையை அறிய விரும்பும் சமூகவியல் மாணவர்களும், தன்னார்வ அமைப்புகளும் இத்தொகுதியில் நீக்கப்பட்ட வாக்காளர்கள் யார்யார் என்பதையும், மீண்டும் சேர்க்கப்பட்ட வாக்காளர்கள் யார்யார் என்பதையும் வீடுதேடிச் சென்று ஆய்வு நடத்தினால் துயரம் தோய்ந்த பல்வேறு உண்மைகள் வெளிப்படும். இவர்களில் 90 சதவீதம்பேர் பிழைப்பைத் தேடி வெளியேறியவர்களாக இருப்பார்கள்.
சேலம், கிருஷ்ணகிரி, தருமபுரி, திருவண்ணாமலை மாவட்டங்களில் விவசாயத்துக்கு வழியில்லாமல், தொழிற்சாலைகளிலும் வேலைவாய்ப்பு அருகிவரும் நிலையில் கூலித் தொழில் செய்து வாழ்க்கையை நடத்த கேரளம் மற்றும் கர்நாடக மாநிலங்களுக்கும், சென்னை, கோவை போன்ற பெருநகரங்களுக்கும் இடம்பெயரும். தமிழர்கள் எண்ணிக்கை கூடுதலாகவே இருக்கிறது. ஆனால் இவர்கள் படும் இன்னல்கள்- உள்ளூரிலும் வெளியூரிலும்- ஏராளம்.
உள்ளூரில் இவர்களது குடும்ப அட்டை ரத்து செய்யப்படுவதும், நம்பிக்கையுடன் உறவினர்களுடன் விட்டுச்செல்லப்பட்ட சிறு குழந்தைகள் வீணாகிப் போவதும், இவர்களது சிறு உடைமைகளும் காணாமல்போவதுமான சிக்கல்கள் ஒருபுறம். பிழைப்பைத் தேடிச் சென்ற இடத்தில் தங்க இடம் இல்லாமல் சாலையோரத்தில் ஆதரவற்று வாழ்க்கை நடத்துவதும், பெண் குழந்தைகளும் இளம் பெண்களும் கடத்தப்படுவதும் அல்லது வறுமையால் அவர்கள் வாழ்க்கை சீரழிவதும் ஒருபுறம். இவர்கள் சென்ற இடத்தில், நிரந்தர முகவரி இல்லாமல் வாழ்வதாலேயே இவர்களுக்கு இழைக்கப்படும் குற்றங்கள் காவல் நிலையங்களில் பதிவு செய்யப்படுவதே இல்லை- கொலை போன்ற தவிர்க்க முடியாத நிகழ்வுகளைத் தவிர, சாதாரண விபத்தில் கை, கால்களை இழந்தாலும், கட்டட வேலையின்போது விபத்தில் இறந்தாலும், குறைந்த அளவு இழப்பீடு கொடுத்து, எந்தக் குற்றப் பதிவும் வழக்கும் இல்லாமல் பார்த்துக் கொள்கிறார்கள். இத்தனை இன்னல்கள் இருந்தாலும் இவர்கள் இடம்பெயரக் காரணம் வறுமை, வேலையின்மை.
கிராம மக்கள் சாரிசாரியாக நகரங்களை நோக்கிச் செல்வது மிகப்பெரிய அபாயத்தையும் துயரத்தையும் ஏற்படுத்தப் போகிறது. இதனை அறியாத அரசும், அரசியல்வாதிகளும், நாமும் முழுமையாக அறிந்துகொள்ளாமல் இருப்பது அதைக் காட்டிலும் பெருந்துயரம்.
இந்த மக்களை மீண்டும் தங்கள் சொந்த வாழ்விடங்களுக்கே திரும்பி வந்து வாழ்வதற்கான விவசாயத் தொழில் வாய்ப்புகளை அதிகரிப்பது மட்டுமே இப்பிரச்னைக்குத் தீர்வாக அமையும். நிதிநிலை அறிக்கையில் மகாத்மா காந்தி வேலைவாய்ப்பு உறுதித் திட்டத்துக்கு ரூ. 42,000 கோடி ஒதுக்கினாலும், இவற்றில் மிகச் சிறிய தொகை மட்டுமே விவசாயிகளை அடைகிறது என்பதால், இதை நம்பி யாரும் கிராமங்களுக்குத் திரும்பப் போவதில்லை. இவர்களுக்காகத் தனிக்கவனம் செலுத்தப்பட வேண்டும். இவர்கள் இடம்பெயர்வதைப் பதிவு செய்யவும், இவர்கள் பிரச்னைகளுக்குத் தீர்வுகாணவும், இவர்களை மீண்டும் அவர்களது மண்ணிலேயே வேரூன்றவும் செய்வதற்கான சிறப்புத் திட்டங்களும் நிதி ஒதுக்கீடும் அவசியம். இதற்கென தனி அமைச்சரை நியமித்தாலும் நல்லதுதான்.

நன்றி / தினமணி

களைச் செடியாகும் கற்பகத்தருக்கள் - பீ.ஜெபலின் ஜான்

2010-03-02T03:50:00.000-08:00

இந்து புராணங்களில் வேண்டுபவர்களுக்கு வேண்டியனவெல்லாம் கொடுக்கின்ற, ஒரு தேவலோகத்து மரம் தான் கற்பகத்தரு. தேவலோகத்து கற்பகத்தருபோல பூவுலகத்துக் கற்பகத்தருவாக அழைக்கப்படுவது பனை மரம். நுனியிலிருந்து நிலத்தின் கீழுள்ள வேர் வரையிலும், முளைவிட ஆரம்பித்ததிலிருந்து, வெட்டி வீழ்த்தப்பட்டபின்னரும் நெடுங்காலத்துக்குப் பயன்தருவதால் பனை மரத்தை கற்பகத்தரு என முன்னோர்கள் அழைத்தனர். இதன் தாவரவியல் பெயர் பொராசஸ் பிலபெலிபேரா. பனைகள் பொதுவாகப் பயிரிடப்படுவதில்லை, இயற்கையிலே தானாகவே வளர்ந்து பெருகுகின்றன. பனைகள் குறிப்பிடத்தக்க வளைவுகள் ஏதுமின்றிச் சுமார் 30 மீட்டர் உயரம் வரை வளரக்கூடியவை. இதன் உச்சியில், கிட்டத்தட்ட 30 - 40 விசிறி வடிவ ஓலைகள் வட்டமாக அமைந்திருக்கும். ஒரு காலத்தில் பனைமரங்களின் பயன்பாடு அதிகமாக இருந்தது. இப்போது அதன் பயன்பாடு குறைந்துவிட்டது. அரசும், மக்களும் பனை மரங்களில் இருந்து கிடைக்கும் உணவுப் பொருள்களை முறையாக சந்தைப்படுத்தாததால் இதன் முக்கியத்துவம் குறைந்துவிட்டது. ஆசிய நாடுகளில்தான் பனை மரங்கள் அதிகம் காணப்படுகின்றன. இந்தியாவில், கேரளம், கோவா, மும்பை தொடக்கம் முதல் குஜராத் வரையுள்ள பிரதேசங்கள், தமிழகத்தில் கன்னியாகுமரி, திருநெல்வேலி, மதுரை போன்ற இடங்கள் உள்பட சென்னை வரை பனைகள் காணப்படுகின்றன. இந்தியாவில் மொத்தம் 8.59 கோடி பனைகள் இருப்பதாகக் கணக்கிடப்பட்டுள்ளது. இவற்றில் 5.10 கோடி பனைகள் தமிழ்நாட்டில்தான் உள்ளன. 1960-களில் எடுக்கப்பட்ட கணக்கெடுப்பின்படி இலங்கையின் வடபகுதியில் சுமார் 70 லட்சம் பனை மரங்கள் வரை இருந்தனவாம். அண்மைக்கால உள்நாட்டுப் போர் காரணமாகவும், நிலத்தேவைகள் காரணமாகவும் ஏராளமான பனைகள் அழிந்துவிட்டதாகத் தெரிகிறது. உள்நாட்டுப் போரினால் மட்டும், 25 லட்சம் பனைகள் வரை அழிந்திருக்கக்கூடும் எனக் கருதப்படுகிறது. அண்மைக் கணக்கெடுப்பு ஒன்றின்படி, 30 லட்சம் பனைகள் இருக்கக்கூடுமெனத் தெரியவருகிறது. இலங்கையில் இருந்து பதனீர், கள் போன்றவை பதப்படுத்தப்பட்டு பாட்டில்களில் அடைக்கப்பட்டு ஏற்றுமதி செய்யப்படுகிறது. இதன் மூலம் கோடிக்கணக்கில் வருவாய் கிடைக்கிறது.÷தமிழகத்தில் பன்னாட்டு நிறுவனங்களின் குளிர்பானங்களைக் குடித்து உடல்நலத்தைக் கெடுத்துக் கொள்ளும் இளைஞர்கள் மாற்றுப் பானமாக பதநீரைப் பருகலாம். பதநீர் விற்பனையை அதிகரித்து, அதை ஏற்றுமதி செய்தால் கிராம மக்களின் பொருளாதாரம் ஏற்றம் பெறும். பனையிலிருந்து கட்டடங்களுக்கு வேண்டிய பல கட்டடப் பொருள்கள் மற்றும் தும்பு, நார் முதலியவற்றிலிருந்து செய்யப்படும் பல்வேறு பயன்படு பொருள்களையும் பனையிலிருந்து பெற முடியும். பொதுவாக, இது வளரும் இடங்களில் எல்லாம், வசதியற்ற ஏழை மக்களின் பொருளாதார நிலை உயர அடித்தளமாக விளங்குகிறது.÷பனை மரத்தில் இருந்து ஆண்டொன்றுக்கு பதனீர்-180 லிட்டர், பனை வெல்லம் - 25 கிலோ, பனங்கற்கண்டு - 16 கிலோ, தும்பு - 11.4 கிலோ, ஈக்கு - 2.25 கிலோ, விறகு - 10 கிலோ, ஓலை - 10 கிலோ, நார்- 20 கிலோ ஆகியவை கிடைக்கின்றன. பனையிலிருந்து கிடைக்கும் பல உப உணவுப்பொருள்களில் மனிதர்களின் உணவும், விலங்குகளின் உணவும் அடங்கும். கட்டடப் பொருள்கள், அலங்காரப் பொருள்கள், வீட்டு உபயோகப் பொருள்கள் என பல பொருள்கள் பனையிலிருந்து தயாரிக்கப்படுகின்றன. முற்காலத்தில் பனை ஓலைகளே எழுதப் பயன்பட்டு வந்தன. இன்றும் பல பழைய நூல்களைப் பனை ஓலைச் சுவடிகள் வடிவிலே காணலாம். அன்றைய காலனி ஆதிக்க நாடுகளான இங்கிலாந்து, ஜெர்மனி, பிரான்ஸ் போன்றவற்றில் உள்ள நூலகங்களில் தொல்காப்பியம், சிலப்பதிகாரம் உள்ளிட்ட தமிழ் இலக்கியங்களின் முதல் பிரதி ஓலைச்சுவடிகள் இந்தியாவால் மீட்க முடியாமல் சிறைபட்டுக் கிடக்கின்றன. அச்சுத்துறை இல்லாத காலத்தில் உருவான உலகம் போற்றும் திருக்குறள், தொல்காப்பியம், சிலப்பதிகாரம் உள்ளிட்ட அனைத்து தமிழ் இலக்கியங்களும் பத்திரமாக புதிய தலைமுறைகளுக்குக் கிடைக்கக் காரணம் பனை ஓலைகள்தான். இதுபோல தமிழுக்கும், தமிழர்களுக்கும் பனை மரங்கள் செய்த தொண்டு ஏராளம். தமிழைப் பாதுகாத்த பனை மரத்தை தமிழகமும், தமிழர்களும் பொருள்படுத்தாமல் இருப்பது நன்றி மறந்த செயலாகும். தமிழகத்தில் பெரும்பாலான இடங்களில் (குறிப்பாக தென்மாவட்டங்களில்) பனை மரங்கள் களைச்செடியாகப் பரிதாபமாகக் காட்சி அளிப்பதைக் காண முடியும்.உடல் உழைப்பையே நம்பியிருந்த 20-ம் நூற்றாண்டு மற்றும் அதற்கு முற்பட்ட காலங்களில் பனை ஏறுவதற்கு மனிதர்கள் பயன்படுத்தப்பட்டனர்.பின்னர் ஏற்பட்ட இயந்திரப் புரட்சி காரணமாக அனைத்துத்துறைகளிலும் உடல் உழைப்பு குறைந்ததால், பனை ஏறும் தொழிலாளர்களின் எண்ணிக்கை கணிசமாகக் குறைந்துவிட்டது. அரசுத்துறை மற்றும் விஞ்ஞானிகளால் கண்டுபிடிக்கப்பட்ட சில இயந்திரங்களும் பனை ஏறும் தொழிலுக்கு உகந்ததாக இல்லை. இதன் விளைவால் களைச்செடிகளாகி வருகின்றன கற்பகத்தருக்கள். 21-ம் நூற்றாண்டின் இறுதியில் பனை மரங்கள் இருக்குமா என்பது கேள்விக்குறியே. எனவே, பண்டைய தமிழ் இலக்கியங்களைப் பாதுகாத்து நம் தலைமுறைக்கு வழங்கிய பனை மரங்களை, வாழையடி வாழையாக வரும் நமது அடுத்த தலைமுறைகளும் பயன்படுத்தும் வகையில் பாதுகாப்பாக வளர்ப்பதுதான் பனை மரங்களுக்கு நாம் செய்யும் கைமாறு. மாநில மரம் என்ற வகையிலும், தமிழின் வளர்ச்சிக்கு ஓலைச்சுவடியாக உதவியது என்ற வகையிலும் பனை மரங்களைப் பாதுகாப்பது தமிழக அரசின் முக்கிய கடமை.உலகத் தமிழ்ச் செம்மொழி மாநாடு நெருங்கிவரும் நேரத்தில் பனை மரங்களைப் பாதுகாக்க தமிழக அரசு உறுதியான நடவடிக்கைகளை முடுக்கிவிடுவது அவசியம். பனை மரங்களில் எளிதில் ஏறி இறங்கும் வகையில் காலத்துக்கு உகந்த கருவிகளைக் கண்டுபிடிக்க வேளாண் விஞ்ஞானிகளை அறிவுறுத்துவது, பனையில் இருந்து கிடைக்கும் பொருள்களின் பயன்பாட்டை அதிகரிக்க தீவிர நடவடிக்கை எடுப்பதும் மிக மிக அவசியம். பனைப் பொருள்களை ஆர்வமாக வாங்கி அதைப் பயன்படுத்துவது ஒவ்வொரு தமிழனின் தலையாய கடமை.

நன்றி - தினமணி

களைச் செடியாகும் கற்பகத்தருக்கள் -பீ.ஜெபலின் ஜான்

2010-02-26T01:20:00.000-08:00

நன்றி/தினமணி

நிலத்தடி நீர் மாதிரி மசோதா: 6 மாநிலங்கள் நிராகரிப்பு

2010-02-09T21:33:00.001-08:00

புதுதில்லி, பிப். 9:
நிலத்தடி நீர் வளத்தை அதிகரிக்கவும், சேமிக்கவும் வகை செய்து மத்திய அரசு அனுப்பிய நிலத்தடி நீர் மசோதாவை பஞ்சாப் உள்ளிட்ட 6 மாநிலங்கள் நிராகரித்தன.இந்த மசோதாவில் உள்ள அம்சங்கள் பொதுமக்களுக்கு சுமையாக இருக்கும் என அச்சம் தெரிவித்து சில மாநிலங்களும், இத்தகைய மசோதாவுக்கு அவசியமே இல்லை என்று சில மாநிலங்களும் கருத்து தெரிவித்து மத்திய அரசு அனுப்பியிருந்த மாதிரி மசோதாவை நிராகரித்தன.

நிலத்தடி நீர் ஆதாரத்தை அதிகரிப்பது, அதை முறையாக நிர்வகித்து, முறைப்படி பயன்படுத்துவதற்காக மத்திய நீர்வள அமைச்சகம் இந்த மாதிரி மசோதாவை தயாரித்து 1970ல் மாநிலங்களின் பரிசீலனைக்காக அனுப்பியது. 1992, 1996, 2005ம் ஆண்டுகளில் மீண்டும் மாநிலங்கள், யூனியன் பிரதேசங்களின் பரிசீலனைக்காக அனுப்பப்பட்டன. இந்த மாதிரி மசோதாவை அடிப்படையாகக் கொண்டு நிலத்தடி நீர் கட்டுப்பாடு சட்டம் இயற்றிக்கொள்ளலாம் என்றும் மாநில அரசுகளுக்கு அது பரிந்துரைத்திருந்தது. ஆனால் இந்த மசோதாவை பஞ்சாப், சிக்கிம், அருணாசலப் பிரதேசம், திரிபுரா, நாகாலாந்து உள்ளிட்ட 6 மாநிலங்கள் நிராகரித்துள்ளன.ஒவ்வொரு மாநிலமும், யூனியன் பிரதேசமும் நீர்வள ஆணையம் அமைக்க இந்த மசோதா யோசனை தெரிவித்துள்ளது. நிலத்தடி நீர் அதிக அளவில் சுரண்டப்படுவதாக சந்தேகம் எழும்பட்சத்தில் அரசு நிலத்திலோ அல்லது தனியார் இடத்திலோ சென்று கிணறு, ஆழ்குழாய் கிணறுகளை ஆணைய அதிகாரிகள் சோதனையிட அதிகாரம் தர இந்த சட்டம் வகை செய்கிறது. மேலும் கிணறு தோண்டவோ அல்லது ஆழ்குழாய் கிணறுகள் அமைக்கவோ ஆணையத்திடம் அனுமதி பெற்றாகவேண்டும் என்றும் மசோதா கட்டுப்பாடு விதிக்கிறது. மத்திய அரசு அனுப்பிய மாதிரி மசோதா வழியில் ஒரு மசோதாவை தயாரித்த பஞ்சாப் அரசு, மாநில நீர்வள குழுவின் முடிவுக்கு அனுப்பியது. ஆனால், இம்மசோதா பயனாளிகளுக்கு அதிக பாதிப்பு தருவதாகக் கூறி அந்த குழு அதை நிராகரித்தது. நிலத்தடி நீரை சேமிக்க ஊக்கச் சலுகை தரலாம் என்று அது யோசனை தெரிவித்துள்ளது என்று மத்திய நிலத்தடி நீர் வாரியம் தெரிவித்துள்ளது.

சிக்கிம், அருணாசலப் பிரதேசம் ஆகியவை தமது மாநிலங்களில் நிலத்தடி நீரை அதிக அளவில் எடுப்பதே இல்லை. எனவே இந்த சட்டத்துக்கு அவசியமே இல்லை என்று கைவிரித்துவிட்டன.நாகாலாந்து, மணிப்பூர், திரிபுரா ஆகியவை மத்திய அரசு அனுப்பிய மசோதாவை நிராகரித்த மற்ற மாநிலங்கள்.இதுவரை 11 மாநிலங்கள், யூனியன் பிரதேசங்கள் மத்திய அரசு யோசனை படி சட்டம் கொண்டுவந்து அமல்படுத்தியுள்ளன. 18 மாநிலங்கள் நிலத்தடி நீர்வள சட்டம் இயற்றும் நடவடிக்கையில் இறங்கியுள்ளன.ஆந்திரம், கோவா, தமிழ்நாடு, கேரளம், மேற்குவங்கம், இமாசலப்பிரதேசம், பிகார்,யூனியன் பிரேசங்களான சண்டீகர், தாத்ரா, நகர் ஹவேலி, லட்சத்தீவு ஆகியவை மத்திய அரசு யோசனை படி நிலத்தடி நீர் கட்டுப்பாடு மற்றும் ஒழுங்கு முறை சட்டத்தை இயற்றியுள்ளன.

நன்றி> தினமணி

புகை மாசு-2020ம் ஆண்டுக்குள் 25% கட்டுப்படுத்த இந்தியா ஒப்புதல்!

2010-01-31T23:58:00.000-08:00

திங்கள்கிழமை, பிப்ரவரி 1, 2010, 10:59[IST]

டெல்லி: இந்தியாவில் வரும் 2020ம் ஆண்டுக்குள் புகை மாசு வெளியேற்றத்தை 20 முதல் 25 சதவீதம் வரை கட்டுப்படுத்துவதற்கான திட்ட அறிக்கை ஐ.நாவிடம் மத்திய அரசால் சமர்ப்பிக்கப்பட்டுள்ளது.

கடந்த மாதம் டென்மார்க் தலைநகர் கோபனேஹனில் 194 நாடுகள் பங்கேற்ற பருவநிலை மாற்றம் தொடர்பான மாநாடு நடந்தது.

இந்த மாநாட்டில் கார்பன் புகை மாசு வெளியேற்றத்தை கட்டுப்படுத்துவது தொடர்பான திட்ட இலக்கை நிர்ணயம் செய்து ஜனவரி 31ம் தேதிக்குள் அனைத்து நாடுகளும் ஐ.நா. சபையில் விரிவான அறிக்கையை தாக்கல் செய்வது என முடிவெடுக்கப்பட்டது.

இதன்படி அமெரிக்கா 2 நாட்களுக்கு முன்பு திட்ட அறிக்கை தாக்கல் செய்தது. தங்கள் நாட்டில் கார்பன் வெளியேற்ற அளவை 2020க்குள் 17 சதவீதம் கட்டுப்படுத்தப்படும் என அதில் கூறப்பட்டுள்ளது.

அதேபோல் ஐரோப்பிய ஒன்றிய நாடுகள் 2020க்குள் 20 சதவீதத்தை கட்டுப்படுத்த உறுதியளித்துள்ளன. இந்நிலையில், நேற்று முன்தினம் இந்தியா சார்பில் திட்ட இலக்கு நிர்ணய அறிக்கை ஐ.நா சபையில் தாக்கல் செய்யப்பட்டது.

அதில், இந்தியாவின் புகை மாசு வெளியேற்ற அளவை 2020ம் ஆண்டுக்குள் 20 முதல் 25 சதவீதம் கட்டுப்படுத்த இலக்கு நிர்ணயித்துள்ளதாக தெரிவிக்கப்பட்டுள்ளது.

எனினும், இதுதொடர்பான நடவடிக்கைகளில் விவசாயத் துறைக்கு மட்டும் விதிவிலக்கு அளிக்கப்பட்டுள்ளதாக இந்தியா தனது அறிக்கையில் தெரிவித்துள்ளது.

அதேபோல், 'இந்த இலக்குகளை அடைவதற்கான நடவடிக்கைகள் முழுக்க முழுக்க அந்தந்த நாடுகள் தாங்களாகவே முன்வந்து மேற்கொள்ளும் முயற்சியாக அமையவேண்டும்.

எந்த வகையிலும் சட்டப்பூர்வமாக கட்டுப்படுத்துவதாக அமைந்துவிடக்கூடாது. இந்தியா தனது தேசிய சட்ட திட்டங்கள் மற்றும் கொள்கைகளின் அடிப்படையிலேயே இந்த நடவடிக்கைகளை மேற்கொள்ளும்' என்றும் அந்த அறிக்கையில் குறிப்பிடப்பட்டுள்ளது.

ஆதாரம்- http://thatstamil.oneindia.in/news/2010/02/01/india-submits-emission-mitigation.ஹ்த்ம்ல்

புவிவெப்பம் தணிக்காத உச்சி மாநாடு

2009-12-22T19:15:00.000-08:00

உ .ரா. வரதராசன்

First Published : 23 Dec 2009 12:00:00 AM இசட்

கோபன்ஹேகன் நகரில் கடந்த சில நாள்களாக பரபரப்புடன் நடைபெற்று வந்த தட்பவெட்பம் குறித்த சர்வதேச உச்சி மாநாடு "ஒருவிதமாக' முடிவுக்கு வந்துவிட்டது. சுற்றுச்சூழல் பாதுகாப்பு குறித்த அக்கறை மிகுந்த ஆர்வலர்கள், அமைப்புகள், இதழியலாளர்கள் என்று பல தரப்பினரும் இந்த முடிவு ஏமாற்றம் அளிப்பதாகவே உள்ளது என்று சலிப்பு மேலிடக் கூறியுள்ளனர்.இந்தப் பூமண்டலம் மனித சமுதாயத்துக்கு இயற்கை அளித்த ஒப்பில்லாத வரம். மனித குல நாகரிக வளர்ச்சி பெருமைக்குரிய எல்லைகளைத் தொட்டு நின்றது. இயற்கையின் விநோதங்களை மனிதன் தனது அறிவாற்றலால், ஆராய்ச்சியால் கண்டறிந்து அதை சமூக வளர்ச்சிக்கும், முன்னேற்றத்துக்கும் பயன்படுத்தி வந்துள்ளான். அந்த வகையில் 19-ம் நூற்றாண்டில் நீராவி என்ஜின் கண்டுபிடிக்கப்பட்டது. உலகில் தொழிற்புரட்சிக்கு வழிவகுத்தது. ஆனால் அந்தத் தொழிற்புரட்சி உலகந்தழுவிய அளவில் இயந்திர உற்பத்திக்குப் பெரிதும் பயன்படுத்தப்பட நேரிட்டபோது, சுற்றுச் சூழல் தூய்மைக்குக் கேடு நிகழ்ந்தது; பூமிக்கு மேலான வளிமண்டலம் மாசுபடலாயிற்று.உலக நாடுகளின் பொருளாதார வளர்ச்சிக்கு மின் உற்பத்தி அடித்தளமாக அமைந்தது என்றால், அந்த மின்சாரத்தை உற்பத்தி செய்ய பூமிக்கு அடியிலிருந்து அகழ்ந்தெடுக்கப்பட்ட நிலக்கரியை எரியூட்டிப் பயன்படுத்துவது அவசியமானது. உலக நாடுகள் அனைத்தையும், ஒவ்வொரு நாட்டின் நகரங்கள் - கிராமங்களையும் இணைத்து மக்கள் தொடர்புக்கும், வர்த்தகத்திற்கும் பெரிதும் உதவிய போக்குவரத்து சாதனங்கள் பல்கிப் பெருகின என்றால், அவற்றோடு சேர்ந்து பூமிக்கும், கடலுக்கும் அடியிலிருந்து எடுக்கப்பட்ட திரவ எரிபொருளான பெட்ரோலியப் பொருள்கள் பெருமளவுக்குப் பயன்படுத்தப்பட நேரிட்டது. இவை - நிலக்கரியும், பெட்ரோலியப் பொருள்களும் - சேர்ந்து எழுப்பும் புகை மண்டலம், காற்று வெளியைக் கரியமில வாயுவால் மாசுபடுத்தியது. இதர தொழில்களில் பயன்படுத்தப்பட்ட ராசயனக் கழிவுகளும் இந்த மாசுப்பெருக்கத்தின் பரிமாணத்தை மேலும் பெருக்கின. இவை இயற்கை நிகழ்வுகளின் மீதும் தாக்கத்தைச் செலுத்தலாயின. கூடவே, காடுகள் அழிக்கப்பட்டதும், பல்லாயிரக்கணக்கான நூற்றாண்டு காலமாக இயற்கை சேமித்து வைத்த வளங்கள் அனைத்தும் வேகவேகமாகப் பயன்பாட்டுக்கு உள்படுத்தப்பட்டதும், அந்த வளங்களை மீண்டும் பெருக்குவதற்கான முயற்சிகள் மேற்கொள்ளப்படாததும், பாரதூரமான விளைவுகளுக்கு இட்டுச் சென்றன. உயிரினங்களின் வாழ்க்கைக்குத் தேவையான சுத்தமான காற்று, நீர், அனைத்தும் மாசுபட்டன; மறுபக்கம் இயற்கைச் சீற்றங்கள் பேரிடர்களாக விடியலாயின. வளர்ச்சியும், முன்னேற்றமும் தொழிற்புரட்சி தந்த வரம் என்றால், சுற்றுச்சூழல் பாதிப்பு அதனால் விளைந்த சாபக் கேடகாக உடன் வந்தது.இந்தச் சுற்றுச்சூழல் பாதிப்பின் ஒரு முக்கிய வெளிப்பாடு புவி வெப்பம் உயர்வும், அதன் தொடர்ச்சியாகக் கடல் நீரும் வெப்பமடைந்து கடல்மட்டம் உயரும் ஆபத்துமாக எதிர்நின்றது. பூமியின் காற்று மண்டலத்துக்குக் கவசமாக அமைந்துள்ள ஓசோன் படலத்தில் ஓட்டை விழுந்து, மனித குலத்துக்குப் பேரபாயத்தை விளைவிக்கும் சூழல் அச்சுறுத்தியது. பருவமழை உள்ளிட்ட இயற்கையின் தொடர் நிகழ்வுகளில் பாதகமான மாற்றங்கள் தென்படலாயின. இவற்றை எதிர்கொள்ள முன்னெச்சரிக்கை நடவடிக்கைகள் உலகளாவிய முறையில் மேற்கொள்ளப்படாவிட்டால், மனித சமுதாயம் ஒரு பேரழிவை எதிர்கொள்வது தவிர்க்க முடியாததாகிவிடும் என்ற கவலை எழுந்தது. ஐக்கிய நாடுகள் சபை 1972-ல் இதுகுறித்த ஒரு சர்வதேச மாநாட்டைக் கூட்டி, அதில் மனித சமுதாயத்தின் சுற்றுப்புறச் சூழல் தொடர்பான ஒரு பிரகடனத்தை மேற்கொண்டது. இம்மாநாடு ஸ்டாக்ஹோம் நகரில் நடைபெற்றது. இதையடுத்து ஐ.நா. முயற்சியில் 1989, 1991-ம் ஆண்டுகளில் சுற்றுச்சூழலும் வளர்ச்சியும் குறித்த பொதுப்பேரவைத் தீர்மானங்களும் மேற்கொள்ளப்பட்டன. கடல் மட்டம் உயர்வதனால் பாதிப்புக்குள்ளாகக் கூடிய தாழ்நிலைத் தீவுகள், கடலோரப் பகுதிகள் குறித்தும் ஐ.நா. தீர்மானங்கள் நிறைவேற்றப்பட்டுச் செயல்திட்டங்களும் உருவாக்கப்பட்டன. ஓசோன் படலத்தைப் பாதுகாப்பதற்காக 1985-ல் வியன்னாவிலும், 1987-ல் மாண்ட்ரீலிலும் சர்வதேசக் கோட்பாடுகள் நிறைவேற்றப்பபட்டன. தட்பவெட்பம் தொடர்பான உலக இரண்டாவது மாநாடு 1990-ல் நடைபெற்றது. இவற்றின் முத்தாய்ப்பாகத் தட்பவெட்பம் குறித்த வரையறைக் கோட்பாடு ஒன்றை ஐ.நா. 1992 மே 9 அன்று நியுயார்க் நகரில் ஏற்று வெளியிட்டது.1992-ம் ஆண்டின் இந்த ஐ.நா. கோட்பாடு ஒரு மிக முக்கியமான பாகுபாட்டை அங்கீகரித்தது. புவிவெப்பம் அதிகரிப்பின் பாதிப்புகள் உலக நாடுகள் அனைத்துக்குமான அச்சுறுத்தலே என்றாலும், இந்தப் புவி வெப்பத்துக்குப் பிரதான பொறுப்பு பொருளாதார ரீதியில் வளர்ச்சியடைந்த நாடுகள்தான்; வளரும் நாடுகள் தத்தம் பொருளாதார வளர்ச்சியிலும் அக்கறை கொள்ள வேண்டியவையாக இருப்பதனால், அவை புவிவெப்பத்துக்குக் காரணமான கரியமில வாயு வெளியேற்றத்தைத் தவிர்ப்பதோ, கட்டுப்படுத்துவதோ அவற்றின் மக்கள் நலன்களுக்கு உகந்ததாக அமையாது; என்று இந்தக் கோட்பாடு வளர்ச்சியடைந்த நாடுகள், வளரும் நாடுகள் என்று உலக நாடுகளைப் பாகுபடுத்தி, கரியமில வாயு வெளியேற்றத்தைக் கட்டுப்படுத்துகிற கடமையை வளர்ச்சியடைந்த நாடுகளின் மீதே சுமத்தியது. இந்தக் கோட்பாட்டில் இணைக்கப்பட்ட இரண்டு பட்டியல்களில் ஒன்றில் 36 நாடுகள் இடபெற்றன. இவை கரியமில வாயு வெளியேற்றத்தைக் கணிசமாகக் குறைப்பது உள்ளிட்ட நடவடிக்கைகளை மேற்கொள்ள வலியுறுத்தப்பட்டன. இந்த 36 நாடுகளிலிருந்து 24 நாடுகளைத் தனியே பிரித்தெடுத்து - இவை பெரிதும் வளர்ச்சியடைந்து வசதி பெற்ற நாடுகளாக இருந்தமையால் - வளரும் நாடுகளுக்கு புவிவெப்ப உயர்வு காரணமாக நேரிடும் பாதிப்புகளை எதிர்கொள்ள நிதி உதவிகளும் செய்ய வேண்டும் என்றும் வலியுறுத்தப்பட்டிருந்தது. இந்த 1992-ன் ஐ.நா. கோட்பாடு, உறுப்பு நாடுகள் அனைத்தாலும் ஏற்றுக் கொள்ளப்பட்டபோதிலும், இது ஒரு குறிக்கோள் என்ற அளவில் மட்டுமே அமைந்தது. இதில் வரையறுக்கப்பட்ட கடமைகளை நிறைவேற்ற வளர்ச்சியடைந்த நாடுகள் மீது ஐ.நா. எவ்வித சட்டரீதியான நெருக்குதலையும் கொடுக்க இயலாது.எனினும், இந்த ஐ.நா. கோட்பாடு அடுத்தடுத்த பேச்சுவார்த்தைகளுக்கும், மாநாடுகளுக்கும் அடிப்படையாக அமைந்தது. புவிவெப்ப அதிகரிப்பால் கூடுதலாகவும், உடனடியாகவும் பாதிப்புகளை எதிர்கொள்ள வேண்டிய கவலைக்குரிய நிலைமையில் உள்ள நாடுகளாக, சிறு தீவு நாடுகள்; தாழ்நிலைக் கடலோர நாடுகள்; சதுப்பு நிலம், காடுகள் நிறைந்த நாடுகள்; இயற்கைப் பேரிடர்களை எதிர்கொள்ளும் நிலையில் உள்ள நாடுகள்; வறட்சி - பாலை நில பாதிப்புகளைக் கொண்ட நாடுகள்; நகர்ப்புற சுற்றுச்சூழல் மாசு விகிதம் உயர்வாக உள்ள நாடுகள்; எளிதில் பாதிப்புக்கு இலக்காகும் சுற்றுச்சூழல் அமைந்த நாடுகள்; எரிபொருள்களை (நிலக்கரி, எண்ணெய்) எடுத்து ஏற்றுமதி செய்வதை மட்டுமே நம்பி நிற்கும் நாடுகள், சிறு நிலப்பகுதியை மட்டுமே உள்ளடக்கிய இடைநிற்கும் நாடுகள் என்று 9 வகையாக இந்தக் கோட்பாடு வரையறுத்தது; வளர்ச்சியடைந்த நாடுகள் இந்த வகை நாடுகள் மீது அக்கறை செலுத்தி உதவிட வேண்டும் என்று அது சுட்டிக்காட்டியது.ஒரு நல்லெண்ண சமிக்ஞையாக மட்டுமே அமைந்த இந்த ஐ.நா. கோட்பாட்டுக்கு, வரையறுக்கப்பட்ட இலக்குகளுடன் கூடிய சட்டரீதியான நிர்பந்தத்தை உள்ளடக்கிய ஓர் உடன்பாடாகச் செயல்வடிவம் கொடுக்கிற முன்னேற்றம் 1997-ல் நிகழ்ந்தது. ஜப்பானின் கியோட்டா நகரில் ஐரோப்பிய யூனியனும், 37 வளர்ச்சியடைந்த நாடுகளும் சேர்ந்து 1997 டிசம்பர் 11 அன்று மேற்கொண்ட இந்த ஒப்பந்தம்தான் கியோட்டோ உடன்பாடு என்று அழைக்கப்படுகிறது. 2008 முதல் 2012 வரையிலான ஐந்தாண்டுகளுக்கு, வளர்ச்சியடைந்த ஒவ்வொரு நாடும் எந்த அளவுக்குப் பசுங்கூட வாயுக்கள் (கரியமில வாயு) வெளியேற்றத்தைக் குறைக்க வேண்டும் என்று இந்த உடன்பாடு வரையறுத்தது. 150 ஆண்டுகளுக்கும் மேலான தொழில் வளர்ச்சி நடவடிக்கைகளில் ஈடுபட்டுப் பலன் அனுபவித்து வரும் வளர்ச்சியடைந்த நாடுகளே, புவி வெப்பத் தணிப்புக்கான சுமையை ஏற்க வேண்டும் என்பது கியோட்டோ உடன்பாட்டின் மையக் கோட்பாடு. இதுவே பொதுவான - ஆனால் பாகுபடுத்தப்பட்ட - பொறுப்புகள் என்று அறியப்பட்டது. இந்த கியோட்டோ உடன்பாட்டை அமெரிக்கா இன்றளவும் ஏற்க மறுத்து வந்துள்ளது மட்டுமன்றி, இதைத் தகர்த்தெறிவதற்கும் தற்போது நடந்து முடிந்துள்ள கோபன்ஹேகன் மாநாட்டில் விடாப்பிடியான முயற்சியை மேற்கொண்டது.இந்தப் பின்புலத்தில்தான் கோபன்ஹேகன் உச்சிமாநாடு சர்வதேச ரீதியில் பெரிய எதிர்பார்ப்புகளை எழுப்பியிருந்தது. இதற்கு முன்னோடியாக அமெரிக்காவும், வளர்ச்சியடைந்த நாடுகள் சிலவும் சேர்ந்து, கோபன்ஹேகனில் ஒரு சர்வதேச ஒப்பந்தத்தை உருவாக்குவதற்கான முன்னோட்டப் பேச்சுவார்த்தைகளையும் மேற்கொண்டிருந்தன.சுற்றுச்சூழலில் அக்கறை கொண்ட தன்னார்வ அமைப்புகள் பலவும், கோபன்ஹேகனில் குழுமி, ஆர்ப்பாட்டங்களை மேற்கொண்டு, "பூமண்டலம் காப்போம்; புவிவெப்பம் தணிக்க ஒப்பந்தம் நிறைவேற்று' என்று முழங்கவும் செய்தன.இந்த உச்சி மாநாட்டில் அமெரிக்காவை ஒரு சர்வதேச உடன்பாட்டை ஏற்றுச் செயல்படுத்த இசைய வைக்க வேண்டும் என்று, ஐரோப்பிய வளர்ச்சியடைந்த நாடுகள் உள்ளிட்டு ஒருமுகமான நிர்பந்தம் செலுத்தப்பட்டது. ஆனால் உச்சிமாநாட்டில் பங்கேற்ற அமெரிக்க அதிபர் பராக் ஒபாமாவோ, சட்டரீதியான கட்டுப்பாட்டை விதிக்கும் எந்த ஒப்பந்தத்தையும் ஏற்க மறுத்தார்.தனிநபர் சராசரிக் கணக்கில், இந்தியாவைப்போல் 20 மடங்கு அதிக அளவில் கரியமில வாயுவை வெளியேற்றி வரும் அமெரிக்கா, தனக்கென்று எந்தப் பொறுப்பையும் ஏற்றுக் கொள்ளாமல், வளரும் நாடுகள் - குறிப்பாக சீனாவும் இந்தியாவும் - கரியமில வாயு குறைப்பு இலக்குகளை ஏற்க வேண்டும் என்று வலியுறுத்தியது; அது மட்டுமல்ல, வளரும் நாடுகளின் இந்த நடவடிக்கைகள் சர்வதேசக் கண்காணிப்புக்கு உள்படுத்தப்பட வேண்டும் என்று வாதிட்டது.வளரும் நாடுகள் ஜி - 77 என்ற பெயரில் தங்களுக்கிடையிலான சர்வதேச ஒத்துழைப்பை அண்மைக் காலங்களில் மேற்கொண்டு வந்துள்ளன.சர்வதேச நிதி நெருக்கடியின்போது, வளர்ச்சியடைந்த நாடுகளின் நிர்பந்தங்களை எதிர்கொள்ள இந்த ஜி-77 நாடுகளின் ஒத்துழைப்புப் பெரிது பயன்பட்டது. கோபன்ஹேகன் உச்சிமாநாட்டில், அமெரிக்காவையும், வளர்ச்சியடைந்த இதர நாடுகளையும் ஒன்றிணைந்து நிர்பந்திக்க இந்த ஒற்றுமையை வளர்த்தெடுத்துச் செல்ல வேண்டிய கடமையை இன்றைய இந்திய ஆட்சியாளர்கள் முழுமையாக நிறைவேற்ற முற்படவில்லை என்பது வருத்தத்திற்குரியது. ஜி-77 நாடுகளுடன் சேர்ந்து கொண்டே சில முயற்சிகள் மேற்கொள்ளப்பட்ட போதும், பிரேசில், தென்ஆப்பிரிக்கா, இந்தியா, சீனா ஆகிய நான்கு நாடுகள் தனியாக அமெரிக்காவுடன் கருத்தொற்றுமையை எட்ட முயற்சித்தன; இது வளரும் நாடுகளின் ஒற்றுமையை ஊனப்படுத்துவதாக அமைந்தது. கியோட்டோ உடன்பாட்டுக்கு வேட்டு வைக்கிற அமெரிக்க முயற்சி வெற்றி பெறவில்லை என்பது, 2010-ம் ஆண்டில் சர்வதேச உடன்பாட்டை எட்டுவதற்கான முயற்சியை மீண்டும் தொடர்ந்து மேற்கொள்ள ஒரு வாயில் திறக்கப்பட்டுள்ளது என்பதுமே, கோபன்ஹேகன் உச்சி மாநாட்டில் 26 நாடுகள் இணைந்து ஏற்றுள்ள உடன்பாட்டின் சாதகமான அம்சங்கள். இந்த உடன்பாட்டை "கவனத்தில் கொள்வதாக' மட்டுமே உச்சி மாநாட்டில் பதிவானது.இதில் அமெரிக்கா ஏற்றுக்கொண்டுள்ள (கரியமில வாயு குறைப்புக்கான) பொறுப்பு என்பது, வளரும் நாடுகளான இந்தியா - சீனாவோ, இதர வளர்ச்சியடைந்த நாடுகளான ஐரோப்பிய யூனியன் - ஜப்பானோ ஏற்றுக்கொண்ட அளவை விடக் குறைவே என்பது ஒரு நியாயமற்ற அளவுகோல். கரியமில வாயு குறைப்பு நடவடிக்கைகள் மீதான சர்வதேசக் கண்காணிப்பு என்பதற்குப் பதிலாக, சுயவிருப்பத்தின் பேரில் சர்வதேச சமூகத்திற்கு அறிக்கை அனுப்பி வெளிப்படையாக நடவடிக்கை மேற்கொள்வதாக இந்தியா இசைந்துள்ளது. பாதிப்புக்கு இலாக்காகக் கூடிய நாடுகளுக்கு நிதி உதவியாக 2010 - 2012-ல் 3000 கோடி டாலரும், 2020-க்குள் 10000 கோடி டாலரும் திரட்டி உதவுவதாகப் பணக்கார நாடுகள் ஒப்புக் கொண்டுள்ளன. ஆனால், கடல்கோளுக்கு இலக்காகும் அழிவின் விளிம்பைத் தொட்டு நிற்கிற துவாலு என்ற குட்டித் தீவு நாடு ""30 வெள்ளிக் காசுக்கு எங்கள் எதிர்காலத்தையே காவு கேட்பதா?'' என்று வெளிப்படுத்திய குமுறல்தான் கோபன்ஹேகன் உச்சி மாநாட்டுக்குப் பின் எதிரொலித்து நிற்கிறது!

சௌர்சே< sectionname="Editorial%20Articles&artid="172660&SectionID="133&MainSectionID="133&SEO="&Title="

உற்சாகத்தோடு கூடி குழப்பம் மற்றும் தோல்வியுடன் முடிந்த கோபன்ஹேகன் மாநாடு

2009-12-20T04:14:00.000-08:00

ஞாயிற்றுக்கிழமை, டிசம்பர் 20, 2009, 12:55[IST]

கோபன்ஹேகன்: பெரும் உற்சாகத்தோடும், எதிர்பார்ப்போடும் கூடிய கோபன்ஹேகன் புவிவெப்ப மாற்ற மாநாடு பெரும் தோ்லவியில் முடிந்துள்ளது.

அமெரிக்கா மற்றும் பேசிக் எனப்படும் கூட்டமைப்பில் இடம் பெற்றுள்ள இந்தியா, சீனா, பிரேசில், தென் ஆப்பிரிக்கா ஆகிய நாடுகளுக்கு இடையே ஏற்பட்ட ஒப்பந்தத்தை வளரும் நாடுகளும், ஏழை நாடுகளும் நிராகரித்து விட்டன.

இதனால் கோபன்ஹேகன் மாநாட்டின் மூலம் எந்த உருப்படியான செய்தியும் உலகுக்குக் கிடைக்கவில்லை.

கோபன்ஹேகன் மாநாடு நேற்றுடன் முடிவடைந்தது. 192 நாடுகளைச் சேர்ந்த பல்லாயிரக்கணக்கான பிரதிநிதிகள் கூடி விவாதித்த இந்த மாநாட்டின் இறுதி நாளில் ஒப்பந்தம் ஒன்று நிறைவேற்றப்பட வேண்டியிருந்தது.

இதற்காக சில வரைவு ஒப்பந்தங்கள் முன்வைக்கப்பட்டன. ஆனால் அவை அனைத்துமே, குறிப்பாக டென்மார்க் நாடு முன்வைத்த ஒப்பந்தம் வளர்ந்த நாடுகளுக்கு மட்டுமே சாதகமாக இருந்ததால் இந்தியா உள்ளிட்ட வளரும் நாடுகள் கடுமையாக எதிர்ப்பு தெரிவித்தன.

இந்த விவகாரம் தொடர்பாக இந்தியா 2 முறையும், சீனா ஒரு முறையும், ஆப்பிரிக்க நாடுகள் ஒரு முறையும் வெளிநடப்பு செய்ததால் பரபரப்பு ஏற்பட்டது.

இதையடுத்து பிரச்சினையைத் தீர்த்து சுமூக நிலையை ஏற்படுத்த பேசிக் அமைப்பின் தலைவர்களுடன் அமெரிக்க அதிபர் ஒபாமா பேச்சுவார்த்தை நடத்தினார்.

இதில் ஒரு உடன்பாடு ஏற்பட்டது. இந்த ஒப்பந்தமே மாநாட்டின் ஒப்பந்தமாகவும் முன்வைக்கப்பட்டது. ஆனால் இந்த ஒப்பந்தத்தை வளரும் நாடுகளும், ஏழை நாடுகளும், ஆப்பிரிக்க நாடுகளும் நிராகரித்து விட்டன. இதில் வளர்ந்த நாடுகளுக்கு மட்டுமே சாதகமான அம்சங்கள் இருப்பதாக அவை கூறி விட்டன.

இருப்பினும் இந்த ஒப்பந்தம் மாநாட்டின் ஒப்பந்தமாக முன்வைக்கப்பட்டது. ஆனால் இதில் அனைத்து நாடுகளும் கையெழுத்திட்டால்தான் அது அமலுக்கு வரும் என்பதால் அது நடக்காது என்பது தெளிவாகியுள்ளதால் 2 வாரமாக கோபன்ஹேகனில் நடந்த மாநாடு பெரும் தோல்வி மாநாடாகவே கருதப்படுகிறது.

கோபன்ஹேன் ஒப்பந்தத்தில் ஏராளமான ஓட்டைகள், குறைபாடுகள் இருப்பதாக தெரிவித்துள்ளன வளரும் நாடுகள். புவிவெப்ப மாற்ற தடுப்பு நடவடிக்கைளுக்கான கால அட்டவணை இந்த ஒப்பந்தத்தில் இல்லை என்பதை அவை கசுட்டிக் காட்டியுள்ளன.

இந்த ஒப்பந்தம், நாஜிகள் நடத்திய இன அழிப்புச் செயலுக்கு சமமானது என்று ஒரு ஆப்பிக்க நாட்டுப் பிரிதிநிதி சற்று கடுமையாகவே வர்ணித்தார்.

இங்கிலாந்து பிரதமர் கார்டன் பிரவுன் லண்டனில் கூறுகையில், நாம் இன்னும் நிறையச் செய்ய வேண்டியுள்ளது. இந்த ஒப்பந்தம் போதாது என்றார்.

கோபன்ஹேகன் மாநாட்டைத் தொடர்ந்து அடுத்த ஆண்டு மத்தியில் மெக்சிகோவில் அடுத்த ஐ.நா. புவிவெப்ப மாநாடு நடைபெறவுள்ளது. அதிலாவது ஏதாவது ஏற்படுகிறதா என்று பார்க்க வேண்டும் என பல நாடுகளின் பிரதிநிதிகள் கூறியுள்ளனர்.

கியூபா, நிகாரகுவா, வெனிசூலா, பொலிவியா ஆகிய நாடுகள் இந்த ஒப்பந்தத்தை ஜனநாயக விரோதமானு என்று வர்ணித்துள்ளன.

முன்னதாக சனிக்கிழமை காலை மாநாட்டின் இறுதி நிகழ்வாக அமெரிக்கா மற்றும் பேசிக் கூட்டமைப்புக்கு இடையே ஏற்பட்ட ஒப்பந்தம் மாநாட்டு ஒப்பந்தமாக முன்வைக்கப்பட்டது.

இதை ஐ.நா. புவிவெப்ப தடுப்பு கோபன்ஹேகன் மாநாட்டுத் தீர்மானமாக அங்கீகரிப்பதாக அப்போது தெரிவிக்கப்பட்டது.

இருப்பினும் இதை அனைவரும் ஏற்றுக் கொண்டதாக அர்த்தம் வந்து விடக் கூடாது என்பதற்காக மாநாட்டில் பங்கேற்ற நாடுகளின் பிரதிநிதிகள், இந்த கோபன்ஹேகன் ஒப்பந்தத்தை கவனத்தில் கொண்டதாக அறிவிப்பதாக தெரிவிக்கப்பட்டது.

மாநாடு குறித்து மாநாட்டுத் தலைவரும் டென்மார்க் பிரதமருமான ரஸ்முஸன் கூறுகையில், எனக்கு திருப்தியாக உள்ளது. ஒரு முடிவை நாம் சாதித்துள்ளோம். அடுத்து நாடுகள் அதில் கையெழுத்திட வேண்டும். அவ்வாறு அவர்கள் செய்தால் இந்த ஒப்பந்தத்தை ஏற்றுக் கொண்டதாக அர்த்தமாகும். அதன் பின்னர் இது அமலுக்கு வரும் என்றார்.

சௌர்சே> http://thatstamil.oneindia.in/news/2009/12/20/a-copenhagen-accord-it-is.html

முக்கிய இலக்குகள் எட்டப்படவில்லை - கோபன்ஹேகன் மாநாடு தோல்வி!

2009-12-19T22:25:00.000-08:00

சனிக்கிழமை, டிசம்பர் 19, 2009, 9:03[IST]

கோபன்ஹேகன்: கோபன்ஹேகனில் நடந்த ஐ.நா. புவிவெப்ப மாற்றத் தடுப்பு குறித்த உச்சிமாநாடு , முக்கிய இலக்குகளை எட்டாமல், சொதப்பலாகியுள்ளது.

வளரும் நாடுகள், ஏழை நாடுகளின் பல எதிர்பார்ப்புகள் இதில் பூர்த்தியாகவில்லை.

இந்த மாநாட்டில் மொத்தம் எட்டு வரைவுத் தீர்மானங்கள் முன்வைக்கப்பட்டன. இவை அனைத்தும் அமெரிக்க அதிபர் பாரக் ஒபாமா மற்றும் பேசிக் அமைப்பில் இடம் பெற்றுள்ள இந்தியா, சீனா, பிரேசில், தென் ஆப்பிரிக்கத் தலைவர்கள் முன்பு நேற்று இறுதி பரிசீலனைக்கு வைக்கப்பட்டன.

பேசிக் அமைப்பை திருப்திப்படுத்தி உடன்பாட்டை ஏற்படுத்தும் பொறுப்பு ஒபாமாவிடம் ஒப்படைக்கப்பட்டது.

பிரதமர் மன்மோகன் சிங், சீனப் பிரதமர் வென் ஜியாபோ மற்றும் பிரேசில், தென் ஆப்பிரிக்க தலைவர்களுடன் நேற்று பகல் முழுவதும் ஒபாமா தீவிர ஆலோசனை நடத்தினார். இந்த ஆலோசனையின் இறுதியில், இந்தியா, சீனா, பிரேசில், தென் ஆப்பிரிக்கா மற்றும் அமெரிக்காவுக்கு இடையே உடன்பாடு எட்டப்பட்டது.

இந்த ஒப்பந்தமே கோபன்ஹேகன் மாநாட்டின் பிரகடனமாக அறிவிக்கப்படுகிறது. இருப்பினும் இந்த ஒப்பந்தம் வளரும் நாடுகளின் பெரும்பாலான எதிர்பார்ப்புகளை நிறைவேற்றுவதாக அமையவில்லை. இதனால் கோபன்ஹேகன் மாநாடு நிச்சயம் தோல்விதான் என்று வளரும் நாடுகள் தெரிவித்துள்ளன.

பூமியின் வெப்ப நிலையை, 2 சென்டிகிரேடுக்கு மேல் அதிகரிக்காமல் பார்த்துக் கொள்ள வேண்டும் என்று ஒப்பந்தத்தில் முக்கியமாக கூறப்பட்டுள்ளது. அதேசமயம், இந்த இலக்கை எட்டத் தேவையான புகை மாசுக் கட்டுப்பாடு, குறைக்கும் அளவு குறித்து எந்தவித உத்தரவாதமும், இலக்கும் ஒப்பந்தத்தில் இடம் பெறவில்லை.

மேலும், ஏழை நாடுகள் புவிவெப்ப மாற்றத்திற்கேற்ப தங்களை மாற்றிக் கொள்வதற்கு வசதியாக அடுத்த ஆண்டிலிருந்து 2012ம் ஆண்டு வரை 30 பில்லியன் டாலர் நிதியுதவி அளிக்கப்படும். அதேபோல 2020ம் ஆண்டுக்குப் பின்னர் 100 பில்லியன் டாலர் நிதியுதவி அளிக்கப்படும்.

2050ம் ஆண்டுக்குள் உலகின் புகை மாசு அளவினை 80 சதவீதமாக குறைக்க வேண்டும் என்ற முந்தைய கோரிக்கை இந்த ஒப்பந்தத்தில் கைவிடப்பட்டுள்ளது.

வன அழிப்பைத் தடுக்க ஏழை மற்றும் வளரும் நாடுகளுக்கு நிதியுதவி செய்ய தனியாக ஒரு ஒப்பந்தம் ஏற்படுத்தப்பட்டுள்ளது.

அதேசமயம், அமெரிக்கா உள்ளிட்ட நாடுகள் கோரி வந்த , வளரும் நாடுகளில் புகை மாசுக் குறைப்பு நடவடிக்கைளை பரிசோதிக்க வேண்டும் என்ற கோரிக்கை கைவிடப்பட்டுள்ளது.

இந்த ஒப்பந்தம் குறித்து அமெரிக்க அதிபர் ஒபாமா கூறுகையில், இது அர்த்தப்பூர்வமான ஒப்பந்தம். ஆனால் இந்த முன்னேற்றம் போதாது. இருப்பினும் நீண்ட தூரம் வந்து விட்டோம். மேலும் நிறைய தூரம் போக வேண்டியுள்ளது.

இந்த ஒப்பந்தம் அனைவருக்கும் பூரண திருப்தியைத் தரவில்லை. அதேசமயம், இது வரலாற்றுச் சிறப்பு வாய்ந்த நடவடிக்கை. நிச்சயம் இதன் அடிப்படையில் எதிர்காலத்தில் மிகச் சிறந்த ஒப்பந்தம், நடவடிக்கைகள் அமையலாம்.

சில நாடுகள் (சீனாவைக் குறிப்பிட்டுச் சொன்னதாக கூறப்படுகிறது) தங்களது நிலையிலிருந்து இறங்கி வராமல் பிடிவாதம் செய்ததால்தான் ஒப்பந்தத்தின் பலம் கூட வாய்ப்பில்லாமல் போனது என்றார்.

அமெரிக்காவுக்கும், பேசிக் அமைப்புக்கும் இடையே ஏற்பட்டுள்ள இந்த ஒப்பந்தத்தை மாநாட்டில் கலந்து கொண்டுள்ள அனைத்து 192 நாடுகளும் ஏற்றுக் கொள்ளுமா என்பது தெரியவி்ல்லை.

இப்படி பல ஓட்டைகளும், சில உடைசல்களுமாக கோபன்ஹேகன் ஒப்பந்தம் உருவாகியுள்ளது. அடுத்து வனப் பாதுகாப்பு, தொழில்நுட்ப பரிமாற்றம், நிதியுதவி உள்ளிட்டவை குறித்து தனித் தனியாக விவாதிக்கப்பட வேண்டியுள்ளது. இதற்குப் பல ஆண்டுகள் பிடிக்கும் என எதிர்பார்க்கப்படுகிறது.

இந்த ஒப்பந்தம் குறித்து வளரும் நாடுகளின் கூட்டமைப்பான ஜி-77 அமைப்பின் தலைவரான லுமும்பா டி அபிங் கூறுகையில், இந்த ஒப்பந்தம் நிச்சயம் ஆப்பிரிக்கா மற்றும் சிறிய தீவு நாடுகளில் பேரிழப்பை ஏற்படுத்தும் என்பதில் சந்தேகம் இல்லை. நாம் கற்பனை செய்து பார்த்ததை விட மிகக் குறைந்த அளவிலான எதிர்பார்ப்பையே இது பூர்த்தி செய்துள்ளது.

பல நாடுகளை இந்த ஒப்பந்தம் நிரந்தரமாக ஏழைகளாகவே வைத்திருக்க வகை செய்யும். ஒபாமாவுக்கும், புஷ்ஷுக்கும் வேறுபாடுகள் இல்லை என்பதையே இந்த ஒப்பந்தம் காட்டுகிறது என்று குறை கூறியுள்ளார்.

அமெரிக்கா திரும்புகிறார் ஒபாமா..

ஒப்பந்தம் மாநாட்டின் இறுதிக் கூட்டத்தில் ஓட்டெடுப்புக்கு விடப்படவுள்ளது. இருப்பினும் இதில் தான் பங்கேற்கப் போவதில்லை என்றும் கோபன்ஹேகன் தட்பவெப்ப நிலை தனக்கு ஒத்துவராததால், வாஷிங்டன் திரும்புவதாகவும் ஒபாமா கூறியுள்ளார்.

மேலும், கோபன்ஹேகன் தீர்மானம் அமெரிக்காவை எந்தவிதத்திலும் சட்டப்பூர்வமாக கட்டுப்படுத்தாது என்றுதெரிவித்த ஒபாமா புகை மாசுக் குறைப்பு தொடர்பாக அமெரிக்க அளித்த உத்தரவாதத்தை அது நிச்சயம் கடைப்பிடிக்கும் என்றும் கூறினார்.

இந்தியா கிளம்பினார் மன்மோகன்:

இந்த நிலையில், புவிவெப்ப மாற்றத் தடுப்பு தொடர்பாக அமெரிக்காவுடன் ஏற்பட்ட ஒப்பந்தத்தைத் தொடர்ந்து பிரதமர் மன்மோகன் சிங் இந்தியாவுக்குப் புறப்பட்டார்.

முன்னதாக மாநாட்டில் அவர் பேசுகையில், இனி வரும் பேச்சுவார்த்தைகள் கியோட்யோ பிரகடனம் மற்றும் பாலி பேச்சுவார்த்தை ஆகியவற்றை அடிப்படையாக கொண்டு அமைய வேண்டும்.

தற்போது நம் முன் உள்ளது மிகக் கடினமான பணியாகும். இதில் ஆக்கப்பூர்வமான முடிவு ஏற்படும் என நம்புகிறேன். அனைவருக்கும் ஒத்துவரக் கூடிய உடன்பாட்டை நாம் எட்ட வேண்டும் என்றார் அவர்.

அமெரிக்க அதிபருடன் ஒப்பந்தம் ஏற்பட்டது குறித்து அவர் கருத்து தெரிவிக்கையில், 'பேசிக்' கூட்டணி சிறப்பான முறையில் செயல்பட்டுள்ளது மகிழ்ச்சி தருகிறது. இந்தக் கூட்டணி வெற்றி பெற்றுள்ளது. இந்த ஒப்பந்தம் இந்தியாவுக்கு மட்டுமல்லாமல், 'பேசிக்' கூட்டணிக்கும் சிறந்ததாகும். புவிவெப்ப மாற்றப் பிரச்சினை மட்டுமல்லாமல் பிற பிரச்சினைகளிலும் பேசிக் கூட்டணி இணைந்து இணக்கமாக செயல்படும் என்றார் அவர்.

பிரதமர் இந்தியாவுக்குக் கிளம்பிய போதிலும், அவரது சிறப்புத் தூதுவரான ஷியாம் சரண் கோபன்ஹேகனிலேயேதான் உள்ளார். ஒப்பந்தத்தை மேலும் துல்லியமாக்க அவர் உதவுவார் என்று தெரிவிக்கப்பட்டுள்ளது.

சௌர்சே> வ்வ்வ்.தட்ஸ்தமிழ்.com

கோபன்ஹேகன்: அடுத்தடுத்து திருப்பம்- வெளிநடப்பு செய்து திரும்பி வந்த மன்மோகன் சிங்-சீனா பிரதமர்

2009-12-18T07:58:00.000-08:00

வெள்ளிக்கிழமை, டிசம்பர் 18, 2009, 15:29[IST]

கோபன்ஹேகன்: வளர்ந்த நாடுகளுக்கு சாதகமான முறையில் முன்வைக்கப்பட்ட தீர்மானத்திற்கு எதிர்ப்பு தெரிவித்து கோபன்ஹேகன் மாநாட்டிலிருந்து வெளிநடப்பு செய்த இந்தியா , சீனா உள்ளிட்ட பேசிக் அமைப்பின் நாடுகள் தனியாக ஒரு கூட்டத்தை நடத்தின. பின்னர் அவர்கள் மீண்டும் கூட்டத்தில் கலந்து கொண்டனர்.

கோபன்ஹேகன் மாநாடு பெரும் பரபரப்பாகியுள்ளது

கோபன்ஹேகன் மாநாட்டின் தீர்மானம் தொடர்பாக நேற்று இரவு இந்தியா உள்ளிட்ட 28 நாடுகளின் தலைவர்கள் கூடி தீவிரமாக ஆலோசனை மேற்கொண்டனர். இன்று காலை வரை இந்த ஆலோசனைக் கூட்டம் நீடித்தது.

அதன் பின்னர் இந்தத் தலைவர்களின் பிரதிநிதிகள், மாநாட்டுத் தலைவரும் டென்மார்க் பிரதமருமான ரஸ்முஸனை சந்தித்தனர். அதன் பின்னர் மாநாட்டுத் தீர்மானம் தயாராகி விட்டதாகவும், விரைவில் இதை டென்மார்க் சமர்ப்பிக்கும் என்றும் அறிவிப்பு வெளியானது.

ஆனால் இதற்கு இந்தியா உள்ளிட்ட வளரும் நாடுகள் கடும் ஆட்சேபனை தெரிவித்தன.

இந்தியா மற்றும் வளரும் நாடுகளின் கூட்டமைப்பான ஜி-77 ஆகியவை இந்த தீர்மானம் மிகப் பெரிய டிராமா என்று வர்ணித்துள்ளன.

கடும் கோபத்தை முகத்தில் காட்டியபடி மத்திய சுற்றுச்சூழல் இணை அமைச்சர் ஜெய்ராம் ரமேஷ் கூறுகையில் மிகப் பெரிய டிராமாவை அரங்கேற்றியுள்ளதாக கருதுகிறோம். அனைவருடனும் ஆலோசனை நடத்தினோம் என்று கணக்கு காட்டுவதற்காகவே இந்த ஆலோசனைக் கூட்டம் நடந்ததாக கருதுகிறோம்.

பேசிக் அமைப்பின் (இந்தியா, சீனா, பிரேசில், தென் ஆப்பிரிக்கா) கூட்டத்தைக் கூட்டியுள்ளோம். அதில் அடுத்த கட்ட நடவடிக்கை குறித்து விவாதிப்போம்.

ஏற்கனவே டென்மார்க் சமர்ப்பித்த வரைவுத் தீர்மானத்தைத்தான் உரு மாற்றி புதிய தீர்மானமாக காட்டுகின்றனர். ஒரு மணி நேரத்தில் எப்படி இவ்வளவு பெரிய தீர்மானத்தை உருவாக்க முடியும். இது மிகப் பெரும் மர்மமாக உள்ளது.

யாரிடமிருந்தோ தீர்மானத்தைப் பெற்று புதிய தீர்மானமாக காட்ட முயல்வதாக கருதுகிறோம் என்றார்.

ஜி-77 அமைப்பின் இணைத் தலைவரான லுமும்பா ஸ்டானிஸ்லாஸ் டி அபிங் கூறுகையில், இது பெரிய நாடகம். டென்மார்க் கொடுத்த வரைவுத் தீர்மானத்தை அப்படியே மாற்றிக் காட்டுகின்றனர். திட்டமிட்டு ஒரு நாடகத்தை அரங்கேற்றி ஏமாற்றப் பார்க்கிறார்கள் என்றார்.

'பேசிக்' கூட்டம்...

இந்த நிலையில் இன்று பேசிக் எனப்படும் இந்தியா, சீனா, பிரேசில், தென் ஆப்பிரிக்கக் கூட்டமைப்பு தீர்மானம் குறித்து விவாதித்தது.

முன்னதாக இன்று காலை பிரதமர் மன்மோகன் சிங்கும், சீன பிரதமர் வென் ஜியாபோவும் சந்தித்து இதுகுறித்து முக்கிய ஆலோசனை நடத்தினர். இந்தக் கூட்டத்தில், தீர்மானத்தின் அம்சங்கள் வளரும் நாடுகளுக்கு சாதகமாக இல்லை என்ற கருத்தொற்றுமை எட்டப்பட்டது.

இதைத் தொடர்ந்து கூட்டத்தில் பங்கேற்ற இரு தலைவர்களும், மாநாட்டிலிருந்து வெளிநடப்பு செய்வதாக அறிவித்து வெளியேறினர்.

இதனால் கூட்டத்தில் பெரும் பரபரப்பு ஏற்பட்டது. இந்தியா, சீனா தவிர, பேசிக் அமைப்பில் இடம் பெற்றுள்ள பிரேசில், தென் ஆப்பிரிக்கா ஆகியவையும் வெளிநடப்பு செய்தன.

பின்னர் இந்த நான்கு நாடுகளின் தலைவர்களும் தனியாக கூடி ஆலோசித்தனர். இதனால் மேலும் பரபரப்பு கூடியது. இந்தக் கூட்டத்திற்குப் பின்னர் நான்கு நாடுகளின் தலைவர்களும் மீண்டும் கூட்டத்தில் கலந்து கொள்ள முடிவு செய்து அரங்குக்குத் திரும்பினர்.

எதில் சிக்கல்...?:

புகை மாசுக் கட்டுப்பாட்டு குறித்துதான் இந்தியா, சீனா கடும் எதிர்ப்பு தெரிவித்துள்ளன.

இந்த விவகாரத்தில் இந்தியாவும், சீனாவும் மட்டுமல்லாமல் அமெரிக்காவும் பிடிவாதத்துடன் காணப்படுவதாக சுவிட்சர்லாந்து சுற்றுச்சூழல் அமைச்சர் ஆன்ட்ரியாஸ் கார்ல்கிரென் தெரிவித்தார்.

இதுகுறித்து அவர் கூறுகையில், 110 உலகத் தலைவர்களின் மாநாடு தொடங்குவதற்கு முன்பாக தீர்மானத்தை இறுதி செய்ய தீர்மானித்தோம். ஆனால் முடியவி்ல்லை.

தற்போது உலகத் தலைவர்கள்தான் இதுகுறித்து தீர்மானிக்க வேண்டும். சீனாவும், அமெரிக்காவும்தான் இழுபறிக்கு முக்கியக் காரணம் என்றார் அவர்.

சென்னை மேயர் சைக்கிளில் ரவுண்டு...

இதற்கிடையே கோபன்ஹேகன் மாநாட்டில் கலந்து கொள்வதற்காக அங்கு சென்றுள்ள சென்னை மாநகராட்சி மேயர் மா.சுப்ரமணியன், சைக்கிளில் நகரை வலம் வந்தார்.

கோபன்ஹேகன் மாநாட்டில் கலந்து கொள்ள, சென்னை மற்றும் டெல்லி மேயர்களுக்கு அழைப்பு வந்தது. அதில் சென்னை மேயர் மா.சுப்ரமணியன் மட்டும் கலந்து கொண்டார்.

கடல்நீரை குடிநீராக மாற்றி பயன்படுத்துதல், கழிவுநீரை எரிவாயுவாக மாற்றி அந்நாட்டு மக்கள் பயன்படுத்துவது ஆகியவற்றை மேயர் நேரில் பார்வையிட்டார்.

சௌர்சே> http://thatstamil.oneindia.in/news/2009/12/18/climate-draft-ready-india-suspects.html

கோபன்ஹேகனில் வன்முறை!-கண்ணீர் புகை குண்டு வீச்சு!!

2009-12-16T19:47:00.000-08:00

புதன்கிழமை, டிசம்பர் 16, 2009, 16:47[IST]

கோபன்ஹேகன்: கோபன்ஹேகனில் புவிவெப்ப மாற்ற தடுப்பு மாநாட்டு அரங்கம் நோக்கி ஊர்வலமாக செல்ல முயன்றவர்களை போலீஸார் கண்ணீர்ப் புகை குண்டுகளை வீசிக் கலைத்தனர். வன்முறை யில் ஈடுபட்ட 100 பேர் கைது செய்யப்பட்டனர்.

இதுகுறித்து போலீஸ் செய்தித் தொடர்பாளர் கூறுகையில், பெல்லா சென்டர் ரயில் நிலையம் அருகே பேரணியாக கிளம்பியவர்கள் கைது செய்யப்பட்டனர். பலர் கலைய மறுத்ததால் கண்ணீர்ப் புகை குண்டுகள் வீசப்பட்டன.

போலீஸாரின் நாய்ப்படையும் இந்தப் பணியில் பயன்படுத்தப்பட்டது. கிட்டத்தட்ட 100 பேர் கைது செய்யப்பட்டனர் என்றார்.

இந்த பல்லா சென்டரில்தான் புவிவெப்ப தடுப்பு மாநாடு நடந்து வருகிறது என்பது குறிப்பிடத்தக்கது.

முன்னதாக பேரணியில் கலந்து கொள்ள வந்தவர்கள், புவிவெப்ப மாற்றத்தால் அதிகம் பாதிக்கப்பட்டவர்கள் குறித்து மாநாடு அதிகம் கவலைப்படாமல் தேவையில்லாதவை குறித்து அதிகம் பேசி வருவதாக குற்றம் சாட்டினர்.

மேலும், ஆயிரக்கணக்கான சுற்றுச்சூழலியாளர்கள் இந்த மாநாட்டில் கலந்து கொள்ள அனுமதிக்கப்படவில்லை என்றும் அவர்கள் குற்றம் சாட்டினர்.

முன்னதாக கோபன்ஹேகனுக்கு வெளியே உள்ள தார்ன்பி என்ற புறநகர்ப் பகுதியிலிருந்து ஊர்வலமாக அவர்கள் கிளம்பினர். கிளைமேட் ஜஸ்டிஸ் ஆக்ஷன் என்ற அமைப்பு இந்த பேரணிக்கு ஏற்பாடு செய்திருந்தது. கிட்டத்தட்ட 1000 பேர் வரை இதற்காக கூடியிருந்தனர்.

சௌர்சே> http://thatstamil.oneindia.in/news/2009/12/16/copenhagen-police-arrest-100-prote.html

கோபன்ஹேகன் மாநாடு கிளப்பும் 46,200 டன் கார்பன் டை ஆக்சைடு!

2009-12-16T03:39:00.000-08:00

புதன்கிழமை, டிசம்பர் 16, 2009, 15:48[IST]

கோபன்ஹேகன்: புவிவெப்ப மாற்றத் தடுப்பு தொடர்பாக இதற்கு முன்பு நடந்த மாநாடு கள் மூலம் வெளியான கார்பன் டை ஆக்சைடு அளவை விட தற்போதைய கோபன்ஹேகன் மாநாட்டால் 46,200 டன் புகை மாசு உருவாக்கப்படுவதாக ஆய்வு ஒன்று தெரிவித்துள்ளது.

இது 6,60,000 எத்தியோப்பியர்கள் ஒரு ஆண்டில் ஏற்படுத்தும் புகை மாசுக்கு சமமாம்.

உலகம் முழுவதுமிருந்து பத்திரிக்கையாளர்கள், பிரதிநிதிகள், பேச்சாளர்கள், பல்வேறு அமைப்பினர், பார்வையாளர்கள் என கிட்டத்தட்ட 200 நாடுகளைச் சேர்ந்தவர்கள் கோபன்ஹேகனில் குழுமியுள்ளனர். டிசம்பர் 7ம் தேதி தொடங்கிய இந்த மாநாடு 18ம் தேதி வரை நடைபெறுகிறது.

இவர்களின் வருகையால் ஏகப்பட்ட விமானங்கள் கோபன்ஹேகன் நகருக்கு வந்தவண்ணம் உள்ளன. இந்த விமானங்கள் எழுப்பும் புகைதான் மேற்கண்ட புள்ளி விவரம்.

இந்தப் புகையைக் கொண்டு 10 ஆயிரம் ஒலிம்பிக் நீச்சல் குளங்களை நிரப்ப முடியும். ஆண்டுக்கு 2300 அமெரிக்கர்கள் வெளிப்படுத்தும் புகை மாசுவுக்கு இது சமம் என்கிறார்கள் நிபுணர்கள்.

மாநாட்டின் மூலம் கிட்டத்தட்ட 5,700 டன் புகை மாசு வெளிப்படுமாம். இதுதவிர விமானங்களின் போக்குவரத்தின் மூலம் 40,500 டன் புகை மாசு வெளியாகிறதாம்.

இந்த ஆய்வை மேற்கொண்ட டிலோலைட் என்ற நிறுவனத்தின் ஆலோசகரான ஸ்டைன் பல்ஸ்லேவ் கூறுகையில், கியோட்டா மாநாட்டில் இந்த அளவுக்கு கார்பன் டை ஆக்சைடு வெளியாகவில்லை. ஆனால் இந்த முறை மிகப் பெரிய அளவில் மக்கள் கூடியுள்ளதால் புகை மாசின் அளவு அதிகமாக உள்ளது.

ஒரு நாளைக்கு குறைந்தது 18,000 பேர் மாநாட்டில் பங்கேற்கின்றனர். எனவே கார்பன் மாசின் அளவும் அதிகமாக உள்ளது.

இது தொடக்க கட்ட புள்ளி விவரம்தான். மாநாட்டின் நிறைவில் இது மேலும் அதிகரிக்கவும் வாய்ப்பு உள்ளது.

நாங்கள் மேற்கொண்ட புகை மாசு ஆய்வின்போது, தங்குமிடங்களிலிருந்து வெளியாகும் புகை மாசு, உள்ளூர் போக்குவரத்தால் ஏற்படும் மாசு, மின்சாரம், மாநாட்டு அரங்கத்தை வெம்மையாக வைத்திருக்க செய்யப்படும் சூடுபடுத்தும் ஏற்பாடு, காகிதங்கள், பாதுகாப்பு, சரக்குப் போக்குவரத்து, கம்ப்யூட்டர்கள், சமையலறைகள், போட்டோ காப்பியர்கள், பிரின்டர்கள் உள்ளிட்டவற்றால் ஏற்படும் மாசு ஆகியவற்றைக் கணக்கில் கொண்டோம்.

கோபன்ஹேகனில் தற்போது வெளியாகும் பசுமை இல்ல வாயுக்களில் 23 சதவீதம் தங்குமிடத்திலிருந்துதான் வருகிறது. போக்குவரத்தின் பங்கு 7 சதவீதமாகும். 70 சதவீதம் மாநாட்டு அரங்குக்குள்ளிருந்து வருகிறது என்றார் பல்ஸ்லேவ்.

புகையைத் தடுக்கக் கூடியுள்ள மாநாட்டின் மூலம் இவ்வளவு புகையா...??

தமிழ்நாடு மின்சார வாரியம் 3 ஆக பிரிப்பு: தனியார் வசமாகாது

2009-12-14T09:28:00.000-08:00

திங்கள்கிழமை, டிசம்பர் 14, 2009, 15:30[IST]

சென்னை: தமிழ்நாடு மின்சார வாரியம் மூன்று பிரிவுகளாகப் பிரிக்கப்பட்டுள்ளது. அதே நேரத்தில் மின்சார வாரியம் எக்காரணம் கொண்டும் தனியார்வசம் ஒப்படைக்கப்படாது என்று முதல்வர் கருணாநிதி அறிவித்துள்ளார்.

தமிழ்நாடு மின்சார வாரியமானது தமிழ்நாடு மின் தொடர் அமைப்புக் கழகம் (Tamil NaduTransmission Corporation), மற்றும் தமிழ்நாடு மின் உற்பத்தி மற்றும் பகிர்மானக் கழகம் (Tamil Nadu Generation and Distribution Corporation) மற்றும் தமிழ்நாடு மின்சார வாரியம் (TNEB Ltd) என மூன்று பிரிவுகளாகப் பிரிக்கப்பட்டுள்ளது.

இந்த அமைப்புகளை முதல்வர் கருணாநிதி இன்று கோட்டையில் தொடங்கி வைத்தார். பின்னர் அவர் பேசுகையில்,

தமிழ்நாடு மின் வாரியம் 1957ம் ஆண்டில் உருவாக்கப்பட்டு 2007ல் பொன்விழா கண்டுள்ளது. இன்றைக்கு தமிழகத்தில் மின்வசதி பெறுவோர் எண்ணிக்கை 2 கோடியே 3 இலட்சத்து 87 ஆயிரமாகவும்; மின்உற்பத்தி நிறுவு திறன் 10 ஆயிரத்து 214 மெகாவாட் ஆகவும் உள்ளது.

இந்த வாரியம் மேலும் செம்மையாகச் செயலாற்றி; மின் உற்பத்தி மற்றும் மின் விநியோகத்தைப் பொதுமக்களின் தேவைக்கேற்ப வழங்குவதற்கு ஏதுவாக, மத்திய அரசு 2003ல் பிறப்பித்த சட்டத்தின் படி தமிழ்நாடு மின்சார வாரியத்தை, தமிழ்நாடு மின்சார வாரிய நிறுவனம், தமிழ்நாடு மின் தொடரமைப்புக் கழகம், தமிழ்நாடு மின்உற்பத்தி மற்றும் பகிர்மான கழகம் என 3 அமைப்புகளாகப் பிரிக்க வேண்டிய அவசியம் ஏற்பட்டுள்ளது.

அதன்படி, தமிழ்நாடு மின்தொடரமைப்புக் கழகத்தை இன்று தொடங்கி வைப்பதில் நான் மகிழ்ச்சி அடைகின்றேன்.

தமிழகத்தின் மின்தேவை நாளுக்கு நாள் அதிகரித்து வருகிறது. தொழில் வளர்ச்சிக்குத் தேவைப்படும் கூடுதல் மின்சாரம், விவசாயிகளுக்குத் தேவையான இலவச மின்சாரம் ஆகியவற்றை வழங்குவதிலும் தமிழகம் சிறப்பாகச் செயல்பட்டு வருவதால் மின் உற்பத்தியைத் தொடர்ந்து அதிகரிக்க வேண்டியதில் கவனம் செலுத்துவது மாநில அரசிற்குக் கடமையாகிறது.

கடந்த கால ஆட்சியில் இந்தக் கடமையைச் சரியாக நிறைவேற்றாததன் காரணமாகத் தற்போது தமிழகத்தில் மின் பற்றாக்குறை ஏற்பட்டு, அதைச்சரி செய்வதற்காக வெளி மாநிலங்களில் இருந்தும், மையத் தொகுப்பில் இருந்தும் பெரும் செலவில் மின்சாரம் வாங்க வேண்டிய ஒரு கட்டாயச் சூழ்நிலை ஏற்பட்டுள்ளது.

இந்த நிலையை மாற்றுவதற்காக 2006ம் ஆண்டில் இந்த அரசு பொறுப்பேற்றபின், தற்போது உற்பத்தியாகும் 10 ஆயிரத்து 214 மெகாவாட் மின்சாரத்தை 15 ஆயிரத்து 152 மெகாவாட்டாக உயர்த்திடத்திட்டமிடப்பட்டது.

இதற்காக வடசென்னை அனல் மின் நிலையத்தில் 1,200 மெகாவாட் மின் உற்பத்திக்கும்; மேலும் அதே வட சென்னையில், தேசிய அனல் மின் நிலையத் கழகத்துடன் இணைந்து 1,500 மெகாவாட் மின் உற்பத்திக்கும்;

மேட்டூர் அனல் மின் நிலையத்தில் கூடுதலாக 600 மெகாவாட் மின் உற்பத்திக்கும்; நெய்வேலி பழுப்பு நிலக்கரி நிறுவனத்துடன் இணைந்து 1,000 மெகாவாட் மின் உற்பத்திக்கும்;

உடன்குடியில் பாரத மிகுமின் நிலையத்துடன் இணைந்து 1,600 மெகாவாட் மின் உற்பத்திக்கும் என மொத்தம் 5 ஆயிரத்து 900 மெகாவாட் மின் உற்பத்தி செய்திடப் புதிய மின் திட்டங்களுக்கு இந்த அரசு அனுமதி அளித்து, அதற்கான பணிகள் எல்லாம் தொடர்ந்து நடைபெற்று வருவதால் இந்த திட்டங்கள் எல்லாம் 2012 இறுதியில் முடிவடையும்.

அப்பொழுது, நமது மின் உற்பத்தி 15 ஆயிரத்து 152 மெகாவாட்டாக உயரும்.

இது நமது வருங்காலத் தேவையையும் கருத்தில் கொண்டு இந்த அரசினால் உருவாக்கப்பட்டுள்ள மின் திட்டங்கள் ஆகும்.

இந்த மின் திட்டங்களுடைய பணிகளை மேற்பார்வையிடுவதற்கும், இதன்மூலம் கிடைக்கும் மின்சாரத்தைச் சரியான முறையில் பகிர்ந்தளிப் பதற்கும் இப்போது புதிதாக ஏற்படுத்துகின்ற இந்த கழகங்கள் பயன்படும்.

ஏற்கனவே அறிவித்தவாறு, தமிழகத்தைப் பொறுத்தவரை மின் வாரியம் எந்தக் காரணத்தைக் கொண்டும் தனியார் வசம் ஒப்படைக்கப்பட மாட்டாது. இந்தப் புதிய மின் உற்பத்திக் கழகங்களை ஏற்படுத்துவதன் காரணமாக, பணியாளர்களுக்கும் அலுவலர்களுக்கும் எவ்வித பாதிப்பும் ஏற்படாது என்பதைத் தெரிவித்துக் கொள்கிறேன்.

இந்த மூன்று நிறுவனங்களும், தமிழ்நாடு மின்சார வாரியத் தலைவர் தலைமையிலேயே தொடர்ந்து இயங்கும். இந்த மூன்று நிறுவனங்களிலும் உள்ள தொழிலாளர்கள், அலுவலர்கள் தங்களது விருப்பப்படி, எந்த நிறுவனத்தில் பணி புரிய வேண்டும் என்பதை அவர்களே முடிவு செய்து கொள்ளலாம்.

மேலும் இந்த மூன்று நிறுவனங்களிலும் பணி புரியும் தொழிலாளர்கள் மற்றும் அலுவலர்கள் இப்போது அடைந்து வரும் அனைத்துச் சலுகைகளையும் தொடர்ந்து பெறுவார்கள்.

இன்று தொடங்கப்படும் தமிழ்நாடு மின்தொடர் அமைப்புக்கழகம் தமிழகத்தில் சிறப்பான மின் விநியோகத்திற்கு உதவிட என் நல்வாழ்த்துகளை உரித்தாக்குகிறேன் என்றார் கருணாநிதி.

புவிவெப்ப மாற்றம், சுற்றுச்சூழல் சீரழிவால் 100 கோடி பேர் இடம் பெயரும் அபாயம்

2009-12-09T10:05:00.000-08:00

புதன்கிழமை, டிசம்பர் 9, 2009, 17:13

கோபன்ஹேகன்: புவிவெப்ப மாற்றம் மற்றும் சுற்றுச்சூழல் சீரழிவு காரணமாக அடுத்த நாற்பது ஆண்டுகளில் தென் கிழக்கு ஆசியா, மத்திய அமெரிக்கா [^], மேற்கு ஆப்பிரிக்காவின் சில பகுதிகள் ஆகியவற்றிலிருந்து கிட்டத்தட்ட 100 கோடி மக்கள் [^] வேறு பகுதிக்கு இடம் பெயரும் நிலை ஏற்படும் சர்வதேச இடப் பெயர்ச்சிக்கான கழகம் தெரிவித்துள்ளது.

இதுது தொடர்பாக அந்தக் கழகம் தாக்கல் செய்துள்ள அறிக்கையில், 2050ம் ஆண்டுக்குள் புவிவெப்ப மாற்றம் காரணமாக 2.5 கோடி முதல் 100 கோடி பேர் வரை இடம் பெயரும் நிலைமை ஏற்படும்.

ஆப்கானிஸ்தான், வங்கதேசம், மத்திய அமெரிக்காவின் பெரும்பாலான பகுதிகள், மேற்கு ஆப்பிரிக்காவின் பல பகுதிகளைச் சேர்ந்த மக்கள் பெருமளவில் இடம் பெயருவார்கள்.

புவிவெப்ப மாற்றம் மட்டுமல்லாமல் சுற்றுச்சூழல் சீரழிவும் கூட மக்களின் இடப் பெயர்ச்சிக்கு முக்கிய காரணமாக அமையும்.

2008ம் ஆண்டு திடீர் சுற்றுச்சூழல் சீரழிவுகள் காரணமாக 2 கோடி பேர் வீடுகளை இழக்க நேரிட்டது. இது வரும் காலத்தில் பல மடங்கு அதிகரிக்கும் அபாயம் உள்ளது.

கோபன்ஹேகன் மாநாட்டின் ஒரு பகுதியாக இந்த அறிக்கை வெளியிடப்பட்டது.

கோபன்ஹேகன்: டென்மார்க் போட்ட குண்டு- வளரும் நாடுகள் கொந்தளிப்பு

2009-12-09T10:02:00.001-08:00

புதன்கிழமை, டிசம்பர் 9, 2009, 10:31

கோபன்ஹேகன்: கோபன்ஹேகன் புவிவெப்ப மாநாட்டின் இறுதி பிரகடனம் குறித்து டென்மார்க் சமர்ப்பித்த வரைவுத் திட்டத்திற்கு வளரும் நாடுகள் அனைத்தும் ஒன்று சேர்ந்து கடும் கண்டனம் தெரிவித்தனன. இதையடுத்து தனது திட்டத்தை டென்மார்க் வாபஸ் பெற்று விட்டது.

2வது நாள் மாநாட்டின் மாலையில் டென்மார்க் மாநாட்டின் இறுதிப் பிரகடனம் தொடர்பான ஒரு வரைவுத் திட்டத்தை சமர்ப்பித்தது.

ஏற்கனவே உள்ள ஐ.நா. புவிவெப்ப மாநாட்டு திட்டம் மற்றும் கியோட்டா பிரகடனம் ஆகியவற்றில், வளர்ந்த நாடுகள், தொழில்மயமான நாடுகள்தான் பெருமளவில் புகை மாசுவை ஏற்படுத்துவதாக கூறப்பட்டுள்ளது. கார்பன் புகை பெருமளவில் உலகை அச்சுறுத்த இந்த நாடுகள்தான் காரணம் என இதில் கூறப்பட்டுள்ளது.

ஆனால் இதற்கு முற்றிலும் மாறாக வளரும் நாடுகள்தான் இதில் ஆக்கப்பூர்வமான முறையில் செயல்பட வேண்டும். புகை மாசைக் குறைக்க உருப்படியான நடவடிக்கைகள் எடுக்க வேண்டும் என்று தனது வரைவுத் திட்டத்தில் டென்மார்க் கூறியுள்ளது.

இதற்கு வளரும் நாடுகள் ஒட்டுமொத்தமாக எதிர்ப்பும், கண்டனமும் தெரிவித்த.

இதுகுறித்து ஐ.நாவுக்கான சூடான் பிரதிநிதி லுமும்பா ஸ்டானிஸ்லஸ் டி அபிங் கூறுகையில், டென்மார்க்கின் கூற்று முற்றிலும் தவறானது. கடுமையாக கண்டிக்கத்தக்கதாகும். கியோட்டோ பிரகடனம் மற்றும் ஐ.நா. பிரகடனம் ஆகிய இரண்டையுமே குழிதோண்டிப் புதைக்கும் வகையில் உள்ளது டென்மார்க்கின் பேச்சு.

வளரும் நாடுகளை குற்றவாளியாக்க அது முயலுகிறது. மேலும் தெற்கிலிருந்து வடக்கு நோக்கி நிதியுதவிகள் பாய வேண்டும் என்றும் அது கூற முயலுகிறது. இதை ஏற்கவே முடியாது என்றார்.

வளரும் நாடுகளை உள்ளடக்கிய ஜி-77 நாடுகள் கூட்டமைப்பின் தலைமைப் பதவியில் சூடான் தற்போது உள்ளது குறிப்பிடத்தக்கது.

செய்தியாளர்களிடம் மேலும் அவர் கூறுகையில், வளரும் நாடுகளிடையே பிளவை ஏற்படுத்தும் முயற்சியாகவே இது தோன்றுகிறது. பொருளாதார வளம் மிகுந்த வளர்ந்த நாடுகளை காப்பாற்ற டென்மார்க முயல்வதாக தெரிகிறது.

வளரும் நாடுகளின் வளங்களையும், நலங்களையும் கொள்ளையடிக்க டென்மார்க் திட்டமிடுகிறது என்றார் அவர்.

வெளியேறுவோம்- இந்தியா எச்சரிக்கை...

டென்மார்க்கின் திட்டம் குறித்து இந்தியாவும் அதிருப்தி தெரிவித்துள்ளது. இதுகுறித்து மத்திய சுற்றுச்சூழல் இணை அமைச்சர் ஜெய்ராம் ரமேஷ் கூறுகையில், டென்மார்க்கின் திட்டம் தவறானது, கண்டிக்கத்தக்கது. இந்த திட்டத்தை முன்னிறுத்த தீவிர முயற்சிகள் மேற்கொள்ளப்பட்டால் இந்த மாநாட்டிலிருந்து இந்தியா வெளியேற வேண்டியிருக்கும் என்றார்.

இதேபோல சீனா, பிரேசில், தென் ஆப்பிரிக்கா ஆகியவையும் கூட இந்த திட்டத்திற்கு எதிர்ப்பு தெரிவித்துள்ளன.

கடும் எதிர்ப்பு கிளம்பியதைத் தொடர்ந்து தற்போது இந்தத் திட்டத்திலிருந்து பின்வாங்கியுள்ளது டென்மார்க்.

இதுகுறித்து டென்மார்க் சுற்றுச்சூழல் அமைச்சர் கோனி ஹெட்கார்ட் கூறுகையில், இது ஒரு திட்டமல்ல. மாறாக விவாதத்திற்கான பொருள்தான். இருப்பினும் அது சர்ச்சையைக் கிளப்பியதால் அதைத் திரும்பப் பெற்றுள்ளோம் என்றார்.

ஐ.நா. புவிவெப்ப மாநாட்டு செயலகமும் இது திட்டமல்ல, விவாதப் பொருள்தான், அதிகாரப்பூர்வமான ஒன்றல்ல என்று விளக்கியுள்ளது.

இந்த சர்ச்சை குறித்து இந்தியப் பிரதிநிதி ஒருவர் கூறுகையில், டென்மார்க் அரசின் இந்தத் திட்டம் நகல் எடுக்கப்பட்டு இந்தியா உள்ளிட்ட சில நாடுகளிடம் வழங்கப்பட்டது. ஆனால் எதிர்ப்பு கிளம்பியதைத் தொடர்ந்து அதைத் திரும்பப் பெற்றுக் கொண்டனர் என்றார்.

புவிவெப்ப மாநாட்டில் 2வது நாளே சூடு பறக்கத் தொடங்கியுள்ளதால் இதன் முடிவு எப்படி இருக்கும் என்ற எதிர்பார்ப்பு அதிகரித்துள்ளது.

கோபன்ஹேகன்: ஒவ்வொரு நாடும் ஒரு கோரிக்கையோடு..!

2009-12-08T00:55:00.000-08:00

செவ்வாய்க்கிழமை, டிசம்பர் 8, 2009,

சென்னை:

புவிவெப்ப மாற்றத்தால் உலகம் பாதிக்கப்படுவதைத் தடுக்க என்ன செய்யலாம் என்பது குறித்து 192 நாடுகளைச் சேர்ந்த தலைவர்கள், பிரதிநிதிகள் ஒன்று கூடி கோபன்ஹேகனில் நேற்று முதல் தங்களது விவாதத்தைத் தொடங்கியுள்ளனர்.

இந்த 11 நாள் மாநாட்டில் பங்கேற்றுள்ள சில முக்கிய நாடுகள், இந்த மாநாட்டின் மூலம் என்ன எதிர்பார்க்கின்றன என்பது குறித்த ஒரு பார்வை...

இந்தியா:

பசுமை இல்ல வாயுக்களை (மீத்தேன், கார்பன் டை ஆக்சைடு, ஓ.எப்.சி உள்ளிட்டவை) பெருமளவில் வெளியிடும் நாடுகள் வரிசையில் இந்தியா 4வது இடத்தில் உள்ளது.

கோபன்ஹேகன் மாநாட்டில் இந்தியக் குழுவுக்கு பிரதமர் மன்மோகன் சிங் தலைமையேற்கிறார். 2020ம் ஆண்டுக்குள் 20 முதல் 25 சதவீத புகை மாசைக் குறைப்பதாக இந்தியா தன்னிச்சையாக அறிவித்துள்ளது.

இருப்பினும் இந்த அறிவிப்பு எங்களது சுய விருப்பமே. இதை சட்டம் போட்டு கட்டுப்படுத்த முயலக் கூடாது என்று இந்தியா நிபந்தனை விதித்துள்ளது. இப்படிப்பட்ட கட்டுப்பாட்டை இந்த மாநாடு விதிக்கக் கூடாது என்று இந்தியா முக்கியமாக எதிர்பார்க்கிறது.

புகை மாசைக் குறைக்கும் நடவடிக்கைகள் அந்தந்த நாட்டின் சுய விருப்பத்தின் பேரில் அமைய வேண்டும் என இந்தியா வலியுறுத்தியுள்ளது. இதற்கு சுற்றுச்சூழல் நிபுணர்கள் வரவேற்பு தெரிவித்துள்ளனர். ஆனால் எதிர்க்கட்சியினர் வழக்கம் போல எதிர்ப்பு தெரிவித்துள்ளனர்.

இந்தியா வெளியிடும் கார்பன் டை ஆக்சைடின் அடர்த்தி அளவு பிற உலக நாடுகளுடன் ஒப்பிடுகையில் மிகவும் குறைவுதான். உண்மையி்ல் உலகிலேயே மிகவும் குறைவான அடர்த்தியிலான கார்பன் டை ஆக்சைடைத்தான் இந்தியா வெளியிடுகிறது. இந்த விஷயத்தில் சீனாதான் மிகவும் மோசம். உலகிலேயே கார்பன் டை ஆக்டைசின் அடர்த்தி சீனாவில்தான் உள்ளது.

சீனா..

புகை மாசை 40 சதவீதம் அளவுக்குக் குறைக்க சீனா தயாராக உள்ளது. அதேசமயம் புகை மாசுக் குறைப்பு தொடர்பான தொழில்நுட்பங்களை வளர்ந்த நாடுகள் தர வேண்டும் என அது எதிர்பார்க்கிறது.

சூரிய சக்தி உற்பத்தி மற்றும் காற்றாலை மின்சார உற்பத்தியில் சீனா முன்னிலை வகிப்பதால் இந்த வகை மின்சாரத்தை தங்களிடமிருந்து பெற உலக நாடுகள் அதிக அளவில் முன்வர வேண்டும் எனவும் அது எதிர்பார்க்கிறது.

பிரேசில்..

அமேசான் நதி வனப் பகுதிகளை பாதுகாப்பதன் மூலம், புகை மாசு அளவை பெருமளவில் குறைக்க முடியும் என பிரேசில் கருதுகிறது. மேலும், உயிரி எரிபொருளால் இயங்கும் கார்கள், வாகனங்களை அதிகரிப்பதன் மூலம் புகை மாசை குறைக்க முடியும் எனவும் பிரேசில் கருதுகிறது.

2020க்குள் 39 சதவீத புகை மாசைக் குறைக்க பிரேசில் விருப்பம் தெரிவித்துள்ளது. அதேசமயம், இதை அடைய உலக நாடுகள் நிதியுதவி செய்ய வேண்டும் என அது எதிர்பார்க்கிறது.

ஐரோப்பிய யூனியன்...

புகை மாசு குறைப்பு தொடர்பாக சட்டப்பூர்வமான நடவடிக்கைகள், சட்டங்கள் தேவை என ஐரோப்பிய யூனியன் நாடாளுமன்றம் சமீபத்தில் தீர்மானம் போட்டது. இதன் மூலம் வளர்ந்த, வளரும் நாடுகளின் புகை மாசு அளவை கட்டுக்குள் கொண்டு வர முடியும் என அது கருதுகிறது.

புகை மாசைக் குறைக்க முன்வராத நாடுகளுக்கு பொருளாதாரத் தடை உள்ளிட்டவற்றை விதிக்க வேண்டும் எனவும் இது கூறுகிறது.

2020ம் ஆண்டுக்குள் 20 சதவீத புகை மாசைக் குறைப்போம் என்து ஐரோப்பிய யூனியனின் நிலைப்பாடாகும்.

ஆப்பிரிக்கா...

ஆப்பிரிக்காவின் நிலை சற்று வினோதமாக உள்ளது. வளர்ந்த, தொழில்மயமான நாடுகள் செய்த சேட்டையால்தான் தங்களது கண்டத்தின் பெரும் பகுதி வறட்சியாக மாறியுள்ளதாகவும், ஒரு பகுதியில் வெள்ளக்காடாக உள்ளதாகவும் ஆப்பிரிக்க நாடுகள் குற்றம் சாட்டுகின்றன.

நாங்கள் புகை மாசை ஏற்படுத்துவதில்லை. மாறாக, பிறர் ஏற்படுத்திய மாசால்தான் எங்களது நாடுகள் வறண்டும், வெள்ளத்தில் சிக்கியும் தவிக்கின்றன. எனவே வளர்ந்த நாடுகள் எங்களுக்கு இழப்பீடு தர வேண்டும் என இவை கோருகின்றன.

நைஜீரியா போன்ற எண்ணை வளம் கொழிக்கும் நாடுகளோ, உளக அளவில் எண்ணை பயன்பாடு குறைந்து விட்டால் தங்களுக்குப் பெரும் பாதிப்பு ஏற்படும். எனவே அதற்கு இழப்பீடு தர வேண்டும் என கோருகின்றன.

இந்தோனேசியா..

மிகவும் அடர்த்தியான கார்பன் டை ஆக்சைடை கக்கும் நாடுகளில் முக்கியமான இடத்தில் இருப்பது இந்தோனேசியா. இந்த நாட்டினர் செய்யும் முக்கிய தவறே காடுகளை அழித்து வருவதுதான். காடுகளைப் பாதுகாக்க தொழில்நுட்ப உதவிகளை இந்த நாடு கோரியுள்ளது.

2020ம் ஆண்டுக்குள் 26 சதவீத புகை மாசைக் குறைப்பதாக கூறியுள்ளது இந்தோனேசியா.

ஈகுவடார்..

இந்த நாடு படு வித்தியாசமான நிபந்தனை ஒன்றை முன்வைத்து கோபன்ஹேகன் வந்துள்ளது. அதாவது இந்த நாட்டின் அமேசான் காட்டுப் பகுதியில், கிட்டத்தட்ட 850 மில்லியன் பேரல் கச்சா எண்ணை புதைந்து கிடக்கிறது. இதை எடுக்காமல் இருக்க வளர்ந்த நாடுகள் தங்களுக்கு 3.5 பில்லியன் டாலர் பணம் தர வேண்டும். அப்படி செய்தால் நாங்கள் கச்சா எண்ணையை எடுக்க மாட்டோம். புகை மாசும் பெருமளவில் குறையும் என்று தடாலடியாக கூறுகிறது ஈகுவடார்.

இப்படி ஒவ்வொரு நாடும் ஒரு எதிர்பார்ப்புடன் கோபன்ஹேகன் வந்துள்ளதால் இந்த மாநாடு வெற்றி பெறுமா அல்லது இன்னொரு கியோடாவாக மாறுமா என்பதை 11 நாட்கள் கழித்துத்தான் பார்க்க வேண்டும்.

புகை மாசுக் குறைப்பு குறித்த உலக நாடுகளின் நிலைப்பாடு

2009-12-07T05:10:00.000-08:00

திங்கள்கிழமை, டிசம்பர் 7, 2009,

சென்னை: புவிவெப்ப மாற்ற மாநாடு கோபன்ஹேகனில் தொடங்கியுள்ள நிலையில், ஒவ்வொரு நாடும் புகை மாசுக் குறைப்பு தொடர்பாக மேற்கொண்டுள்ள நிலைப்பாடு குறித்த ஒரு பார்வை...

இந்தியா - 20 முதல் 25 சதவீத புகை மாசைக் குறைக்க முன்வந்துள்ளது. 2020ம் ஆண்டுக்குள் இதை செய்வதாக இந்தியா கூறியுள்ளது. இருப்பினும் சட்டம் போட்டு தங்களை கட்டுப்படுத்தி இதை செய்ய வைக்க முனையக் கூடாது என்றும் நிபந்தனை விதித்துள்ளது.

அமெரிக்கா - உலகின் மிகப் பெரிய புகை மாசு ஏற்படுத்துபவர்களில் 2வது இடத்தில் இருக்கும் நாடு அமெரிக்கா. 2005ம் ஆண்டிலிருந்து 2020க்குள் 17 சதவீத மாசைக் குறைப்பதாக கூறியுள்ளது. அதேசமயம் 2025க்குள் 30 சதவீத மாசைக் குறைக்கவும் உறுதியளித்துள்ளது.

ஐரோப்பிய யூனியன் - 2020க்குள் 20 சதவீத மாசைக் குறைக்க ஐரோப்பிய யூனியன் முன்வந்துள்ளது. பிற தொழில்மய நாடுகள் ஒன்றாக முன்வந்தால் இந்த அளவை 30 சதவீதமாக அதிகரிக்கவும் தயார் என அறிவித்துள்ளது.

ரஷ்யா - 2020க்குள் 20 முதல் 25 சதவீதம் வரை குறைக்க ரஷ்யா தயார். முன்பு 15 சதவீதம் வரை தயார் என கூறி வந்தது ரஷ்யா என்பது குறிப்பிடத்தக்கது.

கனடா - புகை மாசுக் குறைப்புக்கு கனடா தரும் உறுதிமொழி 20 சதவீத குறைப்பு. அதேசமயம், கனடாவின் கீழ் உள்ள கியூபெக் பிராந்தியம், ஐரோப்பிய யூனியன் என்ன முடிவெடுக்கிறதோ அதை பின்பற்றுவதாக தெரிவித்துள்ளது.

மெக்சிகோ - 2050ம் ஆண்டுக்குள் 50 சதவீத புகை மாசைக் கட்டுப்படுத்துவதாக அதிரடியாக அறிவித்துள்ளது மெக்சிகோ.

ஜப்பான் - 25 சதவீத புகை மாசை 2020க்குள் கட்டுப்படுத்துவதாக ஜப்பான் கூறுகிறது.

நியூசிலாந்து - 2020க்குள் 10 முதல் 20 சதவீத புகை மாசைக் குறைப்பதாக தெரிவித்துள்ளது நியூசிலாந்து. அதேசமயம் கோபன்ஹேகன் மாநாட்டின் முடிவைப் பொறுத்து தனது நிலையும் மாறும் என்றும் அது தெரிவித்துள்ளது.

ஆஸ்திரேலியா - புகைக் குறைப்பு தொடர்பாக நாடாளுமன்றத்தில் கொண்டு வரப்பட்ட 2 தீர்மானங்களை ஆஸ்திரேலிய எம்.பிக்கள் நிராகரித்துள்ளனர். இதனால் ஆஸ்திரேலியாவின் நிலையில் தெளிவில்லை.

நார்வே - 2020ம் ஆண்டுக்குள் 30 சதவீத புகை மாசைக் குறைக்க நார்வே விருப்பம் தெரிவித்துள்ளது. அதேசமயம், 40 சதவீதம் வரை இதை அதிகரிக்கவும், 2030ம் ஆண்டுக்குள் புகை மாசே இல்லாமல் செய்யவும் அது ஆர்வமாக உள்ளது.

சீனாவின் புகை மாசுக் குறைப்பு உறுதி மொழி 40 சதவீதமாகும், பிரேசிலின் உறுதிமொழி 36 சதவீதமாகவும் உள்ளன. இந்தோனேசியா 26 சதவீதத்தைக் குறைப்பதாகவும், தென் கொரியா 30 சதவீதமாக குறைப்பதாகவும் தெரிவித்துள்ளது.

பெரும் எதிர்பார்ப்புக்கிடையே தொடங்கிய கோபன்ஹேகன் புவிவெப்ப மாநாடு

2009-12-07T05:06:00.000-08:00

திங்கள்கிழமை, டிசம்பர் 7, 2009,

கோபன்ஹேகன்: உலக நாடுகளின் பெரும் எதிர்பார்ப்புக்கு மத்தியில் டென்மார்க் தலைநகர் கோபன்ஹேகனில் புவிவெப்ப மாற்ற மாநாடு [^] இன்று தொடங்கியது.

ஐ.நா.வின் ஏற்பாட்டின் பேரில் 11 நாள் புவிவெப்ப மாற்ற மாநாடு இன்று கோபன்ஹேகனில் தொடங்கியது.

மாநாட்டின் முதல் நாளான இன்று புவிவெப்ப மாற்றத்தால் குழந்தைகள் சந்திக்கும் சவால்கள், ஆபத்துக்கள் குறித்து விவாதிக்கப்பட்டது.

விவாதத்தின் தொடக்கமாக ஒரு வீடியோ படம் ஒளிபரப்பப்பட்டது. அதில், புவிவெப்ப மாற்றம் ஒரு இளம் சிறுமியின் வாழ்க்கையில் ஏற்படுத்தும் பாதிப்புகளை விளக்கும் காட்சிகள் இடம் பெற்றிருந்தன.

தான் அடிப்பாடி விளையாடிய ஆசையான விளையாட்டு மைதானம், வறண்டு உலர்ந்த பாலைவனம் போல மாறுவதையும், மறுபக்கம் கடும் வெள்ளத்தால் மக்கள் பெரும் துன்பத்துக்கு ஆளாவதையும் கண்டு அந்த சிறுமி கதறி அழுவதாக காட்சிகள் இருந்தன.

இந்த வீடியோ படத்தை உலகெங்கிலுமிருந்து வந்துள்ள பல்வேறு நாட்டுப் பிரதிநிதிகளும், ஆயிரக்கணக்கான பத்திரிக்கையாளர்களும் பார்த்தனர்.

முன்னதாக டென்மார்க் நாட்டு இளம் சிறுமியரின் கோரஸ் பாடல் இடம் பெற்றது.

மாநாட்டின் தொடக்கத்தில் பேசிய ஐ.நா. புவிவெப்ப மாற்றக் கமிட்டியின் தலைவரான ராஜேந்திர குமார் பச்சோரி கூறுகையில், உலகின் இயற்கையை, தட்பவெப்பத்தை மனிதர்கள் பாதிக்கிறார்கள். பதிலுக்கு அது நம்மை பாதிக்கப் போகிறது. இதற்கு நடவடிக்கை எடுத்தாக வேண்டும்.

புவிவெப்ப மாற்றத்தால் என்ன ஆகும் என்பது குறித்த அறிவியல் வாதங்களை நாம் நிறையப் பார்த்து விட்டோம். இப்போது நாம் நடவடிக்கையில் இறங்கியாக வேண்டும். அதற்கான நேரம் இது. இந்த மாநாடு அந்த நடவடிக்கைளுக்கு வழி கோலட்டும் என்றார்.

டென்மார்க் பிரதமர் ரால்ஸ் லோக்கே ரஸ்முஸன் பேசுகையில், புவிவெப்ப மாற்றம், குழந்தைகள், முதியவர்கள் என பாரபட்சம் பார்க்காமல் அனைவரையும் பாதிக்கும்.

புவிவெப்ப மாற்றத்திற்கு எல்லைகள் இல்லை. அது யாரையும் பார்க்காது. அனைவரையும் அழித்து விடும். இதை நாம் மாற்ற வேண்டும், நம்மால் மாற்ற முடியும், மாற்றியே தீர வேண்டும்.

இங்கு நடைபெறப் போகும் விவாதங்கள் மிகக் கடுமையானவையாக இருக்கும். உலகத் தலைவர்கள் கடுமையாக வாதிடப் போகிறார்கள். ஒவ்வொருவருக்கும் ஒரு கருத்து உண்டு. நிச்சயம் இது இங்கு சூட்டைக் கிளப்பும் என்பதில் ஐயம் இல்லை. அதேசமயம், ஒருமித்த தீர்ப்பை இந்த மாநாடு தரும் என்று நம்புகிறேன்.

உடன்பாட்டை நாம் எட்டும் தூரத்திற்கு வந்து விட்டோம். நிச்சயம் அதை நாம் சந்திப்போம் என்றார்.

மாநாட்டில் 192 நாடுகளைச் சேர்ந்த பிரதிநிதிகள் வந்து கலந்து கொண்டுள்ளனர். அனைவரும் கூடி விவாதித்து ஒரு உடன்பாட்டை ஏற்படுத்தப் போகின்றனர். இந்த மாநாட்டின் இறுதியில் அந்த உடன்பாட்டை ஐ.நா. பிரகடனம் செய்யும். அதன்படி உலக நாடுகள் புவிவெப்ப மாற்றத் தடுப்பு நடவடிக்கைகளை மேற்கொள்ள வேண்டும்.

அமெரிக்க அதிபர் பாரக் ஒபாமா, பிரதமர் மன்மோகன் சிங், ஆஸ்திரேலிய பிரதமர் கெவின் ரூட் உள்ளிட்ட பல்வேறு நாட்டு தலைவர்கள் இதில் கலந்து கொள்ளவுள்ளனர்.

மாநாட்டில் 3500 பத்திரிக்கையாளர்கள் உள்பட 15 ஆயிரத்திற்கும் மேற்பட்டோர் பங்கேற்றுள்ளனர் என்பது குறிப்பிடத்தக்கது.

Govt says Forest Rights Act being implemented in 'varying degrees'

2009-11-30T17:39:00.000-08:00

November 30, 2009

New Delhi: Government on Monday said states have progressed in "varying degrees" in the implementation of the Forest Rights Act, rejecting claims that some of them have failed to implement the law in an "effective manner".

In a reply to a written question in Rajya Sabha as to whether some states have failed to implement the Forest Rights Act in an "effective manner", Minister of State for Tribal Affairs Tushar A Choudhary said, "no sir".

"The states have progressed in varying degrees in the implementation of the Act," he added.

The Minister said that the responsibility of implementing the Scheduled Tribes and Other Traditional Forest Dwellers (Recognition of Forest Rights) Act, 2006 and vesting the rights to the beneficiaries under the Act lies with state governments.

"While the states like Andhra Pradesh, Chhattisgarh, Gujarat, Madhya Pradesh, Maharashtra, Orissa, Rajasthan, Tripura and West Bengal have established the prescribed structures and procedures, have received a large number of claims and have started distributing the titles (land deeds), other states are still to catch up because of various reasons," Choudhary stated.

He informed the House that more than 24.90 lakh claims have been filed across the country and more than 5.68 lakh titles have been distributed among the beneficiaries till October 31. "More than 43 thousand titles are ready for distribution," he added.

Ministry has advised the states to ensure completion of work relating to vesting of forest rights by the year end, Choudhary stated.

PTI

சூழலியல் போராளி மறைவு

2009-11-21T18:14:00.000-08:00

நம்மை விட்டு பிரிந்து சென்ற சூழலியல் போராளி திரு. அந்தோணிசாமி, தமிழ்நாடு சுற்றுச்சூழல் கழகம் அவர்களின் ஆன்மா சாந்தியடைய பிரார்த்திக்கின்றேன்.

இப்படிக்கு

மாரிராஜன்

விவசாயத்துக்கு இலவச மின்சாரம் ரத்து?தோட்டங்களில் மீட்டர் பாக்ஸ் இணைப்பு

2009-11-19T06:47:00.000-08:00

நவம்பர் 19,2009,00:00 IST

கோவை : விவசாயிகளுக்கு இலவச மின்சாரம் வழங்கப்பட்டு வரும் நிலையில், கோவையில் சில விவசாய தோட்டங்களில் "மீட்டர் பாக்ஸ்' பொருத்தும் பணி நடந்து வருகிறது. இந்த நடவடிக்கைக்கு இப்பகுதி விவசாயிகள் கடும் எதிர்ப்பு தெரிவித்துள்ளனர்.

தமிழகத்தில் விவசாயிகளுக்கு இலவச மின்சாரம் வழங்கப்பட்டு வருகிறது. ஆனால் கோவை மாவட்டத்தில் கணபதி, மணியகாரம்பாளையம், நல்லாம்பாளையம், சங்கனூர் உள்ளிட்ட பகுதிகளில் உள்ள சில விவசாய தோட்டங்களில் மீட்டர் பாக்ஸ் பொருத்தும் பணி நடந்து வருகிறது. சில தோட்டங்களில் வெறும் பாக்ஸ் மட்டும் பொருத்தப்பட்டுள்ளது. மின்வாரியத்தின் இந்த திடீர் நடவடிக்கை, தோட்ட உரிமையாளர்கள் மற்றும் விவசாயிகளை அதிர்ச்சிக்குள்ளாக்கியுள்ளது. மீட்டர் பாக்ஸ் பொருத்தும் பணி: மணியகாரம்பாளையத்தில் மீட்டர் பாக்ஸ் பொருத்த சென்ற மின்வாரிய ஊழியர்களுக்கும், தோட்ட உரிமையாளர்களுக்கும் வாய்த்தகராறு ஏற்பட்டது.

மின்வாரியத்தினரின் இந்த நடவடிக்கைக்கு எதிர்ப்பு தெரிவித்து இப்பகுதி விவசாயிகள், மின்வாரிய அலுவலகத்துக்கு சென்று மனு அளித்தனர்.சங்கனூர் உதவி மின் பொறியாளரிடம் கொடுத்துள்ள மனுவில், "எங்கள் பகுதி சிறு விவசாயிகள் இலவச மின்சாரம் பெற்று வருகின்றனர். இப்போது "மின் மீட்டர்' பொருத்துவதாக மின்வாரியத்தினர் தெரிவிக்கின்றனர். மின் கட்டணம் செலுத்த வேண்டிய நிலை ஏற்படும் என்ற அச்சம் பரவியுள்ளது. இந்த நடவடிக்கையை நிறுத்தி வைக்கும்படி கேட்டுக் கொள்கிறோம்' என கூறப்பட்டுள்ளது.விவசாயிகள் எதிர்ப்பு: இப்பகுதி விவசாயிகள் சிலர் கூறியதாவது: மின்சார மீட்டர் பாக்ஸ் பொருத்த வரும் மின்வாரிய ஊழியர்கள், தோட்ட உரிமையாளர்களிடம் அனுமதி பெறாமல் பெட்டியை பொருத்தி விட்டு சென்று விடுகின்றனர்.

இது பற்றி மின்சார வாரிய அதிகாரிகளிடம் கேட்டால், "ஒவ்வொரு விவசாயியும் தினமும் பயன்படுத்தும் மின்சாரத்தின் அளவை அறியவே மீட்டர் பாக்ஸ் பொருத்துவதாக கூறுகின்றனர். ஒரே இணைப்பில் இருந்து பயன்படுத்தப்படும் மொத்த மின்சார அளவில், தோட்டத்து மோட்டாருக்கு பயன்படுத்தப்படும் மின்சாரத்தை கணக்கிட முடியும். அப்படியிருக்கும் போது, தனியாக மீட்டர் பாக்ஸ் பொருத்த வேண்டிய தேவை என்ன? ஏற்கனவே விவசாயக் கூலி, உர விலை உயர்வு உள்ளிட்ட பிரச்னைகளால் சிரமப்பட்டு வருகிறோம். இனி மின்சாரக் கட்டணமும் செலுத்த வேண்டிய நிலை உருவானால், விவசாயம் செய்ய முடியாத நிலை உருவாகும். விரைவில் அனைத்து விவசாயிகள் அடங்கிய கூட்டம் நடத்தி இப்பிரச்னை பற்றி விவாதிக்க முடிவு செய்துள்ளோம், என்றனர்.

தமிழக விவசாயிகள் சங்க மாவட்டத் தலைவர் பாலு கூறுகையில், ""நிஜமாகவே கட்டணம் வசூலிப்பதற்காக மீட்டர் பாக்ஸ் பொருத்தப்பட்டிருந்தால் அதை ஏற்கமுடியாது. உடனே தடுக்காவிட்டால் கடும் போராட்டங்களில் ஈடுபடுவோம். விவசாய சங்கங்களின் பிரதிநிதிகளுடன் முத்தரப்பு கூட்டம் நடத்திய பின்பே மீட்டர் பொருத்த வேண்டும். மின்சார வாரியத்தின் தன்னிச்சையான இந்த நடவடிக்கையை நிறுத்திக் கொள்ள வேண்டும்,'' என்றார்.

"இலவசத்துக்கும் கணக்கு வேண்டும்' : தமிழ்நாடு மின்வாரிய முதன்மை பொறியாளர் தங்கவேலு கூறியதாவது:இலவசமாகவே இருந்தாலும் எதற்கும் ஒரு கணக்கு வேண்டும். அனைத்து மின் இணைப்புகளுக்கும் மீட்டர் பாக்ஸ் பொருத்தி, வீண் இழப்புகளை கணக்கிட வேண்டும் என, தமிழ்நாடு மின்சார ஒழுங்குமுறை ஆணையம் உத்தரவிட்டுள்ளது. ஒரு டிரான்ஸ்பார்மரில் இருந்து ஏராளமான இணைப்புகள் செல்கின்றன. எந்த இணைப்பில் எவ்வளவு மின்சார இழப்பு ஏற்படுகிறது என்பதை அறியவே மீட்டர் பாக்ஸ் பொருத்தப்படுகிறது.

இணைப்பு கொடுப்பதில் உள்ள குறைபாடுகளாலும் இழப்புகள் ஏற்படுகின்றன.வீண் இழப்பு எவ்வளவு என்பதை அறிந்தால் மட்டுமே, அதை தடுப்பதற்கான நடவடிக்கைகளில் இறங்க முடியும். மாநகராட்சி பகுதிகளில் இதற்கான பணி முடிந்தது. 30 ஆயிரம் மக்கள் தொகைக்கு மேல் உள்ளபேரூராட்சிகளில் பொருத்தி வருகிறோம். இழப்பீட்டை குறைத்தால் அதற்கு இணையான இழப்பீட்டுத் தொகையை மத்திய அரசிடம் இருந்து பெற முடியும். விவசாயிகள் இது பற்றி கவலைப்படத் தேவையில்லை. மின் கட்டணம் வசூலிக்கப் போவதில்லை என்றார்.

Source: Dinamalar

உலகம் முழுவதும் பட்டினியில் 100 கோடி மக்கள்!

2009-10-15T07:47:00.000-07:00

நைரோபி:
வியாழக்கிழமை, அக்டோபர் 15, 2009

உலகம் முழுவதும் கிட்டத்தட்ட 100 கோடி மக்கள் பட்டினியில் தவித்துக் கொண்டிருப்பதாக ஐ.நா. உணவுகள் ஏஜென்சி தெரிவித்துள்ளது. உலக நாடுகள் விவசாயத்துக்கு முக்கியத்துவம் கொடுக்காவிட்டால், இந்த எண்ணிக்கை பல மடங்கு அதிகரிக்கும் அபாயம் இருப்பதாகவும் அது கூறுகிறது.

வறுமையின் உச்சத்தில் உள்ள பெரும்பாலான ஆப்பிரிக்க நாடுகளில் ஒரு வேளை சாப்பாட்டுக்குக் கூட வழியில்லாமல் மக்கள் பரிதவிப்பில் இருப்பதாகவும், இதற்காக பள்ளிக்கு அனுப்புதல், உடைகள் வாங்குதல், அடிப்படை மருந்துச் செலவுகளைக் கூட அந்த நாட்டு மக்கள் கைவிட்டு வருவதாக ஐ.நா. உணவுகள் ஏஜென்சி தெரிவிக்கிறது.

ஐ.நா. ஏஜென்சியின் சர்வதேச உதவி நடவடிக்கைப் பிரிவு தலைவர் ஓடிவ் இக்பஸார் கூறுகையில், உலகம் முழுவதும் 30 நாடுளில் பட்டினியைப் போக்க அவசர கால நடவடிக்கைகள் தேவைப்படுகின்றன. இதில் 20 நாடுகள் ஆப்பிரிக்காவைச் சேர்ந்தவையாகும்.

உலக அளவில் 2015ம் ஆண்டுக்குள் பட்டினி அவலத்தைப் பாதியாக குறைப்போம் என்று உலகத் தலைவர் [^]கள் உறுதி பூண்டனர். அப்படி இருந்தும், இந்த எண்ணிக்கை மேலும் மேலும் அதிகரித்து வருவது குறிப்பிடத்தக்கது.

தற்போது பட்டினியால் தவித்து வரும் இந்த 30 நாடுகளையும் காப்பாற்ற வேண்டியது அவசர நடவடிக்கையாக மாறியுள்ளது. வளர்ந்த மற்றும் வளரும் நாடுகள் இதற்கு உதவ முன்வர வேண்டும்.

உணவு கிடைக்காமலும், போதிய சத்தின்மை காரணமாகவும் ஒவ்வொரு 6 விநாடிக்கும் ஒரு குழந்தை உயிரிழந்து கொண்டிருக்கிறது.

உலகின் பல பகுதிகளிலும் உணவுப் பொருட்களின் விலை மிகக் கடுமையாக உயர்ந்துள்ளது. இதனால் ஏழை மக்களால் உணவுப் பொருட்களை வாங்கவே முடியாத நிலை ஏற்பட்டுள்ளது. ஏழைகள் அதிகம் உள்ள நாடுகளில் ஒரு வேளை உணவு கிடைப்பது கூட பெரும் போராட்டமாக உள்ளது.

சோமாலியாவில், வன்முறை [^]யும், உள்நாட்டுப் போரும் நாட்டையே உருக்குலைத்துப் போட்டுள்ளது. கடந்த 20 ஆண்டுகளாக வன்முறை, சண்டையில் ஊறிப் போய்க் கிடக்கும் அந்த நாட்டில், ஒரு குடும்பம், தனக்குத் தேவையான உணவு, குடிநீருக்காக செலவிடும் தொகை கடந்த 2 ஆண்டுகளில் 85 சதவீதம் அதிகரித்துள்ளது.

கடந்த 2007ம் ஆண்டு மார்ச் மாதம் ஒரு குடும்பத்திற்கான செலவு 92 டாலர்களாக இருந்தது. அது இந்த செப்டம்பர் மாதம் 171 டாலராக உள்ளது.

பிள்ளைகளை பள்ளிக்கு அனுப்புவதையும், உடைகள் எடுப்பதையும் சோமாலியா மக்கள் விட்டு நெடு நாட்களாகி விட்டது. பலர் கிடைக்கிற உணவை சாப்பிட்டுக் கொள்ள பழகி விட்டனர். இந்த நாட்டில், சத்தான உணவு கிடைக்காததால், ஐந்து குழந்தை [^]களில் ஒன்று இறந்து விடும் அவலமும் நீடிக்கிறது.

ஆப்பிரிக்கா முழுவதும் கிட்டத்தட்ட இதே நிலைதான். அதாவது ஆப்பிரிக்கக் கண்டமே கிட்டத்தட்ட பட்டினிக்கு பலியாகிக் கொண்டிருக்கிறது.

கென்யாவில் கடும் வறட்சி காரணமாக நூற்றுக்கணக்கான கால்நடைகள் மரித்துப் போய் விட்டன. இந்த நாட்டில் 30 லட்சத்திற்கும் மேற்பட்டோர் உணவு கிடைக்காமல் அவல நிலையில் உள்ளனர்.

உலகம் முழுவதும் பட்டினி மற்றும் சத்தான உணவின்மையால் தவிப்போரின் எண்ணிக்கை 100 கோடியைத் தாண்டி விட்டது.

விவசாயத்தை உலக அரசுகள் புறக்கணித்ததே இதற்குக் காரணம். கடந்த 80களுக்குப் பின்னர் உலகம் முழுவதும் விவசாயம் முக்கியமிழ்ந்து போய் விட்டது.

1980ம் ஆண்டு விவசாயத்திற்கு உலக நாடுகள் சராசரியாக 17 சதவீதம் நிதியை ஒதுக்கின. ஆனால் 2006ல் இது 3.8 சதவீதமாக குறைந்து போனது. இருப்பினும் கடந்த 3 ஆண்டுகளாக இது லேசான உயர்வைக் கண்டுள்ளது. ஆனால் போதுமானதாக இல்லை.

உணவு உற்பத்தியை அதிகரித்தால்தான் பட்டினியை வீழ்த்த முடியும். இது பொதுவான பிரச்சினை. விவசாயத்திற்கு உலக நாடுகள் முக்கியத்துவம் கொடுக்காவிட்டால் உலகம் முழுவதும் பட்டினிச் சாவுகள் பெருமளவில் இருக்கும். அதை யாராலும் தடுக்க முடியாத அவலம் ஏற்படும் என்று ஐ.நா. தெரிவிக்கிறது.

உலகிலேயே அதிக அளவில் பட்டினியால் வாடும் மக்கள் [^] ஆசியா மற்றும் பசிபிப் பகுதிகளில்தான் உள்ளனர். அடுத்த இடம் ஆப்பிரிக்க கண்டத்தில் உள்ளனர்

தமிழ்நாடு நீர்வள நில திட்டம் (IAMWARM) குறித்த விவசாயிகள் கலந்தாய்வு கூட்டம்

2009-10-11T20:06:00.000-07:00

அக்டோபர் 10:

தமிழ்நாடு நீர்வள நிலவள திட்டம் குறித்த விவசாயிகள் கலந்தாய்வு கூட்டம் ஜாசூல் - திருவண்ணாமலை மற்றும் விழுப்புரம் மாவட்ட அமைப்புகள் சார்பில் திருவண்ணாமலை சாரண சாரணியர் பயிற்சி முகாம் கட்டிடத்தில் நடைபெற்றது. இக்கூட்டத்தில் மோட்டூர், வலையார், ராமாக்கால் ஓடை, பாம்பனார் வரட்டாறு, துறுஞ்சலாறு, பாம்பார் முதல் திருக்கோவிலாறு, கெடிலம், வராகநதி, நல்லஊர் ஆகிய தெண்பெண்ணையாறு, வராகநதி ஆறுகளின் துணை ஆற்றுப்படுகை பகுதிகளை சார்ந்த 60 விவசாயிகள் மற்றும் தொண்டு நிறுவன பிரதிநிதிகள் கலந்து கொண்டனர்.

கூட்டத்திற்கு அருணோதயம் இயற்கை விவசாய சங்கத் தலைவார் கோதண்டராமன் முன்னிலை வகித்தார். அகில இந்திய கிசான் சங்கத்தின் திருவண்ணாமலை மாவட்ட தலைவர் வேங்கடகிருஷ்ணன் தலைமை வகித்தார். ஜாசூல் - மாநில ஒருங்கிணைப்பாளர் ஒய். டேவிட் அவர்கள் உலகமயமாக்கல் மற்றும் காலநிலை மாற்றம் போன்ற காரணிகளால் கிராமப்புற வாழ்வாதாரங்களான நிலம், நீர், விவசாயம், காடு, மற்றும் கால்நடை வளர்ப்பில் ஏற்பட்டுள்ள விரும்பத்தாகாத மாற்றங்கள் மற்றும் விவசாயிகளுக்கான அதனால் ஏற்பட்டுள்ள தீங்குகள் குறித்து உரையாற்றினார்.

அவரை தொடர்ந்து இயற்கை வள ஆதாரங்கள் மக்களின் ஆளுகையிலிருந்து அந்நியப்படுத்தப்படும் இன்றைய நிலைகளுக்கான காரணங்கள் அதலும் குறிப்பாக தமிழ்நாட்டில் பாசன தண்ணீர் தனியார்மயமாக்கப்பட்டு வரும் விதம் அதற்கு உலக வங்கி கையாண்டு வரும் துறைரீதியிலான சீர்திருத்தங்கள் என்ற கோட்பாட்டின் அடிப்படையில் தமிழக அரசிற்கு இதுவரை 14% வட்டியில் கொடுத்து வரும் நீர்வள ஆதார மேலாண்மைக்கான கடன் திட்டங்கள் அதன் விளைவுகள் குறித்து விரிவாக எடுத்துரைத்தார்.

மூன்றாவது அமர்வாக பொறியாளர் மற்றும் ஒன்றிய கவுண்ஸ்லருமான மேலநட்டூர் பாலசுப்பிரமணி அவர்கள் உலகவங்கி கடனுதவியின் கீழான தமிழ்நாடு நீர்வள நில வள திட்டம் ( IAMWARM – Irrigated Agriculture Modernization and Waterbodies Restoration Project) குறித்தும் அது நடைமுறைப்படுத்தப்படும் விதம் அதில் எவ்வாறு விவசாயிகள், நீரினை பயன்படுத்துவோர் சங்க உறுப்பினர்கள், சமூக செயல்பாட்டாளர்கள் தலையீடு செய்வது என்பது எடுத்துரைத்தார். இதனையொட்டிய விவசாயிகளின் நேரடி கேள்விகளுக்கு பதிலளித்தார்.

இறுதியாக ஜாசூல் திருவண்ணாமலை, விழுப்புரம் மாவட்ட அமைப்புகள் மற்றும் விவசாயிகள் இணைந்து செயல்படுவதன் மூலம் அரசுக்கு எவ்வாறு நெருக்குதல் கொடுப்பது அதன் மூலம் கிராமப்புற நீர்வள ஆதாரங்களை செம்மைப்படுத்துவதற்கான வாய்ப்புகள் குறித்து தலித் மனித உரிமைக்கான செயல்பாட்டாளர் மற்றும் விழுப்புரம் மாவட்ட ஜாசூல் அமைப்பாளர் மரியநாதன் எடுத்துரைத்தார்.

இதனை தொடர்ந்து கீழ்கண்ட தீர்மானங்களை அரசுக்கு வலியுறுத்துவது என முடிவு செய்யப்பட்டது.

அயெம்வார்ம் (IAMWARM) திட்டம் செயல்படுத்தப்படும் பகுதிகளில் உள்ள ஏரிகள், குளங்களை தூர்வாரும் பணிக்கும் முக்கிய இடம் கொடுக்கப்படவேண்டும்.
(IAMWARM) திட்டத்தின் நோக்கங்களில் ஒன்றாகிய மக்கள் பங்கேற்பை உறுதி செய்யும் வகையில் திட்டம் செயல்படுத்தும் பகுதிகளில் மக்களேடு கலந்து பேசி அவர்கள் எந்த பணி செய்யவேண்டும் என கருதுகிறார்களோ அப்பணிகளுக்கு முக்கியத்துவம் கொடுத்து செய்யவேண்டும்.
(IAMWARM) திட்டத்தின் கொடுக்கப்படும் மானியங்கள் முறையாக உரிய மக்களுக்கு போய் சேருவதை அரசு உறுதி செய்யவேண்டும்.
இத்திட்டத்தை பற்றி மாநில அளவில் விவசாயிகள் மாநாடு நடத்துவதற்காக 63 துணைவடிநிலப்பகுதி விவசாயிகளின் கலந்தாய்வு கூட்டம் வருகின்ற நவம்பரில் நடத்துவது என முடிவு செய்யப்பட்டது.

இக்கூட்டத்திற்கு தேவையான ஏற்பாடுகளை திருவண்ணாமலை மாவட்ட அமைப்பாளர் திருவேங்கடம் மற்றும் பாலு செய்திருந்தார். இறுதியாக வடக்கு மண்டல அமைப்பாளர் முருகேசன் நன்றியுரையாற்றினார்.

மதுரை பிரகடனம்

2009-09-25T10:13:00.000-07:00

காலநிலை மாற்றம் குறித்தான 15 வது உலக மாநாடு வருகின்ற டிசம்பர் 7 – 17ம் தேதி வரை நெதர்லாந்து நாட்டிலுள்ள கோபன்செகான் நகரில் நடைபெற உள்ளது. இம்மாநாட்டில் இந்தியா குடிமக்கள் அரங்கின் சார்பில் தொண்டு நிறுவனங்கள் மற்றும் மக்கள் அமைப்புகளை பிரதிநிதித்துவப்படுத்தி கலந்து கொள்ள உள்ளார். அதற்கான மக்கள் அமைப்புகளின் கருத்தரியும் கூட்டம் இன்று கிருஷ்ணய்யர் சமூக கூடத்தில் நடைபெற்றது. சுமார் 100க்கும் மேற்பட்ட சமூக செயல்பாட்டாலர்கள் மற்றும் விவசாயிகள் கலந்து கொன்டனர்.

“ கொதிக்கும் பூமியும் விளிம்பு நிலை மக்களும்” - குடிமக்கள் உலக அரங்கு - தமிழ்நாடு, மாநில அளவிலான கருத்துப்பட்டறை, செப்டம்பர் 24, 25 – 2009

மதுரை பிரகடனம்

1. இன்றைய நடைமுறை வளர்ச்சித் திட்ட அணுகுமுறைகளே புவி வெப்பமடைய அடிப்படை காரணம் என்று இக்கருத்துப்பட்டறை உறுதியாகக் கருதுகிறது.

2. இப்புவியில் உள்ள அனைத்து மக்களுக்கும் நிலைத்த வாழ்வாதாரங்களையும், இயற்கை சூழலையும் உள்ளடக்கிய சமூக நீதி மற்றும் அமைதிச் சூழலை வழங்க சமூக, பொருளாதார– அரசியல் கட்டமைப்பில் அடிப்படை மாற்றம் செய்யப்பட வேண்டும் என இக்கருத்துப்பட்டறை வலியுறுத்துகிறது.

3. இக்கருத்துப்பட்டறையில் பங்கேற்ற தமிழகத்தின் பன்முக சுற்றுச்சூழலிருந்து வந்த பிரதிநிதிகள், பூமி வெப்பமடையும் நிகழ்வு பூமி கிரகத்திற்கும், அதில் வாழும் மக்களுக்கும், பிற உயிரினங்களுக்கும் பேராபத்தை ஏற்படுத்தி வருவதை உணருகிறார்கள். பெரும் விழுக்காட்டு மக்களுக்கு இழப்பை ஏற்படுத்தி சிறு விழுக்காட்டு மக்களுக்கு பயன்படக்கூடிய வளர்ச்சித்திட்ட அணுகுமுறை விளிம்புநிலை மக்களின் வாழ்வாதரங்களை மிக அதிக அளவில் பாதித்துள்ளதை இக்கருத்துப்பட்டறை தீவிர ஆய்வுக்கு உட்படுத்துகிறது.

4. இந்த வளர்ச்சித்திட்ட அணுகுமுறை மேற்கத்திய நாடுகளால் நடைமுறைப்படுத்தப்பட்டு அது கிழக்கத்திய நாடுகளின் இயற்கை வளத்தை உறிஞ்சுகிறது; வெகுஜன மக்களை வறுமைக்கு உள்ளாக்கி உலகை பேரழிவின் விளிம்பிற்குத் தள்ளி வருகிறது.

5. திட்ட வரைவுகளிலும், முடிவெடுப்பதிலும் விளிம்பு நிலை மக்களின் கருத்துக்கள் தேச அளவிலும், உலக அளவிலும் புறக்கணிப்பது நிலைத்த வளர்ச்சிக்கு பெரும் தடையாக அமையும் என இக்கருத்துப்பட்டறை வலியுறுத்துகிறது.

6. காலநிலை மாற்ற பிரச்சனை இவ்வளவு தீவிரம் அடைந்ததற்கு அடிப்படை காரணம் ஒரு சிறு விழுக்காட்டினரின் மேலாதிக்கமே. தேசிய அளவிலும், உலகளவிலும் அடித்தள மக்கள் பங்கேற்கும் ஜனநாயக முறை அமுல்படுத்தப்பட்டு, இன்றைய மேலாதிக்க முறை முழுவதுமாக மாற்றியமைக்கப்பட வேண்டும்.

7. வெகுஜன மக்களுக்கு பயன்படக்கூடிய, சமபங்கீட்டிற்கு உட்பட்ட, கரியமில வாயு கட்டுப்பாடு கொண்ட திட்டங்களாக தற்போது மேற்கொள்ளப்படும் முயற்சிகள் அமைந்துள்ளதா என்று கீழ்மட்டத்திலிருந்து, மண்டல, தேசிய, உலகளவில் தணிக்கை செய்ய உரிய அதிகாரமும் பொறுப்புமுள்ள அமைப்பு முறை தேவை.

8. மேட்டுக்குடி - மைய, மேலாதிக்கம் கொண்ட, இன்றைய நடைமுறை வளர்ச்சி போக்கு உலகெங்கும் லஞ்சம், ஊழல், குற்றச்செயல்கள், மனித உரிமை மீறல்கள், வன்முறை, பாதுகாப்பற்ற சூழல், அமைதியற்ற மனநிலை - இவற்றை ஏற்படுத்தி வருகிறது. மேலும் இது ஆயுதப்போட்டியை முடிக்கிவிட்டுள்ளது. இதனால் ஆயுத உற்பத்தியிலும், உபயோகத்திலும் அதிக கரியமில வாயு வெளியேற்றப்படுகிறது. இது வளிமண்டலத்தில் கரியமில வாயு அடர்த்தியை அதிகரிக்கிறது. சமத்துவம், சகோதரத்துவம், சமூக நீதியுள்ள வளர்ச்சி திட்டங்களுக்கு செலவிடப்படவேண்டிய மிகப்பெரும உலகப் பொருளாதாரம் ஆயுத உற்பத்திக்கு வீணாக்கப்படுவதை உடனடியாக நிறுத்தவேண்டும் என இக்கருத்துப்பட்டறை வலியுறுத்துகிறது.

பூமி சூடாதலை தடுக்க நுகர்வு கலாச்சாரத்தில் இருந்து பொதுமக்கள் விடுபட வேண்டும் ய. டேவிட் அழைப்பு

2009-09-25T02:51:00.000-07:00

செப்டம்பர் 24:

காலநிலை மாற்றம் குறித்தான 15 வது உலக மாநாடு வருகின்ற டிசம்பர் 7 – 17ம் தேதி வரை நெதர்லாந்து நாட்டிலுள்ள கோபன்செகான் நகரில் நடைபெற உள்ளது. இம்மாநாட்டில் இந்தியா குடிமக்கள் அரங்கின் சார்பில் தொண்டு நிறுவனங்கள் மற்றும் மக்கள் அமைப்புகளை பிரதிநிதித்துவப்படுத்தி கலந்து கொள்ள உள்ளார். அதற்கான மக்கள் அமைப்புகளின் கருத்தரியும் கூட்டம் இன்று கிருஷ்ணய்யர் சமூக கூடத்தில் நடைபெற்றது. சுமார் 100க்கும் மேற்பட்ட சமூக செயல்பாட்டாலர்கள் மற்றும் விவசாயிகள் கலந்து கொன்டனர்.

இக்கூட்டத்தில் ஒய். டேவிட் அவர்கள் பேசியதாவது. காலநிலை மாற்றத்தினால் இவ்வுலகு ஒரு அசாதரணமான, இக்கட்டான காலக்கட்டத்தில் தத்தளித்த்துக்கொண்டிருக்கிறது. தொழிற்புரட்சிக்கு பிந்தைய காலகட்டத்தில் பூமியின் வெப்பநிலையில் 0.73 செல்ஜியஸ் அளவு கூடியுள்ளதாக ஐ.பி.சி.சி 4வது அறிக்கை கூறுகிறது இதுவும் கூட சரியான சரியான தகவலாக இருக்கமுடியாது. அரசு மற்றும் கம்பெனிகள் சார்பற்ற பொதுவான அறிவியல் மற்றும் சமூக ஆய்வாளர்களின் கணிப்புப்படி பூமியின் அதிகப்படியான தாங்கும் சக்தியான 2 டிகிரிசெல்சியஸ் அளவில் தற்போது நாம் 1.5 டிகிரி செல்வியஸ் அளவினை ஏற்கனவே கடந்து விட்டோம் என்பதே உண்மை. இதுவரை வெளியிட்டுள்ள பசுங்குடில் வாயுக்களின் காரணமாக 0.8 செல்ஜியஸ் வெப்பநிலை எதிர்காலத்தில் அதிகரிக்க வாய்ப்புள்ளது. இதனை அரசு சார்புடைய அறிஞர்கள் ஒத்துக்கொள்ளமாட்டார்கள். இனிமேல் பூமியின் சூடு அதிகரிக்காமல் தடுக்கவேண்டிய பெருங்கடமை உலக நாடுகளுக்கு உண்டு. இதனை தவற விட்டால் பூமியை யாராலும் காப்பற்ற முடியாது. பூமியை காப்பாற்ற உலக நாடுகள் மற்றும் மக்கள் ஒன்றிணைந்து செயல்பட வேண்டியது. அவசியம். அதிலும் குறிப்பாக இன்றைய சந்தையை சார்ந்த உற்பத்தி மற்றும் நுகர்வு கலாச்சாரம், அதனை தாங்கி பிடிக்கும் உலகமய கொள்கைகள் போர்க்கால அடிப்படையில் நிறுத்தப்படவேண்டும். அவை எவ்வளவு தாங்க முடியாத விளைவுகளை ஏற்படுத்தும் என்பதை தற்பொழுது நடைபெறும் பொருளாதார தேக்கநிலை நமக்கு உணர்த்தியுள்ளது. அதனால் ஏற்பட்டுள்ள விலைவாசி உயர்வுகள் விளிம்பு நிலை மக்களை பெருவாரியாக பாதித்துள்ளது. காலநிலை மாற்றத்தை தடுப்பதில் இந்தியா உலகிற்கு முன்னோடியாக செயல்பட முடியும் எவ்வாறெனில் மக்களை மையப்படுத்தி கிராமப்புற, சுற்றூச்சூழலுக்கு உகந்த உற்பத்தி முறைக்கு மாறுவதன் மூலம் சாத்தியம் என்று கூறினார்.

தலைமை உரையாற்றிய குடிமக்கள் உலக அரங்கின் தமிழக தலைவர் டாக்டர். சந்தானம் அவர்கள் காலநிலை மாற்றத்தை எதிர்கொள்ள உலகப்பிரச்சினைகளில் முடிவு எடுக்கும் நிலையில் உள்ள அமைப்புகளில் ஜனநாயகத்தன்மை மற்றும் விளிம்பு நிலை மக்களின் பங்கேற்பு அவசியம் என வலியுறுத்தினார்.

இதனை தொடர்ந்து குடிமக்கள் உலக அரங்கின் தேசிய ஒருங்கிணைப்பாளர் முகேஷ்குமார் பகுகுணா அவர்கள் காலநிலை மாற்றத்தினால் இமயமலையின் சூழலியல் தன்மையில் ஏற்பட்டுவரும் விரும்பத்தாகத விளைவுகள் பற்றி விளக்கினார். அதனை தொடர்ந்து காலநிலை மாற்றத்தினால் காடுகளில் ஏற்பட்டுள்ள மாற்றங்கள் மற்றும் நீராதாரங்களில் ஏற்பட்டுள்ள மாற்றங்கள் பற்றி முனைவர். அருணாச்சலம் அவர்கள் உரையாற்றினார். பின்னர் திரு. அசோக்ராஜா, ஆதிவாசிகளுக்கான உரிமை செயல்பாட்டாளர் அவர்கள் காலநிலை மாற்றத்தினால் ஆதிவாசிகளிளுக்கு ஏற்பட்டுள்ள விரும்பத்தகாத விளைவுகளை பற்றி விளக்கினார். முதல்நாள் அமர்வின் இறுதி அமர்வாக காலநிலை மாற்றமும் பெண்களும் என்ற தலைப்பில் உரையாற்றினர். இரவு உணவுக்கு முன்பாக காலநிலை மாற்றம் தொடர்பான கருத்துப்படங்கள் திரையிடப்பட்டன.

இரண்டாம் நாள் அமர்வு காலை 9 மணிக்கு துவங்கியது. அதன் முதல் அமர்வாக காலநிலை மாற்றத்தினால் கிராமப்புற மக்களின் வாழ்வாதாரங்களில் ஏற்பட்டுள்ள மாற்றங்கள் என்ற தலைப்பில் நிலைத்த வாழ்வாதாரங்களின் கூட்டுச்செயல்பாடு (ஜாசூல்) - தமிழ்நாடு அமைப்பின் மாநில ஒருங்கிணைப்பாளர் அவர்கள் பேசினார். இவ்வமர்வில் சூழலியல் செயல்பாட்டாளர் ஆனந்தராஜ் மற்றும் திருவேங்கடம் ஆகியோர் தங்களின் அனுபவங்களை பகிர்ந்து கொண்டனர். அதனை தொடர்ந்து காலநிலை மாற்றத்தினால் விவசாயத்தில் ஏற்பட்டு வரும் அனுபவங்கள் பற்றி உயிர்சூழல் விவசாயி ஜெயச்சந்திரன் மற்றும் முனைவர். மாரிமுத்து அவர்கள் எடுத்துரைத்தனர். இறுதியாக விளிம்பு நிலை மக்களின் குரல் என்ற தலைப்பில் ஆதிவாசி, பெண்கள், விவசாயிகளின் அனுபவங்களை பகிர்ந்து கொண்டனர். இந்த அமர்வினை திருமதி. சாந்தி அவர்கள் ஒருங்கிணைத்தார். ஒட்டு மொத்த இரண்டு நாள் அமர்வினை சமூக செயல்பாட்டாளர் முருகன் அவர்கள் தொகுத்து கூறினார்.

இதணை தொடர்ந்து பங்கேற்பாளர் அனைவரும் சேர்ந்து மதுரை பிரகடனத்தை தயாரித்து வெளியிட்டப்பட்டது.

இறுதியாக ஒருங்கிணைப்பாளர் வசந்தி நன்றி கூறினார். கூட்டத்தினை ஒருங்கினைக்கும் பணியினை தனராஜ் மற்றும் நாகலிங்கம் ஆகியோர் செய்தனர். கூட்டத்திற்கான ஏற்பாடுகளை முனியசாமி மற்றும் சுகுமார் செய்திருந்தனர்.

தமிழக விவசாயிகளின் அறிவை முடக்கும் வேளாண் மன்றச் சட்டத்தை திரும்ப வேண்டும் : சமூக சேவகி வந்தனா சிவா கோரிக்கை

2009-08-17T19:58:00.000-07:00

சென்னை, ஆக. 17:

""விவசாயிகளின் அறிவை முடக்கும் வேளாண் மன்றச் சட்டத்தை திரும்பப் பெற வேண்டும்'' என்று தமிழக அரசுக்கு "நவதான்யா' அமைப்பின் தலைவரும், பிரபல சமூக சேவகியுமான வந்தனா சிவா கோரிக்கை விடுத்தார். "பசுமைப் புரட்சி வன்முறை' என்ற ஆய்வு நூலை எழுதியவர் வந்தனா சிவா. ரசாயன உரங்கள் மற்றும் மரபணு மாற்றம் செய்யப்பட்ட விதைகளுக்கு எதிராக போராடி வருபவர் அவர். இந்நிலையில், அவர் சென்னையில் செய்தியாளர்களிடம் திங்கள்கிழமை கூறியது: ""வேளாண் மன்றங்களில் பதிவு செய்துள்ள வேளாண் பட்டதாரிகள் மட்டுமே விவசாயப் பணிகள் குறித்து ஆலோசனை வழங்க வேண்டும்'' என்று தமிழக அரசு சட்டம் இயற்றியுள்ளது. இந்தியா ஒரு விவசாய நாடு. விவசாயிகளின் வேளாண் அறிவு குறிப்பிட்ட கல்வி நிலையங்களில் உருவாவது இல்லை. அந்த அறிவு பல்லாயிரக்கணக்கான ஆண்டுகளாக, பல்வகை சூழ்நிலைகளில், பல்வேறு விளைநிலங்களில், பல்வேறு உத்திகளை கையாண்டு பெற்ற அறிவாகும். இது தலைமுறை தலைமுறையாக தொடர்கிறது. இப்படித்தான் இந்திய விவசாயிகள் பல லட்சக்கணக்கான நெல் ரகங்களை உருவாக்கினார்கள். ஆனால் "பசுமைப் புரட்சி' என்ற பெயரில் இறக்குமதியான தொழில்நுட்பங்கள், ரசாயன உரங்களையும், பூச்சி மருந்துகளையும் விற்பனை செய்வதற்காக இந்த நெல் ரகங்களை அழித்து விட்டன. பன்னாட்டு நிறுவனங்கள் தங்களது லாபத்துக்காக உருவாக்கிய பசுமைப் புரட்சியின் அடுத்தக் கட்டமாக மரபணு மாற்றுத் தொழில்நுட்பமும், உயிரித் தொழில்நுட்பமும் உருவெடுத்துள்ளன. ஒரு விவசாயி யாரிடம் விவசாய தொழில்நுட்பத்தை பெறுவது என்பது அவரின் அடிப்படை உரிமை. அதனை தமிழக அரசின் சட்டம் முடக்குகிறது. விவசாயத்தை நிறுவனமயமாக்க நினைக்கும் பன்னாட்டு நிறுவனங்களுக்கு இந்தச் சட்டம் ஆதரவாக உள்ளது. தலைமுறை, தலைமுறையாக தொடர்ந்து வரும் விவசாயிகளின் அறிவை முடக்கும் வேளாண் மன்றச் சட்டத்தை தமிழக அரசு திரும்பப் பெற வேண்டும். இந்திய விவசாயிகளை காப்பாற்றவும், மரபணு மாற்றம் செய்யப்பட்ட விதைகளை எதிர்த்தும், விவசாயத்தை நிறுவனமயமாக்கத் துடிக்கும் பன்னாட்டு நிறுவனங்களை எதிர்த்தும் நாங்கள் தொடர்ந்து போராடுவோம் என்றார் வந்தனா சிவா. பேட்டியின்போது ஈரோடு மாவட்ட இயற்கை விவசாயிகள் கூட்டமைப்பின் தலைவர் செல்வம், வேளாண் மன்றச் சட்டத்தை எதிர்க்கும் "கருப்புச் சட்ட எதிர்ப்பு கூட்டுக் குழு'வின் ஒருங்கிணைப்பாளர்கள் சுந்தரராஜன், விமலா உள்ளிட்டோர் உடன் இருந்தனர்.

பளியர் ஆதிவாசிகளின் கலைவிழா

2009-08-08T22:33:00.000-07:00

நாள் : 10 ஆகஸ்ட் 2009, திங்கள் காலை 10 மணிக்கு துவங்கி மாலை 6 மணி வரை

இடம் : தேனி, உழவர்சந்தை அருகில் உள்ள வசந்த மகாலில்

உலக ஆதிவாசிகள் தினத்தை முன்னிட்டு மண்ணின் மூத்த குடிமக்களின் கலை, கலாச்சார, பண்பாட்டுத் தொன்மங்களை உலகிற்கு சொல்லிடும் முகமாக பளியர் ஆதிவாசிகளின் கலைவிழா இரண்டாவது ஆண்டாக வருகின்ற 10 ஆகஸ்ட் 2009, திங்கள் காலை 10 மணிக்கு துவங்கி மாலை 6 மணி வரை தேனி, உழவர்சந்தை அருகில் உள்ள வசந்த மகாலில் நடைபெற உள்ளது.

ஆதிவாசிகளுக்கான வனநில உரிமை அங்கீகார சட்டத்தை முறையாகவும், வேகமாகவும் நிறைவேற்ற வலியுறுத்தி மேலப்பட்டி பிள்ளையார்கோவில், பெரியகுளம் ரோட்டில் இருந்து துவங்கி உழவர்சந்தை வரை நடைபெற உள்ளது. அதனை தொடர்ந்து சமூக செயல்பாட்டாளர்கள், மற்றும் ஆதிவாசிகள் தலைவர்களின் உரைவீச்சு நடைபெறவுள்ளது.

இறுதியாக எல்லோரும் ஆவலுடன் எதிர்பார்க்கும், ஆதிவாசிகளின் கலை, கலாச்சார பண்பாட்டு தொன்மங்கள், , வாழ்வியல் தத்துவங்களை வெளிப்படுத்திடும் நடனம், ஆடல் பாடல், பாரம்பரிய இசை, நாடகம் போன்ற பாரம்பரிய கலை வடிவங்களின் அரங்கேற்றம் நிகழ உள்ளது. எல்லோரும் குடும்பத்தோட வாங்க. எப்படி சண்டை சச்சரவில்லாமல், அணுசரனையாக, இயற்கையோட இசைந்து, குறைவான நுகர்வு பழக்கத்தோட வாழ்வது போன்ற வாழ்வியல் கோட்பாடுகளை நேரடியாய் கண்டு, கேட்டு செல்ல ஓர் அரிய வாய்ப்பு.
இந்த நிகழ்ச்சியை ஆதிவாசிகள் அல்லாத மற்ற சமுதாய மாக்களுக்காக (அட நாகரீக மனுசங்கன்னு சொல்லிக்கிட்டு பூமியை சூடாக்கிட்டு திரியிற நாம தாங்க) ஏற்பாடு செய்றவங்க வன ஆதிவாசிகளுக்கான கூட்டு செயல்பாடு (Collective Action for Forest Adivasi in Tamilnadu – CAFAT) – தமிழகம் என்னும் ஆதிவாசி பளியர் மத்தியில் வன நில உரிமை அங்கீகார சட்டம் 2006 பற்றி பிரசாரம் மற்றும் உரிமை மீட்டெடுக்கும் பனியில் ஈடுபட்டுள்ள சமூக செயல்பாட்டு இயக்கங்கங்களின் கூட்டமைப்புங்க. இது மதுரை - பீல் (PEAL) அலுவலகத்தை தலையிடமாக கொண்டு செயல்படுதுங்க.

கலைவிழா பங்கெடுத்துக்கொள்ள முடியாத வெளியூர் மற்றும் உள்ளூர் நண்பர்களுக்காக கலை விழாவை பற்றிய செய்திகளை கொண்டு சேர்க்கும் பணியை இந்த அடியோன் (மாரிராஜன்) தன்னுடைய வலைத்தளத்தின் (www.tmarirajan.blogspot.com) மூலம் செய்ய முயற்சி எடுத்துக்கிட்டு இருக்கிறார். அதனுடைய ஒரு முயற்சியாகத்தான் இந்த அழைப்பிதழ். அப்புறம் மீண்டும் சந்திப்போம் கலைவிழா பற்றிய மேலாதிக தகவல்களுக்கு மறக்காம இந்த கிராமத்தினின் கிருக்கல்கள் (www.tmarirajan.blogspot.com) இணையதள பக்கத்தை பாருங்க. மீண்டும் வேறு ஒரு நல்ல சந்தர்ப்பத்தில் சந்திப்போம். சந்திப்போம். நன்றி. தொடர்ப்புக்கு ௯௪௪௨௫௨௪௫௪௫

பெரியப்பாவின் வீடு

2009-08-02T00:18:00.000-07:00

பெரியம்மா மிகவும் யதார்த்தமானவங்க. பாம்படம் போட்ட காது ஆட, வெற்றிலை மெல்லும் பொக்கை வாயால் சிரித்தபடியே அக்கறையாக விசாரிக்கும் பெரியம்மாவின் நினைவு வந்தது. விடுமுறைக்கு செல்லும் போதெல்லாம் தேடி வந்து அன்பாக சுகம் கேட்கும் பெரியம்மா இல்லாதது இந்தமுறை கவலையாகவே இருந்தது. பெரியம்மா மாரடைப்பு நோயினால் இறந்த நேரத்தில் 5 மகன்களில் ஒருவரும், ஒரே மகளும் மட்டும் பக்கத்துல இருந்தாங்களாம். யாரு அவங்க இறுதி சடங்குகளை கவனிப்பதுன்னு பெரிய குழப்பமாம். கௌரவத்தை விடாம அண்ணனே எல்லாத்தையும் நடத்தி முடித்தாராம். அவரும் பழையபடி வெளிநாட்டுக்கு போயிட்டார்.

பெரியப்பா சரியாக கண் தெரியாததால் மகள் வீட்டில் தங்கி இருக்கார். பெரியப்பா எந்த கோவிலுக்கும் போனதில்லை. அவர் சிலைகளோ, படங்களோ வைத்து கும்பிட்டதும் இல்லை. நிறைகளும், குறைகளும் கொண்ட சாதாரணமான மனிதர் அவர். பெரியப்பா வீடு இப்போ யாருமில்லாமல் கழையிழந்து பூட்டியே கிடக்கிறது. மண்ணும், சுண்ணாம்பும், ஓடும், மரங்களும் சேர்ந்தது மட்டுமா வீடு? பார்க்க மிகவும் எளிமையாக சிறியதாக இருப்பினும் இந்த வீட்டை சுற்றி ஒரு குடும்பத்தின் தொடர் வரலாறும், சுற்றுப்புறத்தவரது இனிமையான காலங்களும் சேர்ந்தே பூட்டப்பட்டிருக்கிறது.

°°°°
பெரியப்பா வீட்டின் முன்னர் பெரிய முற்றம் உண்டு. அக்கம் பக்கத்து ஆட்கள் அங்கே பந்து விளையாட, கபடி விளையாட வருவாங்க. சின்ன வயதில் கோலி விளையாடுறது, டயர் வண்டி ஓட்டுறது, பனங்காய் கூந்தை வண்டி செய்து விளையாடியது, ஆடுபுலியாட்டம், கண்டு விளையாட்டு (கண்ணாமூச்சியாட்டம்) எல்லாம் இங்கே தான். பெரியவங்க எல்லோரும் கூடி நின்று வேடிக்கை பார்ப்பதும், பிள்ளைகள் விளையாடுவது, வம்பளப்பது (வெட்டியா பேசுறது) எல்லாமே உண்டு. அறுவடை நேரத்தில் பல குடும்பத்தினர் களமடிக்கிறது இந்த முற்றத்தில் தான். நாடோடி மக்களான கோணங்கிகள் ஊருக்கு வரும் போது புகலிடம் தருவதும் பெரியப்பா வீட்டு திண்ணையும், முற்றமும் தான்.

அந்த காலங்களில் வயல் அறுக்கிற நேரம் பெரியப்பா பிள்ளைகள் எல்லோரும் வேலைக்கு போனாங்க. பக்கத்து வீட்டுக்காரங்க வயலறுக்க, களமடிக்க இவங்க உதவியும் செய்தாங்க. பெரியப்பா வயல் அறுக்க மற்ற எல்லாரும் வந்தாங்க. வயலறுக்கிற நேரம் நானும் வேடிக்கை பார்க்க போனதுண்டு. எங்களுக்கு வயல் இல்லாததால் நெல்கட்டுகளை பிரிச்சு போட்டு மாடுகளை பூட்டி சுற்றி வருவதும், நெல்லை அளக்கிறதும் பார்ப்பதே சந்தோசம். ஊரிலுள்ளவங்க கூடி நின்னு எல்லா வேலையையும் செய்யுறது பார்க்க மனசுக்கு இதமாக இருந்தது.

கடும் வறட்சி வந்து ஊரிலுள்ள ஒரே பொது கிணறு தண்ணி வற்ற ஆரம்பித்ததும் பெரியப்பா வீட்டு முற்றத்தில ஓரமா கிணறு வெட்டினாங்க. அந்த கிணற்று தண்ணி தான் ஊரில நிறைய குடும்பங்களுக்கு சமையலுக்கு பயன்பட்டது. தண்ணி எடுக்க ஆணும், பெண்ணும் வருவாங்க. தண்ணி எடுக்கிறப்ப கேலி, கிண்டல், அக்கறை எல்லாமே பேச்சுகளில் கலந்திருந்தது. அதை பார்க்கவும், கேட்கவும் சந்தோசமா இருந்தது.

யாராவது சுகமில்லைன்னா கிணற்றடியில் தண்ணி எடுக்கிற நேரம் செய்தியை பரிமாறுவதும், எல்லாரும் திரண்டு வீட்டுக்கு போவாங்க. நல்ல அக்கறையா, பாசமா விசாரிப்பாங்க. நோய் தீரும் வரை தினமும் வந்து பாக்கிறவங்களும் உண்டு. பார்க்க போற நேரம் பொருட்கள் எதுவும் கொண்டு போக மாட்டாங்க.

இக்கட்டான சூழ்நிலையில் பெரியப்பா வயலை விற்றார். அறுவடையும், களமடிக்கும் சந்தோச நிகழ்வுகளும் மெல்ல மறந்தது. கலப்பை மட்டும் அவ்வப்போது யாராவது தேவைப்பட்டால் எடுத்துட்டு போவாங்க. முற்றம் விளையாட்டு களமாக கொஞ்சம் காலம் இருந்தது. அண்ணன்களும், பக்கத்து வீட்டு ஆண்களும் கேரளத்துக்கும், வெளிநாட்டுக்கும் போன பிறகு விளையாட ஆட்கள் வந்ததும் குறைய ஆரம்பித்தது.தங்கச்சி கல்யாணம் வரவே பெரியப்பா ஒரு பகுதி நிலத்தை விற்றார். முற்றம் துண்டாகி இன்னொருவரிடம் ஒரு பகுதி போனதில் வாழை பயிரிட்டனர். நீண்ட முற்றம் இல்லாமல் விளையாட ஆட்கள் வருகையும் நின்று போனது.

பிள்ளைகளுக்கு சொத்தை பிரித்து கொடுத்ததில் கிணறும் வீடும் குறுகிய முற்றமும் மட்டும் பெரியப்பாவிற்கு மிஞ்சியது. வெளிநாட்டு பணம் கொண்டு வந்து அண்ணன்கள் அவரவரது பங்கு நிலத்தில் வீடுகட்ட ஆரம்பிச்சாங்க. ஒருவர் வீட்டில் இருந்து அடுத்தவர் வீட்டை பார்க்க முடியாமல் சுற்றி மதில் கட்டினாங்க. ஒவ்வொரு வீட்டிற்கும் தனித்தனி கிணறு வெட்டப்பட்டது. பழைய கிணற்றில் யாருமே தண்ணீர் எடுக்க முடியாத அளவு கிணற்றிற்கான வழி அடைபட்டுப்போனது. எல்லாருக்கும் கல்யாணம் ஆகி, குழந்தைகளும் இருக்கு. வீடு ரொம்ப பெருசா கட்டியிருக்காங்க. குழந்தைகள் இப்போ எல்லாம் டி.வி முன்னாடி உக்காந்து சினிமாவும், சீரியலும் பாக்கிறாங்க. சொந்த பந்தங்கள் வீட்டோட முடிஞ்சு போகுது. வெளிநாட்டில இருந்து எப்போவாவது போன் வரும் போது அப்பா கூட பேசுறதும் கடந்த முறை அப்பா வாங்கி வந்த பொம்மை துப்பாக்கியால் விளையாடுவதுமாக குழந்தைகளின் நேரம் வீட்டிலேயே முடிகிறது. அடுத்த முறை வருகைக்கு அப்பாவை தேடிய படியே குழந்தைகளும், கூடவே துணைவியும்!

வெற்றிலை இடித்தபடியெ பொக்கை வாயால் சிரிக்கும் பெரியப்பாவை யார் தேடி காத்திருப்பர்களோ? பெரியப்பா எதை எதிர்பார்த்து இருக்கிறாரோ? பெரியம்மாவின் முகம் மனதில் வந்து போகிறது

(THis is reposted from aalamaram.blogspot.com(